Ezai 1:16 - NYANMIƐN NDƐ'N 1998

¹⁶ Amun `wunnzin, amun `yo amún wun saun. Amun `yi amun sa tɛtɛ bɔ amun yo be'n min nyrun lɛ. Amun `yaci sa tɛ'n i yolɛ.

Ezai 1:16 ပူးပေါင်းရင်းမြစ်များ

2 Famiɛn Mun 17:13

Anannganman fa ndɛ wlɛli i nuan ijɔfuɛ fanunfanun'm be kwlaa bé nuan. I waan be kan kle Izraɛlfuɛ mun, nin Zidafuɛ'm be kɛ be yaci be nzuɛn tɛtɛ mun, nan be fɛ i mmla fanunfanun'm bé su. I mmla sɔ'n, ɔ fa mannin Izraɛlfuɛ'm be nannan mun. I sin ɔ fa wlɛli i nuan ijɔfuɛ bɔ be ti i sufuɛ'n bé nuan kɛ be fa man be kusu be wie.

Jue Mun 26:6

Anannganman, n ´wunnzin mín sa nun man be ´wun kɛ m'an yo-man sa. M ´bo sin yia ɔ sɔwlɛ'n.

Jue Mun 34:14

nán man ɔ ijɔ tɛtɛ kun. Man ɔ yaci ato bualɛ'n.

Jue Mun 37:27

Sɛ a kaci ɔ́ sin si sa tɛ'n nan a yo sa kpa'n, a ´ka ɔ mɛn'n nun titi.

Nyanndra Mun 21:3

Nanwlɛ dilɛ'n nin nzuɛn kpa'n be ti cinnjin Anannganman nyrun tra tɛ yilɛ'n .

Nyanndra Mun 4:27

Nán kɔ bɛ su, nán kɔ fama su, nán fa atin tɛ su.

Ezai 52:11

Amun bɔ amun sua Anannganman i sulɛ ninnge mun'n, amun `wɔ, amun `wɔ, amun `fite! Nán amun kan ninnge fiɛn fi. Amun `fin Babilɔni lɔ fite, amun `yo amún wun saun !

Zeremi 18:11

Ɔ man se Zidafuɛ mun nin Zerizalɛm klɔ'n sufuɛ'm be kɛ: «Anannganman'n wan yoo: ‹N su siesie amún wun sa kun, n su bu amun wun akunndan tɛ kun. I sɔ'n ti, man amun kwlaa an kaci amun nzuɛn'n. An `nanti klanman kɛ ɔ fata'n sa.› »

Zeremi 25:5

I nuan ijɔfuɛ'm be seli amun kɛ: ‹Amun kwlaa an `yaci amun nzuɛn tɛ'n, an `yaci amun aeliɛ tɛtɛ'n, i liɛ'n, amun ´ka lika nga Anannganman'n fa mannin amun nannan mun nin amun'n, amun ´ka nun mlɔnmlɔn.›

Zeremi 26:3

Nja, sɛ be ti-ɔ, sɛ be kwlaa be ´yaci bé sa tɛ yolɛ nin o. I liɛ'n, wuun akunndan tɛ nga be aeliɛ tɛtɛ'n ti n sunnzunnin i nin be'n, n ´fa fli be.› »

Zeremi 35:15

N sunmannin min sufuɛ bɔ be ti min nuan ijɔfuɛ mun, nán andɛ yɛ m boli be sunmanlɛ bo-ɔ. N waan be `se amun kɛ: ‹Amun kwlaa an `yaci amun nzuɛn tɛ'n nan amun kaci ajalɛ'n. Nán an ko tu amuɛn, nán an sɔ be, i liɛ amun ´ka lika nga n fa mannin amun nin amun nannan mun'n i nun, sanngɛ n kleli mín nuan yalɛ ngbɛn, amu'an sie-man amún su nan se kɛ amun ´fa su.

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Amɔs 5:15

Nán amun fa sa tɛ yolɛ'n be `sie amun anwlɛn'n nun mlɔnmlɔn. Man klun-ufue yolɛ'n yɛ ɔ tran amun anwlɛn'n nun-ɔn. Amun ´kan ndɛ-ɔ, amun `di nanwlɛ. Amun `di nanwlɛ, i liɛ'n nja, sɛ Anannganman b'ɔ sie mɛn wunmuan'n ɔ ´si Zozɛf i anunman nga be ka'n be aunnvuɛ o!

Zonas 3:8

E kwlakwla e `wla bajɛ tralɛ, e `kpan kekle e flɛ Anannganman'n nan e `yaci klunwi sa nin sa tɛtɛ'm be yolɛ!

Zakari 13:1

«I sɔ blɛ nun'n, nzue nyinma kun wa nyrɛn viaa ɔ salo David i osufuɛ mun nin Zerizalɛmfuɛ'm bé sa tɛ nga be yoli'n, ɔ nin bé wun fiɛn mun.»

Zakari 7:7

?I nun nga bɔ sran ba'n tɛ jin Zerizalɛm'n su, bɔ wuun klɔ nga be mɛntɛn-mɛntɛn i lɛ mun be o be olɛ bliin'n, bɔ sran'm be tɛ o ngua lɔ lika'n nun nin lika kpɛtɛkplɛɛ'n nun lɔ'n, nán ndɛ nga Anannganman fa wlɛli i nuan ijɔfuɛ'm bé nuan laa bɔ be kannin'n yɛ ɔ lɛ-ɔ?

Matthieu 3:8

An `yo sa kpa b'ɔ kle kɛ amu'an kaci amun nzuɛn'n, amun `yo kɛ waka kpa b'ɔ su mma kpa'n sa.

Sa nga bé yôli'n 22:16

?Nguɛ yɛ a tɛ minndɛ i siɛn nin-ɔn? Jao man be yo wɔ batɛm i dunman nun, man ɔ yaci ɔ́ wun sa'n cɛ wɔ.› »

Rɔmfuɛ Mun 12:9

Nán amun sran klolɛ'n ɔ yo amún nuan bui su. An `kpɔ sa tɛ'n, nán an nian, sanngɛ like nga be ti kpa'n, man be lo amun.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

Jacques 4:8

An `fa amún wun mantan Nyanmiɛn, yɛ i kusu ´fɛ i wun mantan amun-ɔn. Sa tɛ yofuɛ mun, an `wunnzin amún sa, akunndan nnyɔn-nnyɔnfuɛ mun, an `yaci akunndan tɛtɛ'n.

1 Piɛr 2:1

I sɔ'n ti, an `wla klunwi'n kwlaa, nin gblɛ'n kwlaa, nin dunman kunndɛlɛ'n, nin amún nyin bɔ an fa ci sran'n, ɔ nin sran wun ndɛ tɛ kanlɛ'n kwlaa be ase.

1 Piɛr 3:11

Man ɔ wla sa tɛtɛ'n i ase, yɛ ɔ yo sa kpa, man ɔ nin sran'm be kwlaa bé nuan sɛ, yɛ man sran'm be afiɛn siesielɛ'n kaci i junman,

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .