Ezai 1:14 - NYANMIƐN NDƐ'N 1998

¹⁴ Amun anglo le kun cɛn mun nin amun cɛn uflɛ nga amun di be'n, be yo min tɛ, be ti kɛ trɔ sa, be ti min, n kwla-man bé bo suan kun .

Ezai 1:14 ပူးပေါင်းရင်းမြစ်များ

1 Be Nyoliɛ 23:31

Be yɛ be yi tɛ nga be yra be nnɛn'n kɔlikɔli'n man Anannganman nin-ɔn. Tɛ sɔ'n i nuan ti klɛwa mmla'n nun, i su yɛ be nian be yi-ɔ. Be yi be wunmiɛn-delɛ-cɛn'n nun nin anglo le kun, ɔ nin cɛn dilɛ uflɛ'm be nun.

Ezai 29:1

«Ariɛl klɔ'n bɔ David kpɛli i ngblaliɛ sin yiɛli i laa'n, be `se i kɛ i yako o, yako! Amun `di amun cɛn mun man be wie. Afuɛ ekun'n,

Ezai 29:2

n ´kle amun nun. Amun ´fɛfɛ, amun ´kplin. Klɔ'n ɔ ´yo kɛ min sɔwlɛ sa.

Ezai 43:24

Nán kɛ amun fali amun sika toli like fanninfannin mannin min-ɔn. Nán kɛ amun fali amun tɛ'm be nnɛn'm be lui'n mannin min n dili-ɔ. Sanngɛ amún sa tɛ bɔ amun yoli'n be ti, m miannin sa fii, amun fɔnlɛ bɔ amun fɔnnin'n, ɔ kleli min yalɛ kpa.

Ezai 61:8

Afin min Anannganman n klo sa nga be yo i i nuan su'n. N ciliɛ yɛlɛ awie'n nin sa tɛtɛ'm be yolɛ'n. Like nga amun yo'n, m ´man amun i ti akatua ng'ɔ nin i fata'n. E nin amun e ´tra aenguɛ kun b'ɔ ti anannganman.»

Ezai 66:23

«Kɛ ɔ yo sɔ'n, anglo le kun kwlakwla nin le mɔcuɛ'n nun wunmiɛn-delɛ-cɛn'n kwlaa nun'n, sran'm be kwlaa be ´ba, be wa koto mín bo.» Anannganman yɛ ɔ se sɔ-ɔ.

Ezai 7:13

Nan Ezai ɔ'a se i kɛ: «Wɔ bɔ a nin wɔ awlofuɛ mun amun ti David i osu'n nunfuɛ mun'n, amun `sie amún su! ?Kɛ amun yo bɔ sran'm be di amlin lele be fɛ'n, i sɔ yolɛ'n ɔ ju-man amun, yɛ amun waan amun ´yo nan min Nyanmiɛn'n ɔ `fɛ amlin dilɛ nun ekun-ɔn?

Ndɛ Nga Nyanmiɛn I Nuan Ijɔfuɛ Oze Kannin'n 2:11

I sɔ'n ti, sɛ aliɛ fitelɛ blɛ'n ju'n, n ´yo man ɔ su nyan-man aliɛ. Sɛ ɔ kan nzan kusu-ɔ, nzan'n su kpɛn-man. N ´de mín tannin nin min bɛ'm be kwlaa i sa nun kpɛkuun i wun ´ka ngblɛn.

Ndɛ Nga Nyanmiɛn I Nuan Ijɔfuɛ Oze Kannin'n 5:7

Be lakali Anannganman'n. I lakalɛ bɔ be ´lɛkɛ i'n, yɛlɛ gua su ba bɔ be wuli be'n. Ɔ man kusu anglo kunngba nun'n, be mɛn'n nin be ninnge'm be ´saci mlɔnmlɔn.

Amɔs 2:13

N ´wɛtɛ amun mín ja bo kɛ kakaklolo nga b'a gua nun ble ɔ'a yi bɔ be kɛ ɔ kɔ'n, wuun asiɛ'n wɛtɛ'n sa.

Amɔs 5:21

Anannganman'n wan yoo: «Min wun wunlɛ ng'ɔ ju i blɛ-ɔ an ba'n, ɔ yo min kain, ɔ yo min tɛ. Amun anyia nga amun yia'n ɔ'a flan min.

Zakari 11:8

Anglo kunngba cenje yɛ n fa fuannin bua kankanfuɛ nsan mun-ɔn. Kɛ n fuannin be sɔ'n, bua'm be wun flannin min, kpɛkuun min kusu min wun yoli be tɛ .

Malasi 2:17

N ´kan kle amun kɛ amun fa amún nuan nun ndɛ'n be kle Anannganman i yalɛ, kpɛkuun amun blu su be usa kɛ yoo: «?Yalɛ sɛ yɛ e kle i-ɔ?» Yalɛ nga amun kle i'n yɛlɛ nga amun kɛn i kɛ yoo: «Sran ng'ɔ yo sa tɛ'n ɔ ti kpa Nyanmiɛn i nyrun. Yɛ i sɔ sran mun yɛ Nyanmiɛn klo be-ɔ.» Ɔ nin nga amun usa ekun kɛ: «?Nyanmiɛn bɔbɔ kpa'n li, ɔ di jɔlɛ?»