Ezai 1:13 - NYANMIƐN NDƐ'N 1998

¹³ Amun `yaci sraka ninnge ngbɛn'm be fa balɛ. Ansans bɔ amun yra be man min'n, ɔ yo min tɛ. Anglo le kun cɛn mun, nin wunmiɛn-delɛ-cɛn mun, ɔ nin cɛn dilɛ uflɛ nga sran'm be kwlaa be yia be di'n, n kwla suan-man bé bo kun sa tɛtɛ bɔ amun nyinfu amun yo be cɛn sɔ'm be nun'n ti.

Ezai 1:13 ပူးပေါင်းရင်းမြစ်များ

2 Famiɛn Mun 4:23

Bian'n usɛli i kɛ: «?Nguɛ sa ti yɛ a kɔ i wun wunlɛ ndɛkɛn-ɔn? Ndɛ ti-man anglo le kun annzɛ wunmiɛn-delɛ-cɛn.» Bla'n tɛli i su kɛ: «Nán sa su-ɔ!»

1 Be Nyoliɛ 23:31

Be yɛ be yi tɛ nga be yra be nnɛn'n kɔlikɔli'n man Anannganman nin-ɔn. Tɛ sɔ'n i nuan ti klɛwa mmla'n nun, i su yɛ be nian be yi-ɔ. Be yi be wunmiɛn-delɛ-cɛn'n nun nin anglo le kun, ɔ nin cɛn dilɛ uflɛ'm be nun.

Jue Mun 78:40

I wun nga be jasoli aawlɛ flɛnnɛn'n nun lɔ'n ɔ sɔnnin. Be klɔklɔli i lika kee sɔ'n nun lɔ kpa.

Ezipt Lɔ Tulɛ'n 12:16

Cɛn klikli'n nin cɛn i nso su'n, amun `yia be `su min. Nán amun di junman fi, san amun aliɛ fuɛ'n yɛ amun kwla tɔn-ɔn.

Nyanndra Mun 21:27

Klunwifuɛ'm bé tɛ nga be yi'n ɔ yo Anannganman i tɛ, afin be klun akunndan nga be fa yi'n ɔ ti-man kpa.

Nyanndra Mun 7:14

«Min bo kun yolɛ i su tɛ wie yilɛ o mín wun, m'an yi i ndɛ. Like nga n fua kleli Nyanmiɛn'n, m'an fa mɛn i ndɛ.

Ezai 66:23

«Kɛ ɔ yo sɔ'n, anglo le kun kwlakwla nin le mɔcuɛ'n nun wunmiɛn-delɛ-cɛn'n kwlaa nun'n, sran'm be kwlaa be ´ba, be wa koto mín bo.» Anannganman yɛ ɔ se sɔ-ɔ.

Ezai 66:3

Sran ng'ɔ kun nannin fa yi tɛ'n, ɔ ti kɛ ɔ'a kun sran sa. Sran ng'ɔ kpɛ bua kɔmin'n, ɔ ti kɛ ɔ'a fin alua kɔmin sin like ɔ'a kun i sa. Sran ng'ɔ fa ble sanmlɛn yi sraka'n, ɔ ti kɛ ɔ'a fa kɔkɔti mmoja a yi sraka sa. Sran ng'ɔ yra ansans'n, ɔ ti kɛ ɔ su yɛyɛ amuɛn sa. Kɛ bɔ sran sɔ'm be waan atin ng'ɔ o lɛ'n yɛ be ´fa'n, kɛ bɔ tete sa'm be yolɛ'n yɛ ɔ yo be fɛ'n,

Ngwlɛ Yilɛ 2:6

Ɔ bubuli i bɔbɔ i sua'n. Lika nga e nin i e yia nun lɛ'n, ɔ sacili i. Anannganman man Siɔn wa like nga be flɛ i kɛ cɛn dilɛ nin wunmiɛn-delɛ-cɛn'n, be si-mɛn i kun. I ya ng'ɔ fali'n ɔ yo sro, ɔ man famiɛn nin o, i nyrun jranfuɛ mun o, be kwlaa b'a yo wannzo.

Ezekiɛl 20:39

Yɛ amun Izraɛlfuɛ mun, min Anannganman Nyanmiɛn n waan yoo: Amun `wɔ nan sran kun ko sɔ i amuɛn mun, sanngɛ i sin'n amun lɛ-man atin kɛ amún nyin su yi-man min. Amun ´yaci amuɛn'm be like manlɛ bɔ amun fa saci min dunman'n.

Ndɛ Nga Nyanmiɛn I Nuan Ijɔfuɛ Oze Kannin'n 2:11

I sɔ'n ti, sɛ aliɛ fitelɛ blɛ'n ju'n, n ´yo man ɔ su nyan-man aliɛ. Sɛ ɔ kan nzan kusu-ɔ, nzan'n su kpɛn-man. N ´de mín tannin nin min bɛ'm be kwlaa i sa nun kpɛkuun i wun ´ka ngblɛn.

Zoɛl 1:14

Amun `kle nglɛmun cilɛ blɛ kun. Amun `flɛflɛ amun wun nan an `yia anyia dan kpa kun. Amun `yia ngbɛn mun ɔ nin klɔ'n su sran'm be kwlaa Anannganman i sua'n nun lɔ nan an `srɛ tantrantan kpa kɛ ɔ ´de amun.

Zoɛl 2:15

An `ko bo awɛ Siɔn lɔ be `flɛflɛ sran mun nan an `yia. An `yia nan an `sie nglɛmun cilɛ blɛ kun.

Saun Yolɛ 26:31

N ´nunnun amun klɔ mun, m ´bubu amun sraka yiwlɛ lika sua mun. Ansans nga amun yra be man min'n amún tɛ nga amun yi-ɔ amun yrɛ i nnɛn'n, kannzɛ man be bɔn fannin sɛ, sanngɛ n su fa gua-man min anwlɛn su nzue kun.

Malasi 1:10

Anannganman b'ɔ sie mɛn wunmuan'n wan yoo: «Sɛ sran kun ko nyin Nyanmiɛn sua'n i anuan'n ɔ flunman. I liɛ'n amun su trɔ-man sin mín sɔwlɛ'n su ngbɛn kun. Amun wun yo-man min fɛ. Ɔ man kusu like nga amun fa man min'n, n su sɔ-man nun.

Kalɛ 10:2

«Yo man be fa jɛtɛ ufue bɔ be boli'n be `fa yi awɛ nnyɔn, nan be `bo be fa flɛ sran'm be kwlaa. Kɛ be tutu bé tannin sua'n bé bo bɔ be ´kɔ'n, man be bo nan sran'm be wɔ be nyrun.

Matthieu 15:9

Be manman min ngbɛn, yɛ be kle like nga sran'm be kan'n kɛ ɔ ti Nyanmiɛn mmla .› »

JÉSUS-CHRIST I DYASIN FE'N BO LUC KLELI'N 11:42

Amun Farizifuɛ mun, an yako! Yɛlɛ kɛ an yi mant nin ru nin like bɔ an lua be'n kwlaa be blusu'n, sanngɛ an yaci nanwlɛ dilɛ'n, nin Nyanmiɛn klolɛ'n, be yɛ be yolɛ'n ti su nin-ɔn, sanngɛ nán an yaci wie'm be yolɛ .

1 Korɛntfuɛ Mun 11:17

N yi-man amun ayɛ ndɛ nga n wa kan kle amun yɛ'n su, afin kɛ an yia'n, sa nga an yo i siɛn'n, ɔ ti-man kpa,

Efɛzfuɛ Mun 4:30

Nán an bo Nyanmiɛn Wawɛ'n i wla, afin i yɛ Nyanmiɛn fa mannin amun b'ɔ kle kɛ an ti i liɛ lele ´fa ju cɛn nga e ´nyan é ti mlɔnmlɔn nin-ɔn.

Filipfuɛ Mun 1:15

Nanwlɛ, be nun wie'm bé nyin b'ɔ ci min'n nin akplowa silɛ'n ti yɛ be kan Krist ndɛ nin-ɔn, sanngɛ wie'm be akunndan bɔ be fa kan'n ti kpa.