Ezai 1:12 - NYANMIƐN NDƐ'N 1998

¹² ?Kɛ amun ba tɛ'm be yilɛ'n, wan yɛ ɔ tu amun kɛ amun `nanti-nanti min awlo nun-ɔn?

Ezai 1:12 ပူးပေါင်းရင်းမြစ်များ

Jue Mun 40:6

Anannganman min Nyanmiɛn, abonuan sa nga a yoli'n, be sɔnnin. Yɛ akunndan kpakpa nga a bu i e wun'n, be sɔnnin. Like fi nin wɔ sɛ-man. Min waan n ´di sa sɔ'm be wun lalo n ´sin. Be sɔnnin dan, n kwla ka-man be ngba.

Ezipt Lɔ Tulɛ'n 23:17

Afuɛ kwlaa nun'n, amun nvle'n nun yasua'm be kwlaa be `bla min Anannganman min nyrun kpɛ nsan.

Ezipt Lɔ Tulɛ'n 34:23

«Afuɛ kwlaa nun'n, man yasua'm be kwlaa be bla min Anannganman bɔ n ti Izraɛl Nyanmiɛn'n min nyrun kpɛ nsan.

Akunndanfuɛ'n 5:1

Nán kpli kan ndɛ. Ndɛ nga ɔ waan a ´kan'n, dun mmua bu i wun akunndan nan w'a kan. Afin Nyanmiɛn'n wo nglo lɔ, ɔ kusu a o asiɛ'n su wa. I sɔ'n ti nán ijɔ fiaii .

Zeremi 7:11

?Sua kpa bɔ min dunman'n wo su'n, ɔ ti amun nyrun kɛ awiefuɛ'm be fiawlɛ sa ? N wun i sɔ.› » Anannganman'n yɛ ɔ kan sɔ-ɔ.

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Zakari 7:5

I waan n `se Nyanmiɛn nyrun jranfuɛ nin mɛn nga nunfuɛ'm be kwlaa kɛ: «?Nglɛmun nga an ci'n nin sunlɛ nga an sun afuɛ nuan kun nun anglo i nnun'n su nin anglo i nso'n su bɔ ɔ'a di afuɛ ableso yɛ'n, amun waan min yɛ an ci nglɛmun sɔ'n be man min-ɔn?

Matthieu 23:5

Like kwlaa nga be yo'n, be yo i kɛ sran'm be `wun be. Be wla sɛbɛ dandan mun, yɛ be yo be tralɛ'n i nuan njɔlɛ'n tɛnndɛn .

Mmla'n 16:16

Afuɛ nuan kwlakwla man amun nvle'n nun yasua'm be kwlakwla be wɔ Anannganman amun Nyanmiɛn'n i nyrun kpɛ nsan lika ng'ɔ kle'n nun. Be ko di cɛn nga be o yɛ mun: kpaun nga kpaun ayre nun-man nun'n i cɛn'n dilɛ'n, Pantkɔt, kpata bo tranlɛ i cɛn'n dilɛ'n. Nán amun bla Anannganman i nyrun ɔ nin amun sa ngbɛn.