Ezai 1:1 - NYANMIƐN NDƐ'N 1998

¹ Amɔz i wa Ezai i aolia nun like ng'ɔ wunnin i'n, ɔ nin ng'ɔ tili'n, b'ɔ ti Zida nin Zerizalɛm bé wun ndɛ'n. Ɔ wunnin i Ozias, nin Zɔtam, nin Akaz, ɔ nin Ezekias bɔ be ti famiɛn'n bɔ be fin Zida'n be blɛ su.

Ezai 1:1 ပူးပေါင်းရင်းမြစ်များ

2 Famiɛn Mun 15:1

Kɛ Zeroboam yoli Izraɛl famiɛn'n, i afuɛ ablaɔn-nin-nso'n su yɛ Amazia i wa Azaria kusu yoli Zida famiɛn-ɔn.

2 Famiɛn Mun 15:13

Kɛ Ozias yoli Zida famiɛn'n, i afuɛ ablasan-nin-ngwlan'n su yɛ Zabɛs i wa Salɔm yoli famiɛn-ɔn. Ɔ trannin Samari lɔ anglo kun.

2 Famiɛn Mun 15:32

Kɛ Rɛmalia i wa Pekak yoli Izraɛl famiɛn'n, i afuɛ nnyɔn'n su yɛ Azaria i wa Zɔtam kusu yoli Zida famiɛn-ɔn.

2 Famiɛn Mun 15:7

Azaria wuli. Be sieli i i si'm be asieliɛ'n nun David i klɔ lɔ. Yɛ i wa Zɔtam sinnin i osu-ɔ.

2 Famiɛn Mun 18:1

Kɛ Ela i wa Oze yoli Izraɛl famiɛn'n, i afuɛ nsan'n su yɛ Akaz i wa Ezekias kusu yoli Zida famiɛn-ɔn.

2 Famiɛn Mun 19:2

Eliakim b'ɔ ti famiɛn sua'n i su kpɛn'n nin Sɛbna b'ɔ ti fluwa klɛfuɛ'n, ɔ nin Nyanmiɛn nyrun jranfuɛ'm be nun kaklaakla mun, Ezekias sunmannin be Amɔz i wa Ezai b'ɔ ti Nyanmiɛn nuan ijɔfuɛ'n i sin. Kɛ be ´kɔ'n, bajɛ tralɛ wla bé wun.

2 Be Nyoliɛ 26:1

Zidafuɛ'm be kwlaa be fali Ozias sieli i si Amazia osu'n nun. Kɛ ɔ ´yo sɔ'n, wuun ɔ lɛ afuɛ blu-nin-nsiɛn.

2 Be Nyoliɛ 26:22

Ozias wun ndɛ'n onga'n, kɛ ɔ fɛ i bo bolɛ'n su lele b'ɔ fa ju i agualiɛ'n, Amɔz wa Ezai b'ɔ ti Nyanmiɛn nuan ijɔfuɛ'n ɔ klɛli.

2 Be Nyoliɛ 27:1

Kɛ Zɔtam ´yo famiɛn'n, wuun ɔ lɛ afuɛ ablaɔn-nin-nnun. Ɔ trannin Zerizalɛm lɔ afuɛ blu-nin-nsiɛn. Be flɛ i nin'n kɛ Zɛrisa, Zadɔk i wa-a.

2 Be Nyoliɛ 28:1

Kɛ Akaz ´yo famiɛn'n, wuun ɔ lɛ afuɛ ablaɔn. Ɔ trannin Zerizalɛm lɔ afuɛ blu-nin-nsiɛn. Ɔ'a yo-man sa nga be yo Anannganman fɛ'n kɛ i nannan David sa.

2 Be Nyoliɛ 29:33

Yɛ tɛ kun'n be liɛ'n, be mannin nannin ya nsiɛn nin bua nin boli akpi nsan (3.000).

Jue Mun 89:19

Anannganman, wɔ bɔ a ti Izraɛl Nyanmiɛn'n, bɔ a ti e famiɛn'n, sran ng'ɔ sasa ye'n, wɔ yɛ a kpɛli i-ɔ.

Ezai 13:1

Sa nga Anannganman waan ɔ ´fa wla Babilɔnifuɛ'm be nun'n, bɔ Amɔz i wa Ezai wunnin i, b'ɔ tili'n yɛ:

Ezai 2:1

Amɔz i wa Ezai i aolia nun like ng'ɔ wunnin i'n, b'ɔ ti Zida nvle'n nin Zerizalɛm klɔ'n bé wun ndɛ'n.

Ezai 20:2

I blɛ sɔ'n nun yɛ Anannganman fali ndɛ wlɛli i Amɔz i wa Ezai i nuan kɛ ɔ kan nin-ɔn. Ɔ dun mmua seli i laa kɛ: «Ko yi bajɛ tralɛ b'ɔ ci wɔ afiɛn'n, yɛ yi ngbabua b'ɔ wo ɔ́ ja'n.» Ezai yoli i sɔ. Kɛ ɔ ´wlan-wlan sin'n, tralɛ nun-mɛn i wun, yɛ ngbabua nun-mɛn i ja.

Ezai 21:2

Be yili sa kekle kpa kun nglo kleli min. Sran ng'ɔ tu sran'm be ja'n, ɔ o i junman'n su, like sacifuɛ'n ɔ su di i junman'n. Anannganman waan: «Elamfuɛ mun, amun `ko kun alɛ'n! Medifuɛ mun, amun `fa klɔ'n. N ´yo man fɛfɛlɛ'n kwlaa ɔ ´wie.»

Ezai 37:2

Eliakim b'ɔ ti famiɛn sua'n i su kpɛn'n nin Sɛbna b'ɔ ti fluwa klɛfuɛ'n, ɔ nin Nyanmiɛn nyrun jranfuɛ'm be nun kaklaakla mun'n, Ezekias sunmannin be Amɔz i wa Ezai b'ɔ ti Nyanmiɛn nuan ijɔfuɛ'n i sin. Kɛ be ´kɔ'n, bajɛ tralɛ o bé wun.

Ezai 38:1

I blɛ sɔ nun'n, Ezekias tɔli tukpacɛ, ɔ ti-man nguan liɛ. Yɛ Amɔz i wa Ezai b'ɔ ti Nyanmiɛn i nuan ijɔfuɛ'n ɔ wa toli i nan ɔ'a se i kɛ: «Anannganman waan a siesie wɔ aja'n, afin a su nyan-man nguan, a ´wu.»

Ezai 40:9

Siɔnfuɛ mun, amun ti jasin fɛ'n i bofuɛ, amun `fu oka fleiin kun su. Zerizalɛmfuɛ mun, amun ti jasin fɛ'n i bofuɛ, amun `man amun nɛn'n su kekle kpa. Amun `man amun nɛn'n su, nán srɛ kun amun. Amun `se Zida klɔ'm be sufuɛ'm be kɛ: «Amun Nyanmiɛn'n yɛ ɔ o yɛ !»

Ezai 6:1

Afuɛ nga bɔ famiɛn Ozias wuli nun'n, n wunnin Anannganman, ɔ ti famiɛn bia kun b'ɔ ti nglo-nglo kpa'n su. I tralɛ dan'n i nuan'n ɔ bubu gua asiɛ wun yɛ ɔ yi i sua dan'n .

Ezai 7:1

Blɛ nga bɔ Ozias i wa Zɔtam i klun ba Akaz ɔ ti Zida famiɛn'n, Rɛzɛn b'ɔ ti Siri famiɛn'n nin i sran'm be bali kɛ be nin Zerizalɛmfuɛ'm be ´kun. Be nin Rɛmalia i wa Pekak yɛ be bali-ɔ. Be waan be ´tɔ Zerizalɛmfuɛ'm be su, be yoli lele ɔ'a yo-man ye.

Zeremi 23:16

Anannganman b'ɔ sie mɛn wunmuan'n wan yoo: «Be nga be bu be wun kɛ be ijɔ min nuan'n, be ndɛ nga be ´kan kle amun'n, nán amun fa amún su sie i bo. Aolia nun like nga be ´kɛn i ndɛ kle amun'n, ɔ fin be bɔbɔ be akunndan'n nun. Nán min nuan su ndɛ-ɔ.

Ezekiɛl 1:1

Min afuɛ ablasan'n i anglo nnan'n i cɛn ba nnun su'n, m bɔbɔ min Nyanmiɛn nyrun jranfuɛ Bizi wa Ezekiɛl, n wo Zuif nga be trali be lomuɛn ɔli Kɛbar nzue ba'n i nuan lɔ'n be nun. (N wo lɛ) kpɛkuun n ´wun i-ɔ, nyanmiɛn su lɔ'n ɔ'a tike muaan, yɛ Nyanmiɛn yoli man n wunnin aolia nun ninnge mun. Kɛ be trali famiɛn Zozakim lomuɛn ɔli'n, i afuɛ nnun'n su yɛ i sɔ sa'n yoli-ɔ. Babilɔni mɛn'n nun, Kɛbar nzue ba'n nuan lɛ yɛ Anannganman'n kannin ndɛ kleli min-ɔn. Lɛ yɛ i fanngan'n wluli min nun-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 1:1

Fluwa nga i nun ndɛ'm be ti Anannganman i ndɛ yɛ ɔ fa wlɛli Beeri i wa Oze nuan kɛ ɔ `kan-an. Kɛ ɔ ´fa wlɛ i nuan sɔ'n, wuun Zɔas i wa Zeroboam yɛ ɔ ti famiɛn Izraɛl mɛn'n su-ɔ. I blɛ kunngba sɔ'n nun yɛ Ozias, nin Zɔtam, nin Akaz, ɔ nin Ezekias be yoli famiɛn Zida lɔ-ɔ.

Amɔs 1:1

Tekoa lɔ nnɛn kankanfuɛ nga be flɛ i kɛ Amɔs i nuan su ndɛ yɛ ɔ o fluwa nga nun-ɔn. Anannganman yili Izraɛl mɛn'n i wun ndɛ'n i nglo kleli i. Kɛ ɔ yili kleli i sɔ'n, i afuɛ nnyɔn b'ɔ ´ju'n yɛ asiɛ'n kejeli-ɔ. Blɛ sɔ nun'n, wuun Ozias yɛ ɔ ti Zida famiɛn nin-ɔn. Zɔas i wa Zeroboam kusu yɛ ɔ ti Izraɛl famiɛn nin-ɔn .

Amɔs 4:5

Kpaun nga kpaun ayre o nun'n, an `yrɛ i be `fa yi bo kun yolɛ'n i su tɛ be fa man min. Amun klun klo like nga amun waan amun ´fa man'n, an `bo i ndolo. Afin nga amun waan be `fa man amun nan amun yo'n yɛ ɔ o lɛ-ɔ.» Anannganman'n yɛ ɔ kan sɔ kle amun-ɔn.

Mise 1:1

Zida famiɛn mun Zɔtam nin Akaz, ɔ nin Ezekias be blɛ su'n Anannganman fa ndɛ wlali Mise b'ɔ fin Mɔresɛt'n i nuan kɛ ɔ kan . Aolia nun sa ng'ɔ wunnin i Samari klɔ'n nin Zerizalɛm klɔ'm bé wun ndɛ-ɔ:

Naɔm 1:1

Niniv klɔ'n i wun ndɛ nga bɔ Anannganman fa wlali Naɔm b'ɔ fin Ɛlkɔs, i nuan kɛ ɔ kan'n yɛ. Aolia nun yɛ Nyanmiɛn kan ndɛ sɔ'n kleli i-ɔ.

Abakik 2:2

Kpɛkuun Anannganman'n tɛli min su kɛ: «Sa nga n su wa yi be nglo n kle wo yɛ'n, klɛ be tɛbua bue kanngan'm be su kɛ ɔ ko yo nan b'a kwla kanngan be weiin'n ti.

Kalɛ 12:6

Ɔ seli be kɛ: «Amun `tie min ndɛ'm be kpa. Mín nuan ijɔfuɛ kun b'ɔ o amun afiɛn sa'n, aolia nun yɛ n yi mín wun nglo n kle i-ɔ, laliɛ nun yɛ n kan ndɛ n kle i-ɔ.

Kalɛ 24:16

Min bɔ Nyanmiɛn kɛn i nuan su ndɛ mun kle min b'ɔ tike aolia nun ninnge'm bé su kle min'n, bɔ kpɛkuun n kwla wun nvialiɛ nun sa mun'n, afin kɛ n su i'n, ɔ yi i wun nglo kle min, ndɛ nga n kan'n yɛ ɔ o yɛ:

Kalɛ 24:4

Min bɔ Nyanmiɛn kɛn i nuan su ndɛ mun kle min'n, bɔ kpɛkuun n kwla wun nvialiɛ nun sa mun'n, afin kɛ n su i'n, ɔ yi i wun nglo kle min, ndɛ nga n kan'n yɛ ɔ o yɛ:

Matthieu 17:9

Kɛ be fin oka'n su lɔ be ´jra'n, Jésus wlali bé su nun kpa kɛ nán man be kan like nga be wunnin i'n kle sran fi lele san i bɔ kacili Sran'n ɔ'a wu ɔ'a cɛn.

Sa nga bé yôli'n 10:17

Kɛ Piɛr wun-man aolia nun like sɔ'n b'ɔ wunnin i'n i wlɛ b'ɔ ´bu i akunndan'n, kpɛkuun sran bɔ Kɔrnɛyi sunmannin be bɔ be su kunndɛ Simɔn i awlo'n, be yɛ be jin anuan nun yɛ.

Sa nga bé yôli'n 26:19

«Nannan Agripa, kɛ n wunnin aolia nun like sɔ'n b'ɔ fin nyanmiɛn su lɔ'n, m'an kaci-man min nuan.

2 Korɛntfuɛ Mun 12:1

Kannzɛ bé nuan dilɛ'n ti-man kpa'n, sanngɛ n tɛ yo, yɛ like nga e Min'n man n wunnin be aolia nun'n nin sa nga ɔ yi be nglo kleli min'n, n ´kan be ndɛ.

2 Piɛr 1:21

Afin Nyanmiɛn ndɛ nga sran'm be kannin'n, b'a kpɛ-man wie fi bé ti nun yɛ be kannin-ɔn, i Wawɛ'n yɛ ɔ fa wla bé nuan yɛ be kannin-ɔn.