Ezipt Lɔ Tulɛ'n 9:6 - NYANMIƐN NDƐ'N 1998

⁶ Kɛ aliɛ cɛnnin cɛ'n, Nyanmiɛn yoli nga i waan ɔ ´yo'n. Eziptfuɛ'm be nnɛn'm be kwlaa be wieli wu, sanngɛ Izraɛlfuɛ'm be nnɛn'm be nun kun sa ɔ'a wu-man.

Ezipt Lɔ Tulɛ'n 9:6 ပူးပေါင်းရင်းမြစ်များ

Jue Mun 78:48

Nzraama guali be nnɛn'm be su, ɔ kunnin be. Ngblannan'n kpɛnnin nnɛn sɔ'm be su ekun, ɔ kunnin be wie .

Jue Mun 78:50

Ɔ yili i ya'n i nglo kekle kpa, ɔ yoli man wie'n kunnin be dan, ɔ fali tukpacɛ b'ɔ sa ndɛndɛ yili bé su.

Ezipt Lɔ Tulɛ'n 12:12

Kɔnguɛ nga, n wa sinsin Ezipt mɛn'n nun'n, n ´kun sran'm bé wa klikli mun, n ´kun nnɛn'm bé wa klikli'm be wie. N wa bu amuɛn nga be wo Ezipt mɛn'n nun'n be fɔ. Min yɛ n ti Anannganman nin-ɔn.

Ezipt Lɔ Tulɛ'n 12:29

Kɔnguɛ afiɛn'n, Anannganman yoli man ba klikli nga be o Ezipt mɛn'n nun'n be wuli. Kɛ ɔ fɛ i famiɛn'n b'ɔ o famiɛn bia'n su'n i wa klikli'n i su'n lele fa ju i bisuafuɛ'm be wa klikli liɛ'm be su'n be kwlaa be wuli. Nnɛn'm bé wa klikli liɛ'm be wuli wie.

Ezipt Lɔ Tulɛ'n 8:22

Moiz tɛli i su kɛ: «Cɛcɛ, e kwla yo-mɛn i sɔ, afin nnɛn nga bɔ e fa yi tɛ man e Nyanmiɛn'n ti tete like Eziptfuɛ'm be nyrun. ?Yɛ sɛ e yi i sɔ tɛ ng'ɔ ti be nyrun tete like'n be nyrun wa'n, be su to-man e yɛbuɛ?

Ezipt Lɔ Tulɛ'n 9:25

Ezipt mɛn wunmuan'n nun'n, nzraama guali sran'm be kwlaa nga be o fie'm bé su lɔ'n, ɔ nin nnɛn'm bé su. Ɔ sacili ninnge nga sran'm be luali annzɛ be tali'n. Ɔ bubuli waka mun.

Ezipt Lɔ Tulɛ'n 9:26

San Gozɛn lika liɛ'n, kan Izraɛlfuɛ'm be tran lɔ'n cɛ yɛ ɔ kali lɛ-ɔ.

Ezipt Lɔ Tulɛ'n 9:4

Sanngɛ ɔ wa sie nnɛn nga be ti Izraɛlfuɛ'm be liɛ'n ɔ nin nga be ti Eziptfuɛ'm be liɛ'n be afiɛn ngbaciɛ. Izraɛlfuɛ'm be nnɛn'm be nun kun sa su wu-man.

Ezipt Lɔ Tulɛ'n 9:5

Ng'ɔ o su ekun'n yɛlɛ kɛ Anannganman kleli blɛ'n, i waan ainman yɛ ɔ ´yo i sɔ abonuan sa liɛ nin-ɔn.› »