Ezipt Lɔ Tulɛ'n 9:34 - NYANMIƐN NDƐ'N 1998

³⁴ Kɛ famiɛn'n wunnin kɛ nzue'n ɔ'a kpɛ nan nzraama ɔ'a yaci gualɛ'n, ɔ yoli sa tɛ kunngba ng'ɔ yoli i laa'n. Ɔ nin i mantanfuɛ'm be keteli be anwlɛn'n.

Ezipt Lɔ Tulɛ'n 9:34 ပူးပေါင်းရင်းမြစ်များ

2 Be Nyoliɛ 28:22

Kannzɛ bɔ famiɛn Akaz o nyrɛnnɛn dan nun'n, sanngɛ ɔ'a mantan-man Anannganman.

2 Be Nyoliɛ 33:23

Ɔ'a bu-mɛn i wun fɔ Nyanmiɛn nyrun kɛ i si Manase liɛ'n sa. I sa tɛ ng'ɔ yoli ɔ tratrali i si liɛ'n su.

2 Be Nyoliɛ 36:13

Famiɛn Nɛbikadnɛzar man ɔ tali nda Anannganman nyrun, sanngɛ ɔ jasoli Nɛbikadnɛzar wun, ɔ keteli i anwlɛn'n, ɔ'a kplin-man su mlɔnmlɔn kɛ ɔ ´sɛ i sin Anannganman b'ɔ ti Izraɛl Nyanmiɛn'n sin.

Ezipt Lɔ Tulɛ'n 4:21

Anannganman seli i ekun kɛ: «Abonuan ninnge wafa-wafa nga n yoli man a kwlali be yo lɛ'n, kɛ a ´sa ɔ́ sin Ezipt lɔ yɛ'n, yo i sɔ abonuan sa mun Ezipt famiɛn'n i nyrun. N wa yo man ɔ su sie-mɛn i su ɔ ndɛ'm bé bo, ɔ su yaci-man Izraɛlfuɛ'm be nun kɛ be wɔ.

Ezipt Lɔ Tulɛ'n 7:14

Anannganman seli Moiz kɛ: «Famiɛn'n su yo nyin kekle mín su, yɛ i waan ɔ man-man Izraɛlfuɛ'm be atin kɛ be wɔ.

Ezipt Lɔ Tulɛ'n 8:15

Blɛ sɔ'n nun yɛ atrɛ yifuɛ'm be seli Ezipt famiɛn'n kɛ: «Nyanmiɛn i tinmin'n yɛ ɔ su di junman ng'ɔ o lɛ nin-ɔn.» Sanngɛ kɛ Nyanmiɛn fa dun mmua kannin'n i su yɛ ɔ yoli-ɔ. Famiɛn'n i anwlɛn'n keteli, ɔ'a sie-mɛn i su Moiz nin Aarɔn be ndɛ'n bo.

Ezipt Lɔ Tulɛ'n 9:33

Moiz tuli i bo famiɛn'n i wun lɔ, ɔ fin klɔ'n nun fiteli. Ɔ ko mannin i sa'm bé su, ɔ srɛli Nyanmiɛn. Kpɛkuun fɔuun ngblannan'n ɔ'a tɛ-man kun, yɛ nzraama'n yacili gualɛ-ɔ. Nzue'n kusu kpɛli kpe.

Ezipt Lɔ Tulɛ'n 9:35

Kɛ Anannganman man Moiz fa dun mmua kannin'n sa, famiɛn'n keteli i anwlɛn. I waan ɔ man-man Izraɛlfuɛ'm be atin kɛ be wɔ.

Akunndanfuɛ'n 8:11

Kɛ be ka-man bé ja nun lɛ be tu-man sran ng'ɔ yo sa tɛ'n i fɔ kɛ ɔ nin i fata'n sa'n, i ti yɛ sa tɛ yolɛ'n i akunndan'n wo sran'm be anwlɛn'n nun b'ɔ wie-man le nin-ɔn.

1 Samiɛl 6:6

Nán amun yo nyin kekle kɛ Eziptfuɛ mun nin be famiɛn'n be yoli'n sa. Be yoli sɔ kusu-ɔ, Anannganman kleli be yalɛ kpa nan b'a yaci Izraɛlfuɛ'm be nun.