Ezipt Lɔ Tulɛ'n 9:27 - NYANMIƐN NDƐ'N 1998

²⁷ Ezipt famiɛn yiali Moiz nin Aarɔn nan ɔ'a se be kɛ: «Nga liɛ'n, m'an fɔn, e nin min nvle'n yɛ y'a fɔn-ɔn. Anannganman liɛ'n, sa ng'ɔ yo'n ɔ ti i su.

Ezipt Lɔ Tulɛ'n 9:27 ပူးပေါင်းရင်းမြစ်များ

2 Samiɛl 12:13

Yɛ David seli Natan kɛ: «N yoli sa tɛ Anannganman wun.» Natan tɛli David su kɛ: «Anannganman ɔ'a yaci ɔ sa sɔ'n ɔ'a cɛ wɔ . A su wu-man,

2 Be Nyoliɛ 12:6

Famiɛn'n nin i awlo lɔ sran dandan'm be wunnin kɛ b'a yo tɛ. Yɛ be waan: «Anannganman ndɛ yo fɛ.»

Jue Mun 129:4

Anannganman yo sa i nuan su. Ɔ yili klunwifuɛ'm be sielɛ kekle bɔ be sie'n e su.

Jue Mun 145:17

Ninnge nga Anannganman yo be'n, be kwlaa be kle kɛ ɔ yo sa'n i nuan su nan i klun ti ufue.

Jue Mun 9:16

Nvle-nvle nga be nun sran'm be si-man wɔ'n, b'a tɔ kunman nga be bɔbɔ be kpɛli'n nun. Aya nga be fia be suali'n, ɔ'a yaci ɔ'a tra be bɔbɔ.

Ezipt Lɔ Tulɛ'n 10:16

Famiɛn'n flɛli Moiz nin Aarɔn be trɛlɛlɛ, yɛ ɔ seli be kɛ: «M'an fɔn Anannganman b'ɔ ti amun Nyanmiɛn'n i wun, yɛ m'an fɔn amun kusu amún wun.

Ezipt Lɔ Tulɛ'n 10:17

Sanngɛ amun `yaci mín sa tɛ'n be cɛ min ndɛ liɛ'n, nan amun `srɛ Anannganman amun Nyanmiɛn'n man ɔ fuan nyrɛnnɛn sa nga man ɔ jaso mín wun wa wɔ mmua ekun.»

Ezipt Lɔ Tulɛ'n 8:25

Moiz seli i kɛ: «Kɛ n ´jaso ɔ́ wun wa n ´kɔ yɛ'n, n ko srɛ Anannganman. Ainman, wɔ o, ɔ mantanfuɛ mun o, ɔ nvlefuɛ mun o, amun su wun-man ngɔnsiɛn'm be kun, be ´kɔ. Sanngɛ nán laka e kun. Nán tannin Izraɛlfuɛ'm be atin kɛ nán be wɔ be ko yi tɛ'n be man be Nyanmiɛn'n.»

Ezipt Lɔ Tulɛ'n 8:8

Moiz nin Aarɔn be fin Ezipt famiɛn'n i awlo'n nun lɔ fiteli. Moiz ko srɛli Anannganman kɛ ɔ de famiɛn'n klɛ'm be yalɛ bɔ be kle i'n nun.

Ngwlɛ Yilɛ 1:18

Nga Anannganman yoli'n, i su-ɔ, afin ndɛ ng'ɔ kannin'n, m'an fa-man su. Amun bɔ amun o wa'n, amun `sie amun su tie. Amun `nian afɛ ng'ɔ o mín su'n. B'a tra min talua nin min gbanflɛn mun lomuɛn b'a ɔ mɛn wie nun.

Daniɛl 9:14

I sɔ'n ti yɛ ɔ waan san nyrɛnnɛn sa'm be ´tɔ ye su nin-ɔn. Afin Anannganman e Nyanmiɛn, sa nga a yo'n kwlaa ɔ ti i nuan su, sanngɛ y'a sie-man e su ɔ́ nuan bo.

Kalɛ 21:7

Be nga b'a wu-man wie'n be ɔli ndɛndɛ be ko toli Moiz, be seli i kɛ: «Y'a yo tɛ, afin e kannin Anannganman nin wɔ amún wun ndɛ tɛtɛ. Kpata Anannganman man e nan ɔ fuan wuo nga mun.» Yɛ Moiz tɔli Anannganman i kpatalɛ su-ɔ, i waan: «Anannganman, si Izraɛlfuɛ'm be aunnvuɛ.»

Kalɛ 22:34

Balaam seli Anannganman i anz'n kɛ: «M'an fɔn, n si-man kɛ a jin min nyrun atin'n nun. I sɔ'n ti siɛn'n, sɛ ɔ waan nán n wɔ kun'n, n ´sa mín sin n ´kɔ min awlo.»

Matthieu 27:4

yɛ ɔ seli kɛ: «Kɛ n fa sran bɔ ɔ'a yo-man sa tɛ fi'n mannin amun kɛ an `kun i'n, m'an yo-mɛn i kpa mlɔnmlɔn.» Yɛ be seli i kɛ: «?E ndɛ o nun? Ɔ bɔbɔ ɔ ndɛ-ɔ.»

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Rɔmfuɛ Mun 3:19

E si kɛ ndɛ ng'ɔ o mmla nun'n i kwlaa ɔ ti be nga be di su'm be liɛ, ɔ man sran fi su kwla uke-mɛn i nuan, sanngɛ be ´fa sran'm be kwlaa kɔ Nyanmiɛn ja su.

Zozie 7:20

Akan tɛli i su kɛ: «Sakpa min yɛ n yoli Anannganman b'ɔ ti Izraɛl Nyanmiɛn'n i tɛ sɔ nin-ɔn. Nian, sa nga n yoli'n yɛ.

1 Samiɛl 15:24

Sail tɛli Samiɛl su kɛ: «M'an yo sa tɛ, m'an fa-man Anannganman nin wɔ amún nuan ndɛ'n su. Srɛ kunnin min sran'm bé wun yɛ man n yoli nga be seli min nin-ɔn.

1 Samiɛl 15:30

Sail waan: «M'an yo sa tɛ, sanngɛ ɔli nán gua mín nyin ase Izraɛl kpɛnngbɛn nin Izraɛlfuɛ'm be nyrun. Sa ɔ́ sin bla man n ko koto Anannganman b'ɔ ti ɔ Nyanmiɛn'n i bo.»

1 Samiɛl 26:21

Yɛ Sail seli kɛ: «Mín wa David, m'an yo sa tɛ. Bla, n yo-man wɔ sa tɛ kun, afin a buli min sran. Nanwlɛ m'an yo sinnzin, m'an fɔn dan.»