Ezipt Lɔ Tulɛ'n 9:24 - NYANMIƐN NDƐ'N 1998

²⁴ Kɛ Ezipt mɛn'n takali lele b'ɔ ´fa ju cɛn sɔ nun'n, b'a wun-man nzraama b'ɔ gua dan kɛ nga sa bɔ ngblannan ´kpɛn tɛtɛ kɛ nga sa le .

Ezipt Lɔ Tulɛ'n 9:24 ပူးပေါင်းရင်းမြစ်များ

Zɔb I Nyrɛnnɛn Wunlɛ 38:23

N fali like sɔ mun n sieli be lɛ blɛ kekle'm be ti. Alɛ kunlɛ blɛ'n i ti yɛ n fali be n sieli i lɛ-ɔ.

Jue Mun 105:32

Be nzue ng'ɔ ko tɔ ko man be'n yɛlɛ nzraama bɔ kɛ nzue'n tɔ-ɔ, ɔ gua'n. Ngblannan'n bɔ cɛ yɛ ɔ kpɛn-ɔn, ɔ sɔ lika'n nyannyannyan

Jue Mun 18:13

Lika'n ɔ kpɛjɛ i nyrun kpa weiin, kpɛkuun nyanmiɛn ble nin nzraama bɔ kɛ nzue tɔ'n ɔ gua'n, ɔ nin sɛnmlɛn be fin lika ng'ɔ kpaja sɔ'n nun fite.

Ezipt Lɔ Tulɛ'n 10:6

Be wa yi wɔ awlo'n sa piɛ. Be ´yi ɔ mantanfuɛ mun nin Eziptfuɛ'm be kwlaa bé sua mun sa piɛ. Kɛ ɔ fɛ i ɔ nannan'm be blɛ su lele b'ɔ fa ju ndɛ yɛ'n, be nian wun-mɛn i sɔ nyrɛnnɛn kɛ nga sa le.› » Moiz jasoli famiɛn'n wun lɛ, yɛ ɔ ɔli-ɔ.

Ezipt Lɔ Tulɛ'n 9:18

I sɔ'n ti'n, ainman dɔ kɛ nga sa su'n, ɔ wa gua nzraama bɔ kɛ nzue tɔ-ɔ ɔ gua'n i ase. Ɔ wa yo dan kpa. Kɛ be yili Ezipt mɛn'n lele b'ɔ ´fa ju ndɛ yɛ'n, i sɔ nzraama nian gua-man wa le.› »

Ezipt Lɔ Tulɛ'n 9:23

Moiz mɛnnin i kpɔnman'n su nglo. Anannganman yacili ngblannan'n nin nzraama'n nun, ngblannan'n dun mmua kpɛnnin asiɛ'n su, i sin, Nyanmiɛn yoli man nzraama guali.

Ezipt Lɔ Tulɛ'n 9:25

Ezipt mɛn wunmuan'n nun'n, nzraama guali sran'm be kwlaa nga be o fie'm bé su lɔ'n, ɔ nin nnɛn'm bé su. Ɔ sacili ninnge nga sran'm be luali annzɛ be tali'n. Ɔ bubuli waka mun.

Ezai 30:30

Anannganman ɔ wa ijɔ, ɔ man be ´ti i nɛn'n b'ɔ yo sro'n. Kɛ ɔ fa ya'n, wafa ng'ɔ fɛ i sa bo sran'n, ɔ ´yi i nglo. Ɔ ´yi i nglo sin dan kun b'ɔ ´jue vlauun-vlauun'n nun, ɔ nin nzue kun b'ɔ ´tɔ, b'ɔ ´yi ɔ fa lika kwlakwla'n i nun, ɔ nin aunngban dan kun b'ɔ ´fita'n nun, yɛ ɔ nin nzraama bɔ kɛ nzue ´tɔ ɔ gua'n i nun.

Ezekiɛl 1:4

Like nga n wunnin i'n yɛ. N ´nian-an, aunngban dan kun yɛ ɔ fin mɛn'n i nglo lɔ lika'n nun yɛ ɔ ´ba yɛ. Kɛ ɔ ´ba'n, ɔ nin nyanmiɛn ble dan kun bɔ lika kpaja'n sin yiɛ i'n yɛ be ba-a. Yɛ sin fin i afiɛn fite kɛ nyanmiɛn b'ɔ kpa sin'n sa. I afiɛn ng'ɔ ti kɛ sɛnmlɛn ba sa'n ɔ ti nglannglan kɛ aaba bɔ i wun ti treketreke b'ɔ fin sin nun'n sa.

Ezekiɛl 13:13

Anannganman wan yoo: Kɛ n wa fa min ya'n, n ´yo man aunngban dan kun fita, min ya falɛ blɛ nun'n, nzue dan kun ´tɔ, kpɛkuun nzraama bɔ kɛ nzue ´tɔ-ɔ ɔ gua'n ɔ gua kekle kpa yɛ ɔ ´nunnun like kwlaa.

Matthieu 24:21

Afin blɛ sɔ'n nun'n, nyrɛnnɛn'n ɔ ´yo dan bɔ kɛ ɔ fin mɛn'n i bo bolɛ'n nun lele ndɛ, i wunsu nian yo-man le yɛ i wunsu su yo-man kun le .