Ezipt Lɔ Tulɛ'n 9:23 - NYANMIƐN NDƐ'N 1998

²³ Moiz mɛnnin i kpɔnman'n su nglo. Anannganman yacili ngblannan'n nin nzraama'n nun, ngblannan'n dun mmua kpɛnnin asiɛ'n su, i sin, Nyanmiɛn yoli man nzraama guali.

Ezipt Lɔ Tulɛ'n 9:23 ပူးပေါင်းရင်းမြစ်များ

Bo Bolɛ 19:24

Yɛ Anannganman yoli man Sufru fin nglo lɔ jue guali Sodɔm klɔ'n nin Gomɔr klɔ'n be su. Ɔ guali be su dan.

Zɔb I Nyrɛnnɛn Wunlɛ 37:13

Blɛ'n wie ɔ fa tu sran'm be fɔ, blɛ'n wie kusu ɔ fa yo be ye.

Jue Mun 147:17

Ɔ gua laglasi'n i ase kpɔlɛkpɔlɛkpɔlɛ. ?Kɛ Anannganman ko fɛ i ayrɛ'n ko ba'n, wan cɛ yɛ ɔ kwla jran ayrɛ sɔ'n i nyrun-ɔn?

Jue Mun 148:8

sin o, nzraama bɔ kɛ nzue tɔ-ɔ ɔ gua nin o, aunngban dan bɔ i yɛ ɔ sunman be nin o,

Jue Mun 18:13

Lika'n ɔ kpɛjɛ i nyrun kpa weiin, kpɛkuun nyanmiɛn ble nin nzraama bɔ kɛ nzue tɔ'n ɔ gua'n, ɔ nin sɛnmlɛn be fin lika ng'ɔ kpaja sɔ'n nun fite.

Jue Mun 29:3

Anannganman i nɛn'n ɔ tɛ nzue'm be su. Nyanmiɛn bɔ i nyrun'n yo sro'n, i yɛ man nyanmiɛn'n ɔ kpla-a. Anannganman yɛ ɔ sie nzue mun-ɔn, be wo i bo.

Jue Mun 77:18

Nzue b'ɔ mlannin'n, ɔ utuli kɛ likɛ. Kɛ ɔ ´yo sɔ'n, wuun nyanmiɛn'n ɔ ´kpla, wuun ɔ ´kpa sin.

Ezipt Lɔ Tulɛ'n 19:16

Cɛn ba nsan su'n, i nglɛmun nun'n, be tili kɛ nyanmiɛn su kpan kplannan kplannan oka'n su lɔ. Be wunnin kɛ nyanmiɛn'n kpa sin piapiapia lɔ, yɛ be wunnin sin wɛnsrɛn kpikplikpi kun lɔ ekun. Be tili awɛ kun tɛlɛ kekle kpa. Kɛ Izraɛlfuɛ'm be o ngblaliɛ'n nun lɔ'n, be usuli kpa'n sa tututu.

Ezipt Lɔ Tulɛ'n 20:18

Izraɛlfuɛ'm be kwlaa be tili nyanmiɛn b'ɔ kpan kplannan kplannan i ngan ɔ nin awɛ b'ɔ tɛ'n. Be kwlaa be wunnin nyanmiɛn'n i sin b'ɔ kpa piapia'n, ɔ nin oka'n b'ɔ ti sin wɛnsrɛn ngunmin'n, yɛ be tɔli usulɛ'n su-ɔ srɛ b'ɔ kun be'n ti. Be jran mmua lɔ.

Ezipt Lɔ Tulɛ'n 9:18

I sɔ'n ti'n, ainman dɔ kɛ nga sa su'n, ɔ wa gua nzraama bɔ kɛ nzue tɔ-ɔ ɔ gua'n i ase. Ɔ wa yo dan kpa. Kɛ be yili Ezipt mɛn'n lele b'ɔ ´fa ju ndɛ yɛ'n, i sɔ nzraama nian gua-man wa le.› »

Ezipt Lɔ Tulɛ'n 9:24

Kɛ Ezipt mɛn'n takali lele b'ɔ ´fa ju cɛn sɔ nun'n, b'a wun-man nzraama b'ɔ gua dan kɛ nga sa bɔ ngblannan ´kpɛn tɛtɛ kɛ nga sa le .

Ezai 30:30

Anannganman ɔ wa ijɔ, ɔ man be ´ti i nɛn'n b'ɔ yo sro'n. Kɛ ɔ fa ya'n, wafa ng'ɔ fɛ i sa bo sran'n, ɔ ´yi i nglo. Ɔ ´yi i nglo sin dan kun b'ɔ ´jue vlauun-vlauun'n nun, ɔ nin nzue kun b'ɔ ´tɔ, b'ɔ ´yi ɔ fa lika kwlakwla'n i nun, ɔ nin aunngban dan kun b'ɔ ´fita'n nun, yɛ ɔ nin nzraama bɔ kɛ nzue ´tɔ ɔ gua'n i nun.

Ezekiɛl 38:22

«N ´fa tukpacɛ b'ɔ sa ndɛndɛ nin alɛ'n m bu wɔ fɔ. N ´yo man nzue dan ɔ di wɔ nin wɔ sonja mun nin be kwlaa nga be o wɔ sin'n. N ´yo man nzraama bɔ kɛ nzue ´tɔ-ɔ ɔ gua'n, ɔ nin sufru b'ɔ lo fiaan be ´gua amun su .

Zozie 10:11

Amɔrfuɛ'm be wie'm be wanndi kpɛnnin Bɛt-Ɔrɔn sin lɔ. Kɛ be fɛ lɛ lele ´ju Azeka'n, Anannganman man nzraama dandan kpa bɔ kɛ nzue tɔ'n be gua'n be guali be su lele fa juli Azeka. Ɔ man sran nga nzraama sɔ'm be kunnin be'n, be sɔnnin tra be nga Izraɛlfuɛ'm be kunnin be tokofi nun'n.

Sa nglô yile 16:18

Nyanmiɛn'n kpali sin, be tili sran nɛn, nyanmiɛn'n kplali, yɛ asiɛ'n kejeli dan kpa. Kɛ Nyanmiɛn yili sran mun lele'n, asiɛ'n nian keje-man sɔ le .

Sa nglô yile 16:21

Yɛ nzraama bɔ kɛ nzue'n ´tɔ-ɔ be gua'n, i dandan kpa bɔ kun ju kilo ablanan'n, be guali sran'm bé su. Nyrɛnnɛn bɔ nzraama sɔ'm be kleli sran mun'n ti, be kpɛli Nyanmiɛn nzowa, afin nyrɛnnɛn sɔ'n yoli tɛ kpa, be kwla ka-man .

Sa nglô yile 8:7

Kɛ anz'n kun boli i awɛ liɛ'n, nzraama bɔ kɛ nzue'n ´tɔ-ɔ ɔ gua'n, ɔ nin sin, mmoja sanngan like sɔ'm be nun be toli be guali asiɛ'n su. Be bubuli asiɛ'n nin waka'm be nun fa nsan'n, fa kun yrali, yɛ ijre mɔnnɛn'n kwlaa yrali .