Ezipt Lɔ Tulɛ'n 9:14 - NYANMIƐN NDƐ'N 1998

¹⁴ Afin siɛn liɛ'n, ɔ wa fa nyrɛnnɛn wafa'n kwlaa ɔ ´fa yi wɔ nin ɔ mantanfuɛ mun, ɔ nin ɔ nvle'n nunfuɛ mun amun kwlaa amún su, kɛ ɔ ´yo nan w'a wun kɛ be kwla fa-man sran fi sunnzun-mɛn i asiɛ wunmuan'n su'n ti.

Ezipt Lɔ Tulɛ'n 9:14 ပူးပေါင်းရင်းမြစ်များ

2 Samiɛl 7:22

Nanwlɛ Anannganman Nyanmiɛn, a ti dan. A lɛ-man wunsu. Nyanmiɛn fi nun-man lɛ, san wɔ. Be kan kleli ye sɔ.

1 Famiɛn Mun 8:38

sɛ ɔ nvle'n nunfuɛ'm be kpɔfuɛ'm be wa utu bé mɛn'n, sɛ sa kekle fanunfanun ju bé su'n, sɛ tukpacɛ fanunfanun yo be'n, sɛ i kwlaa sɔ nun be kwlaa be wun sa nga be yoli'n nan be srɛ wɔ kpa sakpa'n, yɛ sɛ be man bé sa'm be su nan be tinngɛ be sua nga i ndɛnman'n,

1 Be Nyoliɛ 17:20

Anannganman, a lɛ-man wunsu. Nyanmiɛn fi nun-man lɛ, san wɔ. Be kan kleli ye sɔ.

Jue Mun 86:8

Min Min, amuɛn fi ti-man kɛ wɔ sa! Ɔ ninnge nga a yili be'n be lɛ-man wunsu.

Ezipt Lɔ Tulɛ'n 15:11

?Anannganman, amuɛn'm be nun'n, onin yɛ ɔ ti kɛ wɔ sa-a? ?Wan yɛ ɔ ti kɛ wɔ sa b'ɔ yo-man sa tɛ fi mlɔnmlɔn-ɔn, b'ɔ yo sro-ɔ, b'ɔ nin manmanlɛ fata-a, b'ɔ kwla yo abonuan sa mun kɛ wɔ sa-a?

Ezipt Lɔ Tulɛ'n 8:10

Sran'm be tiantiannin klɛ'm be nuan kwlekwle dandan kpa, yɛ be nvan'n fali mɛn wunmuan'n.

Ezipt Lɔ Tulɛ'n 8:6

Ezipt famiɛn'n tɛli i su kɛ: «Yo i ainman.» Yɛ Moiz waan: «M'an ti, n wa yo kɛ a fa usali'n sa nan a wun kɛ be kwla fa-man sran fi sunnzun-man Anannganman e Nyanmiɛn'n.

Ezipt Lɔ Tulɛ'n 9:15

Sɛ ɔ ti kɛ ɔ mɛnnin i sa'n su yɛ ɔ fali tukpacɛ b'ɔ sa ndɛndɛ wie yoli wɔ nin ɔ sran mun'n, wuun amun nunnunnin asiɛ'n su wa mlɔnmlɔn.

Ezai 45:5

Min yɛ n ti Anannganman nin-ɔn, uflɛ fi nun-man min sin kun, sɛ be san min wun'n, be wun-man Nyanmiɛn uflɛ kun. M mannin wɔ tinmin. I nun sɔ nun'n, wuun a si-man min bɔbɔ.

Ezai 46:9

Man amún wla kpɛn sa nga be juli laa'n be su. Afin Nyanmiɛn'n yɛlɛ min, uflɛ fi nun-man lɛ kun. Nyanmiɛn'n yɛlɛ min, sran fi nin min sɛ-man.

Zeremi 10:6

Anannganman, like fi nin wɔ sɛ-man. A ti dan kɛ a kwla bɔ ɔ dunman'n fa fu ju'n sa.

Zeremi 10:7

?Nvle wunmuan'n be famiɛn: wan cɛ yɛ ɔ lɛ atin se kɛ i nyin yi-man wɔ-ɔ? A nin ainyiɛ fata. Afin nvle nin famiɛn diwlɛ'm be nun ngwlɛlɛfuɛ'm be kwlaa be nun sran fi nin wɔ sɛ-man .

Zeremi 19:8

N ´yo man klɔ nga kɛ sran be ´wun i'n, be ´bo bli. N ´yo man kɛ be nga be sin'n be wun sacilɛ bɔ ɔ'a saci'n, be ´bo awuyomo, yɛ be ´didi i wun.

Daniɛl 5:21

Be kɛnnin i bo sran'm be nun. Ɔ kacili kɛ nnɛn'm be sa. Ɔ nin blo aflunmun mun yɛ be tran nin-ɔn. Ɔ dili ijre kɛ nannin'm be sa. Nyansue'n boli i. Ɔ yoli sɔ lele ɔ fa juli blɛ ng'ɔ wunnin i wlɛ kɛ kannzu Nyanmiɛn bɔ like fi nun-mɛn i sin'n yɛ ɔ sie sran'm be famiɛn diwlɛ mun nan ɔ fa famiɛn bia'n man sran nga i klun klo kɛ ɔ ´fa mɛn i'n.

Saun Yolɛ 26:18

Sɛ i sɔ sa liɛ nga n ´fa wla amun nun'n ɔ'a ju-man amun'n, fɔnlɛ nga amun fɔn'n, i su fɔ nga n ´fa tu amun ekun'n, i kekle'n ɔ ´tra laa liɛ'n i sɔ kpɛ nso.

Saun Yolɛ 26:21

Sɛ amun waan amun ´yo nyin kekle mín su nan amún ti-man min nuan ndɛ'n, fɔ nga n wa tu amun'n, ɔ ´tra ng'ɔ o lɛ'n i sɔ kpɛ nso.

Saun Yolɛ 26:28

min kusu kɛ n ko fa ya'n, min nin amun e ´yia nun. Fɔ nga n ´tuli amun'n, n ´uka su, ɔ ´tra laa liɛ'n i sɔ kpɛ nso.

Mise 6:13

I sɔ'n ti kusu sa nga n ´fa wla amun nun'n ti-man blɛblɛ, amún tɛ'm be dunman nun ti. Sa nga amun si-mɛn i'n, n wa kle amun.

Mmla'n 3:24

«Anannganman, a kleli min weiin kɛ a ti dan nan a kwla sa kwlaa yo. Kɛ n nian nglo lɔ nin asiɛ'n su wa'n, n wun-man amuɛn kun b'ɔ yo sa dandan nga a yo'n wie-ɔ ɔ yo ye-ɔ.

Mmla'n 4:35

I waan amun `wun i sɔ nan amun si kɛ i kunngba cɛ yɛ ɔ ti Nyanmiɛn nan be fa like fi sunnzun i-ɔ ɔ yo-man ye.

Sa nglô yile 18:8

I sɔ'n ti nyrɛnnɛn nga wa tɔ i su cɛn kunngba: wie'n, nin sɛ'n, nin awe'n, yɛ ɔ ´yra. Afin e Min Nyanmiɛn b'ɔ buli i fɔ'n, ɔ kwla like kwlaa yo .

Sa nglô yile 22:18

Sran kwlaa ng'ɔ ti fluwa nga b'ɔ kle sa ng'ɔ wa ju'n i nun ndɛ'n, min Zan, n ´kan kle i kpa kɛ sɛ sran wie kpɛ wie gua nun'n, Nyanmiɛn man nyrɛnnɛn nga be kɛn i ndɛ fluwa nga nun'n, ɔ ´tɔ i su.

1 Samiɛl 4:8

Y'a wu o! Wan yɛ e ´nyɛn i b'ɔ ´de ye Nyanmiɛn sroesroe nga i sa nun-ɔn. Nyanmiɛn sɔ'n yɛ ɔ fali sa kekle sunman yili i Eziptfuɛ'm bé su aawlɛ flɛnnɛn nun lɔ nin-ɔn.