Ezipt Lɔ Tulɛ'n 8:8 - NYANMIƐN NDƐ'N 1998

⁸ Moiz nin Aarɔn be fin Ezipt famiɛn'n i awlo'n nun lɔ fiteli. Moiz ko srɛli Anannganman kɛ ɔ de famiɛn'n klɛ'm be yalɛ bɔ be kle i'n nun.

Ezipt Lɔ Tulɛ'n 8:8 ပူးပေါင်းရင်းမြစ်များ

1 Famiɛn Mun 13:6

Yɛ famiɛn'n seli Nyanmiɛn i nuan ijɔfuɛ'n kɛ: «Kpata Anannganman ɔ Nyanmiɛn man min. Srɛ i man n kwla yi mín sa'n.» Yɛ Nyanmiɛn i nuan ijɔfuɛ'n kpatali Anannganman-an, kpɛkuun famiɛn'n kwla yili i sa'n. I sa sɔ'n sinnin i osu.

Jue Mun 66:3

Amun `se i kɛ: «Nanwlɛ, ninnge nga a yo be'n be ti abonuan. Kɛ ɔ kpɔfuɛ'm be wun kɛ a kwla sakpa'n, be kwla tu-man bé wun kun.

Ezipt Lɔ Tulɛ'n 10:16

Famiɛn'n flɛli Moiz nin Aarɔn be trɛlɛlɛ, yɛ ɔ seli be kɛ: «M'an fɔn Anannganman b'ɔ ti amun Nyanmiɛn'n i wun, yɛ m'an fɔn amun kusu amún wun.

Ezipt Lɔ Tulɛ'n 10:17

Sanngɛ amun `yaci mín sa tɛ'n be cɛ min ndɛ liɛ'n, nan amun `srɛ Anannganman amun Nyanmiɛn'n man ɔ fuan nyrɛnnɛn sa nga man ɔ jaso mín wun wa wɔ mmua ekun.»

Ezipt Lɔ Tulɛ'n 10:18

Moiz tuli i bo famiɛn'n wun lɛ, ɔ ko srɛli Anannganman.

Ezipt Lɔ Tulɛ'n 14:5

Kɛ Ezipt famiɛn'n tili i kɛ Izraɛlfuɛ'm b'a wanndi'n, ɔ nin i mantanfuɛ'm be akunndan'n kacili, be waan: «?Nguɛ sa li yɛ y'a yo i yɛ? ?Ɔ yo sɛ ti yɛ e yacili be lɛ be ɔli bɔ y'a tra-man be ase kɛ be yo e kanga-a?»

Ezipt Lɔ Tulɛ'n 32:11

Moiz sun flɛli Anannganman i Nyanmiɛn'n, ɔ seli i kɛ ɔ yaci ya, i waan: «?Anannganman, ɔ sran bɔ ɔ wunmiɛn nin ɔ tinmin bɔ like fi kwla jrɛn-mɛn i nyrun'n i ti yɛ a fali be bali'n, ɔ yo sɛ ti yɛ man ɔ waan ɔ ya'n jue bé su kɛ sin sa nin-ɔn?

Ezipt Lɔ Tulɛ'n 5:2

Ezipt famiɛn'n tɛli bé su kɛ: «?Wan yɛlɛ Anannganman bɔ mín nyin ko yi i bɔ i ti yɛ m man Izraɛlfuɛ'm be atin kɛ be wɔ-ɔ? N si-man Anannganman, yɛ n su man-man amun atin kɛ amun wɔ.»

Ezipt Lɔ Tulɛ'n 8:15

Blɛ sɔ'n nun yɛ atrɛ yifuɛ'm be seli Ezipt famiɛn'n kɛ: «Nyanmiɛn i tinmin'n yɛ ɔ su di junman ng'ɔ o lɛ nin-ɔn.» Sanngɛ kɛ Nyanmiɛn fa dun mmua kannin'n i su yɛ ɔ yoli-ɔ. Famiɛn'n i anwlɛn'n keteli, ɔ'a sie-mɛn i su Moiz nin Aarɔn be ndɛ'n bo.

Ezipt Lɔ Tulɛ'n 8:9

Anannganman yoli nga Moiz usɛli i'n. Klɛ'm be wuli awlo'm be nun, be wuli sua'm be nun nin fie'm be su.

Ezipt Lɔ Tulɛ'n 9:27

Ezipt famiɛn yiali Moiz nin Aarɔn nan ɔ'a se be kɛ: «Nga liɛ'n, m'an fɔn, e nin min nvle'n yɛ y'a fɔn-ɔn. Anannganman liɛ'n, sa ng'ɔ yo'n ɔ ti i su.

Ezipt Lɔ Tulɛ'n 9:28

Amun `kpata Nyanmiɛn be man min nan ngblannan nin nzraama'n be jran. N su tra-man amun ase kun. M ´man amun atin amun ´kɔ.»

Ezipt Lɔ Tulɛ'n 9:33

Moiz tuli i bo famiɛn'n i wun lɔ, ɔ fin klɔ'n nun fiteli. Ɔ ko mannin i sa'm bé su, ɔ srɛli Nyanmiɛn. Kpɛkuun fɔuun ngblannan'n ɔ'a tɛ-man kun, yɛ nzraama'n yacili gualɛ-ɔ. Nzue'n kusu kpɛli kpe.

Kalɛ 21:7

Be nga b'a wu-man wie'n be ɔli ndɛndɛ be ko toli Moiz, be seli i kɛ: «Y'a yo tɛ, afin e kannin Anannganman nin wɔ amún wun ndɛ tɛtɛ. Kpata Anannganman man e nan ɔ fuan wuo nga mun.» Yɛ Moiz tɔli Anannganman i kpatalɛ su-ɔ, i waan: «Anannganman, si Izraɛlfuɛ'm be aunnvuɛ.»

Sa nga bé yôli'n 8:24

Yɛ Simɔn seli be kɛ: «Amun bɔbɔ an `kpata e Min Nyanmiɛn'n man min kɛ ɔ ´yo nan sa nga an kɛn i ndɛ'n i wie fi ɔ'a tɔ-man n su'n ti.»

1 Samiɛl 12:19

Be kwlakwla be seli Samiɛl kɛ: «Nannan, srɛ Anannganman ɔ Nyanmiɛn'n man ye nan y'a wu-man, afin y'a fa famiɛn kunndɛlɛ'n y'a uka é tɛ beblebe'm bé su.»