Ezipt Lɔ Tulɛ'n 8:6 - NYANMIƐN NDƐ'N 1998

⁶ Ezipt famiɛn'n tɛli i su kɛ: «Yo i ainman.» Yɛ Moiz waan: «M'an ti, n wa yo kɛ a fa usali'n sa nan a wun kɛ be kwla fa-man sran fi sunnzun-man Anannganman e Nyanmiɛn'n.

Ezipt Lɔ Tulɛ'n 8:6 ပူးပေါင်းရင်းမြစ်များ

2 Samiɛl 7:22

Nanwlɛ Anannganman Nyanmiɛn, a ti dan. A lɛ-man wunsu. Nyanmiɛn fi nun-man lɛ, san wɔ. Be kan kleli ye sɔ.

2 Be Nyoliɛ 6:14

«Anannganman, Izraɛl Nyanmiɛn! Nglo lɔ o, asiɛ'n su wa o, like uflɛ fi nun-man lɛ b'ɔ ti kɛ wɔ sa-a. Ɔ sufuɛ nga be fa bé wla gua ɔ su'n, bɔ be fa wɔ atin'n su seiin'n, aenguɛ nga a nin be tra'n ti, a kpɔci-man be.

Jue Mun 105:30

Klɛ'm be deli mɛn'n. Be deli lika'n lele be deli famiɛn'm be sua ba mun.

Jue Mun 78:45

Ɔ yoli man ngɔnsiɛn'm be nɔnnin be, yɛ klɛ'm be sacili be mɛn'n.

Jue Mun 86:8

Min Min, amuɛn fi ti-man kɛ wɔ sa! Ɔ ninnge nga a yili be'n be lɛ-man wunsu.

Jue Mun 90:2

I sin nan b'a wun oka mun mɛn'n nun'n, nan mɛn'n bɔbɔ ɔ'a bo i bo'n, wuun a ti Nyanmiɛn, a ´ka sɔ tititi.

Ezipt Lɔ Tulɛ'n 10:2

N ´yo i sɔ nan w'a kwla kan klelɛ nga n kleli Eziptfuɛ'm be nun'n ɔ nin abonuan sa nga n yoli be Ezipt mɛn'n nun'n w'a kle ɔ mma mun nin wɔ anunman mun'n ti. Kpɛkuun amun wa si kɛ min yɛ n ti Anannganman nin-ɔn.»

Ezipt Lɔ Tulɛ'n 15:11

?Anannganman, amuɛn'm be nun'n, onin yɛ ɔ ti kɛ wɔ sa-a? ?Wan yɛ ɔ ti kɛ wɔ sa b'ɔ yo-man sa tɛ fi mlɔnmlɔn-ɔn, b'ɔ yo sro-ɔ, b'ɔ nin manmanlɛ fata-a, b'ɔ kwla yo abonuan sa mun kɛ wɔ sa-a?

Ezipt Lɔ Tulɛ'n 7:19

Anannganman seli Moiz kɛ: «Se Aarɔn kɛ ɔ fɛ i kpɔnman'n nan ɔ tinngɛ i sa nzue nga be sonji Ezipt mɛn'n nun'n be kwlaa be su: i nzue ba dandan mun o, i kanngan mun o, i fɛtɛ mun o, be kwlaa be wa kaci mmoja. Mmoja wa tran mɛn wunmuan'n nun, waka sɛ nin yɛbuɛ sɛ'm be nun ´yo mmoja.»

Ezipt Lɔ Tulɛ'n 9:14

Afin siɛn liɛ'n, ɔ wa fa nyrɛnnɛn wafa'n kwlaa ɔ ´fa yi wɔ nin ɔ mantanfuɛ mun, ɔ nin ɔ nvle'n nunfuɛ mun amun kwlaa amún su, kɛ ɔ ´yo nan w'a wun kɛ be kwla fa-man sran fi sunnzun-mɛn i asiɛ wunmuan'n su'n ti.

Ezipt Lɔ Tulɛ'n 9:29

Moiz tɛli i su kɛ: «Kɛ n fin klɔ'n nun n ´fite cɛ'n, m ´manman mín sa'm bé su n ´srɛ Anannganman. Ngblannan'n nin nzraama'n be ´jran, kɛ ɔ ´yo nan w'a si kɛ asiɛ'n ti Anannganman liɛ'n ti.

Ezai 43:10

Anannganman waan: «Amun yɛ amun ti min lalofuɛ mun-ɔn. Amun ti min sufuɛ, amun yɛ n kpali amun-ɔn. Kɛ ɔ ´yo nan amu'an lafi min su, nan amu'an ´si sɔ, nan amu'an wun i wlɛ kɛ min yɛ n wo lɛ'n ti. Like fi nun-man min nyrun, like fi nun-man n sin.

Saun Yolɛ 11:12

Nzue nun nnɛn ng'ɔ lɛ-man mmɛ ɔ nin wun bui'n, amun `bu be like fiɛn.

Mmla'n 32:31

Afin be kpɔfuɛ'm be bɔbɔ be si kɛ be sasafuɛ'n nin be liɛ'n be ti-man kun.

Mmla'n 33:26

Moiz kan guali su kɛ: «Izraɛl , like fi nin ɔ Nyanmiɛn'n be sɛ-man. Ɔ fa nyanmiɛn ble'n yo i nnɛn kpanngɔ, kpɛkuun ɔ fu su, ɔ ba ɔ ukalɛ. Ɔ ba kɛ famiɛn sa.

Mmla'n 4:35

I waan amun `wun i sɔ nan amun si kɛ i kunngba cɛ yɛ ɔ ti Nyanmiɛn nan be fa like fi sunnzun i-ɔ ɔ yo-man ye.

Sa nglô yile 16:13

N wunnin like tɛtɛ nsan, be fin dragɔn'n, nin nnɛn'n, nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ'n bé nuan nun fiteli, like sɔ'm be ti kɛ klɛ sa .