Ezipt Lɔ Tulɛ'n 8:5 - NYANMIƐN NDƐ'N 1998

⁵ Moiz seli famiɛn'n kɛ: «Nannan, kle min blɛ nga i nun yɛ n `srɛ Nyanmiɛn m `man wɔ nin ɔ mantanfuɛ mun ɔ nin ɔ nvle'n. N ´srɛ Nyanmiɛn kɛ ɔ nunnun klɛ nga be o wɔ awlo'n nin ɔ́ sua'm be nun'n. San klɛ nga be o Nil nzue'n nun'n yɛ be ´ka lɛ-ɔ.»

Ezipt Lɔ Tulɛ'n 8:5 ပူးပေါင်းရင်းမြစ်များ

Ezipt Lɔ Tulɛ'n 7:19

Anannganman seli Moiz kɛ: «Se Aarɔn kɛ ɔ fɛ i kpɔnman'n nan ɔ tinngɛ i sa nzue nga be sonji Ezipt mɛn'n nun'n be kwlaa be su: i nzue ba dandan mun o, i kanngan mun o, i fɛtɛ mun o, be kwlaa be wa kaci mmoja. Mmoja wa tran mɛn wunmuan'n nun, waka sɛ nin yɛbuɛ sɛ'm be nun ´yo mmoja.»

Ezipt Lɔ Tulɛ'n 8:4

Famiɛn'n yiali Moiz nin Aarɔn nan ɔ'a se be kɛ: «Amun `kpata Nyanmiɛn nan ɔ yo man klɛ'm be jaso e nin min nvlefuɛ mun é wun lɛ be wɔ mmua, kpɛkuun n wa man amun sran'm be atin nan be ko yi tɛ be man Anannganman.»

Ezai 19:10

Be nga be wu tannin'n, bé wla ´bo bé wun. Be nga be di junman bɔ be tua be kalɛ'n, be akunndan ´sanngan.