Ezipt Lɔ Tulɛ'n 8:23 - NYANMIƐN NDƐ'N 1998

²³ Ɔ fata kɛ e fa cɛn nsan e nanti aawlɛ flɛnnɛn'n nun nan y'a ko yi tɛ nga e Nyanmiɛn'n ´kle ye'n y'a mɛn i.»

Ezipt Lɔ Tulɛ'n 8:23 ပူးပေါင်းရင်းမြစ်များ

2 Famiɛn Mun 7:1

Elize tɛli i su kɛ: «Amun `sie bé su be tie. Anannganman wan yoo: ‹Ainman'n, Samari gua bo lɔ'n, dɔ kunngba ng'ɔ o yɛ'n su'n, be ´nyan ble sanmlɛn mlɛnnɛnnɛn kpa'n i kilo blu-nin-nnyɔn jɛtɛ ufue mma kun, yɛ be ´nyan ɔrz'n i kilo ablaɔn-nin-nnan kusu jɛtɛ ufue mma kun.› »

Ezipt Lɔ Tulɛ'n 10:4

Sɛ ɔ waan a kplin-man su'n, ainman, n wa sunman lalo mun ɔ mɛn'n i wunmuan'n nun.

Ezipt Lɔ Tulɛ'n 3:18

Izraɛlfuɛ'm be ´fa ɔ nuan ndɛ'n su. Kɛ ɔ ko yo sɔ'n, a nin be kpɛnngbɛn mun, amun ko to Ezipt famiɛn'n. Amun `se i kɛ: ‹Anannganman, Ebre'm be Nyanmiɛn'n, e Nyanmiɛn'n, ɔ yili i wun nglo kleli ye. Man e atin nan e `fa cɛn nsan e `nanti e `wɔ aawlɛ flɛnnɛn'n nun lɔ, e `ko yi tɛ e man e Nyanmiɛn'n.›

Ezipt Lɔ Tulɛ'n 8:22

Moiz tɛli i su kɛ: «Cɛcɛ, e kwla yo-mɛn i sɔ, afin nnɛn nga bɔ e fa yi tɛ man e Nyanmiɛn'n ti tete like Eziptfuɛ'm be nyrun. ?Yɛ sɛ e yi i sɔ tɛ ng'ɔ ti be nyrun tete like'n be nyrun wa'n, be su to-man e yɛbuɛ?

Ezipt Lɔ Tulɛ'n 8:24

Ezipt famiɛn'n waan: «M'an ti, n wa yaci amun nun amun ko yi tɛ'n be man amun Nyanmiɛn'n aawlɛ flɛnnɛn'n nun lɔ, sanngɛ nán amun wɔ mmua ngboko. Amun `srɛ Nyanmiɛn kusu be man min.»

Ezipt Lɔ Tulɛ'n 9:5

Ng'ɔ o su ekun'n yɛlɛ kɛ Anannganman kleli blɛ'n, i waan ainman yɛ ɔ ´yo i sɔ abonuan sa liɛ nin-ɔn.› »