Ezipt Lɔ Tulɛ'n 8:22 - NYANMIƐN NDƐ'N 1998

²² Moiz tɛli i su kɛ: «Cɛcɛ, e kwla yo-mɛn i sɔ, afin nnɛn nga bɔ e fa yi tɛ man e Nyanmiɛn'n ti tete like Eziptfuɛ'm be nyrun. ?Yɛ sɛ e yi i sɔ tɛ ng'ɔ ti be nyrun tete like'n be nyrun wa'n, be su to-man e yɛbuɛ?

Ezipt Lɔ Tulɛ'n 8:22 ပူးပေါင်းရင်းမြစ်များ

Bo Bolɛ 46:34

an `tɛ su kɛ: ‹Kɛ ɔ fɛ i e kaan nun lele b'ɔ ´fa ju andɛ'n, e ti nnɛn tafuɛ kɛ é si'm be sa.› I liɛ'n kpɛkuun an ´tran Gozɛn mɛn'n nun. Afin Eziptfuɛ'm be nin boli nin bua tafuɛ'm be tran-man likawlɛ, ɔ ti be ciliɛ.»

Jue Mun 110:2

Anannganman man ɔ sielɛ'n ɔ fɛ i Siɔn lele ɔ trɛ ɔ mmua kpa. Man ɔ fanngan'n ɔ kwla ɔ kpɔfuɛ mun.

Jue Mun 74:12

Ee Nyanmiɛn min famiɛn, wɔ yɛ kɛ ɔ fin lalafuɛ nun'n, a de sran mun mɛn wunmuan'n nun nin-ɔn.

Ezipt Lɔ Tulɛ'n 10:23

Cɛn nsan sɔ nun'n, Eziptfuɛ'm be kwla wun-man be wiengu, i sɔ'n ti sran fi tu-mɛn i bo i awlo'n nun. Sanngɛ kan Izraɛlfuɛ'm be tran lɛ'n ti weiin.

Ezipt Lɔ Tulɛ'n 12:13

Mmoja b'ɔ o sua nga an tran be nun'n be anuan'm be su'n ti nzɔliɛ. Kɛ n ´wun mmoja'n, n ´tu tra amun, kpɛkuun kɛ n ´fa nyrɛnnɛn n yi i Eziptfuɛ'm bé su'n, ɔ su ju-man amún su wie .

Ezipt Lɔ Tulɛ'n 19:5

Siɛn liɛ'n, sɛ amun ti ndɛ nga n kan kle amun'n i kpa'n, sɛ amun nian aenguɛ nga e nin amun e tra'n su kpa'n, amun ´yo min nvle b'ɔ ti min liɛ klonglo nvle kun nga'm be afiɛn, afin asiɛ wunmuan'n ti min liɛ.

Ezipt Lɔ Tulɛ'n 20:11

Afin n fali cɛn ba nsiɛn yɛ n fa yili nglo'n, nin asiɛ'n, nin jenvie'n, ɔ nin ninnge nga be o lɛ'n be kwlaa-a, kpɛkuun cɛn ba nso'n su fuɛ'n, n fa deli wunmiɛn. I sɔ'n ti yɛ m bɔbɔ min Anannganman n yrali min nuan klanman kɛ cɛn sɔ'n `yo kpa, yɛ n klo kɛ ɔ `yo min liɛ klonglo nin-ɔn.

Ezipt Lɔ Tulɛ'n 7:17

I sɔ'n ti Anannganman waan ɔ wa kle wɔ siɛn'n kɛ ɔ fa ti'n. Nian, n wa fa waka nga n fin Nil nzue'n i nyin su yɛ nzue'n wa kaci mmoja.

Ezipt Lɔ Tulɛ'n 7:5

N ´yi n tinmin'n i nglo n kle Eziptfuɛ mun. N ´fa Izraɛlfuɛ mun Eziptfuɛ'm be afiɛn n ´fite. Yɛ Eziptfuɛ'm be wa wun i wlɛ weiin kɛ min yɛ n ti Anannganman nin-ɔn.»

Ezipt Lɔ Tulɛ'n 8:10

Sran'm be tiantiannin klɛ'm be nuan kwlekwle dandan kpa, yɛ be nvan'n fali mɛn wunmuan'n.

Ezipt Lɔ Tulɛ'n 8:21

Famiɛn'n flɛli Moiz nin Aarɔn nan ɔ'a se be kɛ: «Amun `kɔ yi tɛ'n be man amun Nyanmiɛn'n, sanngɛ amun `yi i Ezipt mɛn'n nun wa.»

Ezipt Lɔ Tulɛ'n 8:23

Ɔ fata kɛ e fa cɛn nsan e nanti aawlɛ flɛnnɛn'n nun nan y'a ko yi tɛ nga e Nyanmiɛn'n ´kle ye'n y'a mɛn i.»

Ezipt Lɔ Tulɛ'n 9:26

San Gozɛn lika liɛ'n, kan Izraɛlfuɛ'm be tran lɔ'n cɛ yɛ ɔ kali lɛ-ɔ.

Ezipt Lɔ Tulɛ'n 9:29

Moiz tɛli i su kɛ: «Kɛ n fin klɔ'n nun n ´fite cɛ'n, m ´manman mín sa'm bé su n ´srɛ Anannganman. Ngblannan'n nin nzraama'n be ´jran, kɛ ɔ ´yo nan w'a si kɛ asiɛ'n ti Anannganman liɛ'n ti.

Ezipt Lɔ Tulɛ'n 9:4

Sanngɛ ɔ wa sie nnɛn nga be ti Izraɛlfuɛ'm be liɛ'n ɔ nin nga be ti Eziptfuɛ'm be liɛ'n be afiɛn ngbaciɛ. Izraɛlfuɛ'm be nnɛn'm be nun kun sa su wu-man.

Ezipt Lɔ Tulɛ'n 9:6

Kɛ aliɛ cɛnnin cɛ'n, Nyanmiɛn yoli nga i waan ɔ ´yo'n. Eziptfuɛ'm be nnɛn'm be kwlaa be wieli wu, sanngɛ Izraɛlfuɛ'm be nnɛn'm be nun kun sa ɔ'a wu-man.

Ezekiɛl 30:19

M ´bu Eziptfuɛ'm be fɔ yɛ be wa si jrɛiin kɛ min yɛ n ti Anannganman nin-ɔn.› »

Malasi 3:18

Kpɛkuun amun ´wun ngbaciɛ ng'ɔ o sran kpa nin sran ng'ɔ bu-man Nyanmiɛn nin i nuan ndɛ'n be like fi'n be afiɛn'n, ɔ nin ngbaciɛ ng'ɔ o sran ng'ɔ su Nyanmiɛn nin sran ng'ɔ su-man Nyanmiɛn'n be afiɛn'n.»