Ezipt Lɔ Tulɛ'n 8:20 - NYANMIƐN NDƐ'N 1998

²⁰ Anannganman yoli i kɛ ɔ fa kannin'n sa. Ngɔnsiɛn bɔ be nuan yo ya'n be bali kaka kpa, be fali Ezipt mɛn wunmuan'n, be wluli famiɛn'n i sua'n nun lɔ, ɔ nin i mantanfuɛ'm be liɛ'm be nun. Ngɔnsiɛn sɔ'm be sacili Ezipt mɛn'n.

Ezipt Lɔ Tulɛ'n 8:20 ပူးပေါင်းရင်းမြစ်များ

Jue Mun 105:31

Kɛ Nyanmiɛn ukeli i nuan'n sa'n, kpɛkuun ngɔnsiɛn'm be deli lika'n, kpɛkuun kplekple'm be deli Eziptfuɛ'm be mɛn'n.

Jue Mun 78:45

Ɔ yoli man ngɔnsiɛn'm be nɔnnin be, yɛ klɛ'm be sacili be mɛn'n.

Ezipt Lɔ Tulɛ'n 2:5

I sin b'ɔ ´cuɛn nun kan'n, kpɛkuun Ezipt famiɛn'n i wa bla'n ɔ'a ba nzue dan sɔ'n nun wunnzinlɛ. Kɛ ɔ ´wunnzin'n, bla nga be su i su'n be ɔli wlan-wlanlɛ nzue'n i nuan su, kpɛkuun famiɛn'n i wa bla'n ɔ'a wun gbogbo b'ɔ o ndɛ'm be afiɛn lɔ'n, yɛ ɔ sunmɛnnin i afanniɛn bla'n kɛ ɔ ko fa.

Ezipt Lɔ Tulɛ'n 3:18

Izraɛlfuɛ'm be ´fa ɔ nuan ndɛ'n su. Kɛ ɔ ko yo sɔ'n, a nin be kpɛnngbɛn mun, amun ko to Ezipt famiɛn'n. Amun `se i kɛ: ‹Anannganman, Ebre'm be Nyanmiɛn'n, e Nyanmiɛn'n, ɔ yili i wun nglo kleli ye. Man e atin nan e `fa cɛn nsan e `nanti e `wɔ aawlɛ flɛnnɛn'n nun lɔ, e `ko yi tɛ e man e Nyanmiɛn'n.›

Ezipt Lɔ Tulɛ'n 4:23

N seli wɔ kɛ a yaci i nun nan ɔ ko su min, sanngɛ a kplin-man su. I sɔ'n ti, n wa yo man ɔ klun ba yasua klikli'n ´wu.› »

Ezipt Lɔ Tulɛ'n 5:1

Kɛ ɔ yoli sɔ'n, Moiz nin Aarɔn be ko toli Ezipt famiɛn'n yɛ be seli i kɛ: «Ndɛ nga Anannganman b'ɔ ti Izraɛl Nyanmiɛn'n kan'n yɛ. I waan a yaci i sran'm be nun man be wɔ aawlɛ flɛnnɛn'n nun lɔ be ko di cɛn be mɛnmɛn i.»

Ezipt Lɔ Tulɛ'n 5:3

Moiz nin Aarɔn be seli i kɛ: «Ebre'm be Nyanmiɛn'n, Anannganman e Nyanmiɛn'n fɛli i wun kleli ye. Man e cɛn nsan man e fa nanti e wɔ aawlɛ flɛnnɛn'n nun lɔ nan e ko yi tɛ e mɛn i. Sɛ ɔ'a yo-man sɔ'n, ɔ ´fa alɛ nin tukpacɛ bɔ sa ndɛndɛ wie nunnun ye.»

Ezipt Lɔ Tulɛ'n 7:15

Kɔ nan to i lɔ nglɛmun kɛ ɔ kɔ nzue'n i nuan lɔ'n. Ko jrɛn i nyrun Nil'n i nuan lɔ. Fa kpɔnman ng'ɔ kacili wuo'n tra nun.

Ezipt Lɔ Tulɛ'n 8:1

Anannganman seli Moiz kɛ: «Kan kle Aarɔn kɛ ɔ fa kpɔnman'n nan ɔ man i sa'n su nzue ba mun nin nzue sama mun, ɔ nin fɛtɛ'm be su kɛ ɔ ´yo nan klɛ'm b'a fa Ezipt mɛn wunmuan'n ti.»

Ezipt Lɔ Tulɛ'n 8:21

Famiɛn'n flɛli Moiz nin Aarɔn nan ɔ'a se be kɛ: «Amun `kɔ yi tɛ'n be man amun Nyanmiɛn'n, sanngɛ amun `yi i Ezipt mɛn'n nun wa.»

Ezipt Lɔ Tulɛ'n 9:13

Anannganman seli Moiz kɛ: «Ainman nglɛmun ndɛ kpa'n, jaso ko to famiɛn'n lɔ nan se i kɛ: ‹Anannganman b'ɔ ti Ebre'm be Nyanmiɛn'n, i waan a yaci i sran'm be nun nan be ko su i.