Ezipt Lɔ Tulɛ'n 8:14 - NYANMIƐN NDƐ'N 1998

¹⁴ Ezipt lɔ atrɛ yifuɛ'm be nin be tinwa bɔ be waan b'a tin'n i ngba'n, b'a kwla yi-man kplekple'n wie. Kplekple'm be trannin sran nin nnɛn'm be su.

Ezipt Lɔ Tulɛ'n 8:14 ပူးပေါင်းရင်းမြစ်များ

1 Famiɛn Mun 18:26

Be fali nannin nga be fa mannin be'n, be kunnin i, be biali, nan b'a fɛ i nnɛn'n b'a siesie yie'n su, kpɛkuun be flɛli Baal nglɛmun lele wia jran. Be waan: «Baal, tɛ é su!» Sanngɛ be ti-man be `fuɛn, be ti-man be `trɛ. Kɛ ɔ ´yo sɔ'n, wuun be ´si able be ´bo sin yia sraka yiwlɛ nga be yoli'n.

1 Famiɛn Mun 18:29

Kɛ midi sinnin'n, be kpan flɛli Baal kekle kpa trali laa'n. Be yoli i sɔ lele fa ju blɛ nga be yi nnɔsua wia nun sraka'n, sanngɛ b'a ti-man be `fuɛn, b'a ti-man be `trɛ.

Ezipt Lɔ Tulɛ'n 7:21

Kpatra'm be wuli. Nzue'n sacili, Eziptfuɛ'm b'a kwla nɔn-mɛn i kun. Mɛn wunmuan'n i nun ti mmoja'n ngunmin.

Ezipt Lɔ Tulɛ'n 8:13

Be yoli i sɔ. Aarɔn mannin i kpɔnman'n su, ɔ fa finnin asiɛ wun ndutre'n nun. Kpɛkuun ndutre'n kacili kplekple, be truli sran nin nnɛn'm be su sa woo. Ezipt mɛn wunmuan'n nun'n, asiɛ wun ndutre'n kwlakwla kacili kplekple.

Ezipt Lɔ Tulɛ'n 8:15

Blɛ sɔ'n nun yɛ atrɛ yifuɛ'm be seli Ezipt famiɛn'n kɛ: «Nyanmiɛn i tinmin'n yɛ ɔ su di junman ng'ɔ o lɛ nin-ɔn.» Sanngɛ kɛ Nyanmiɛn fa dun mmua kannin'n i su yɛ ɔ yoli-ɔ. Famiɛn'n i anwlɛn'n keteli, ɔ'a sie-mɛn i su Moiz nin Aarɔn be ndɛ'n bo.

Ezipt Lɔ Tulɛ'n 8:24

Ezipt famiɛn'n waan: «M'an ti, n wa yaci amun nun amun ko yi tɛ'n be man amun Nyanmiɛn'n aawlɛ flɛnnɛn'n nun lɔ, sanngɛ nán amun wɔ mmua ngboko. Amun `srɛ Nyanmiɛn kusu be man min.»

Ezipt Lɔ Tulɛ'n 9:11

Ezipt lɔ atrɛ yifuɛ'm b'a kwla fite-man Moiz nyrun yra sɔ'n dunman nun ti. Afin yra'n yoli be wie.

Ezai 19:11

Zɔan lɔ wlengbi'm be si-man ngwlɛlɛ mlɔnmlɔn, Ezipt famiɛn'n i awlo lɔ sran dandan mun bɔ be ngwlɛlɛ'n ti yɛ be fa be'n, be anyia'n i nunfuɛ'm be ti sinnglinfuɛ mun ngunmin kokoko. ?Ɔ yo sɛ yɛ amun kwla nyan atin se Ezipt famiɛn'n kɛ: «E ti ngwlɛlɛfuɛ'm be wa, e ti lalafuɛ famiɛn'm be wa» nin-ɔn?

Ezai 34:2

Anannganman'n i ya'n ɔ wa tɔ nvle-nvle'm be nunfuɛ'm be su. I ya dan'n ɔ wa tɔ be alɛ kunfuɛ akpasua'm be kwlaa be su. Anannganman wa kun be kwlaa, ɔ wa nunnun be ngba.

Ezekiɛl 39:11

«I cɛn sɔ'n nun'n, m ´man Gɔg i lika kun Izraɛl lɔ, be ´sie sran'm be fuɛn nun. Lika sɔ'n be flɛ i wlan-wlanfuɛ'm be kongo. Ɔ o jenvie b'ɔ ti njin nzue klakla'n i bue ng'ɔ kpɛ wia afiliɛ lɔ'n su. Ɔ ´kata be nga be sin'n be atin. Lɛ yɛ be ´sie Gɔg nin i minniɛn kpanngban mun-ɔn, yɛ be wa flɛ i kɛ Gɔg I Sran Kpanngban Mun Be Kongo.

Zoɛl 2:20

Amun kpɔfuɛ nga be fin mɛn'n i nglo lɔ be bali'n, n ´fuan be. N ´kankan be bo ´kɔ mmua, be ´kɔ aawlɛ flɛnnɛn'n i wun lɔ. Be nga be dun mmua be nyrun'n, n ´su be n ´guɛ i jenvie ng'ɔ ti njin nzue klakla'n nun. Be nga be o siɛn'n, n ´su be n ´guɛ i jenvie bɔ be flɛ i Mediterane'n nun. Be fuɛn'm be ´bɔn tɛ, be bɔnlɛ'n ɔ ´de lika'n kwlaa.» Be nga be kleli amun nyrɛnnɛn'n, kɛ be awieliɛ'n ɔ ´wie be kɛ nga sa .