Ezipt Lɔ Tulɛ'n 8:13 - NYANMIƐN NDƐ'N 1998

¹³ Be yoli i sɔ. Aarɔn mannin i kpɔnman'n su, ɔ fa finnin asiɛ wun ndutre'n nun. Kpɛkuun ndutre'n kacili kplekple, be truli sran nin nnɛn'm be su sa woo. Ezipt mɛn wunmuan'n nun'n, asiɛ wun ndutre'n kwlakwla kacili kplekple.

Ezipt Lɔ Tulɛ'n 8:13 ပူးပေါင်းရင်းမြစ်များ

1 Be Nyoliɛ 23:28

Sran sɔ mun be o Aarɔn osu'n nunfuɛ'm bé sa nun. Anannganman i sua'n nin awlo klun'n, ɔ nin sua ba nga be mantan Nyanmiɛn i sua'n, be nun lɔ yɛ be di junman-an. Be yɛ be yo Nyanmiɛn sulɛ ninnge'm be saun-ɔn. Be di junman fanunfanun ng'ɔ o Nyanmiɛn i sua'n nun'n.

Jue Mun 105:31

Kɛ Nyanmiɛn ukeli i nuan'n sa'n, kpɛkuun ngɔnsiɛn'm be deli lika'n, kpɛkuun kplekple'm be deli Eziptfuɛ'm be mɛn'n.

Ezipt Lɔ Tulɛ'n 8:11

Kɛ famiɛn'n ´nian bɔ lika'n ɔ'a tɔ fɔun kan'n, kpɛkuun ɔ yoli nyin kekle ekun kɛ Nyanmiɛn dun mmua kannin'n sa. Ɔ'a sie-mɛn i su Moiz nin Aarɔn be ndɛ'n bo.

Ezipt Lɔ Tulɛ'n 8:12

Anannganman seli Moiz kɛ: «Se Aarɔn kɛ ɔ man i kpɔnman'n su nan ɔ fa fin asiɛ wun ndutre'n nun. Asiɛ'n su ndutre'n wa kaci kplekple Ezipt mɛn wunmuan'n nun.»

Ezipt Lɔ Tulɛ'n 8:14

Ezipt lɔ atrɛ yifuɛ'm be nin be tinwa bɔ be waan b'a tin'n i ngba'n, b'a kwla yi-man kplekple'n wie. Kplekple'm be trannin sran nin nnɛn'm be su.