Ezipt Lɔ Tulɛ'n 8:11 - NYANMIƐN NDƐ'N 1998

¹¹ Kɛ famiɛn'n ´nian bɔ lika'n ɔ'a tɔ fɔun kan'n, kpɛkuun ɔ yoli nyin kekle ekun kɛ Nyanmiɛn dun mmua kannin'n sa. Ɔ'a sie-mɛn i su Moiz nin Aarɔn be ndɛ'n bo.

Ezipt Lɔ Tulɛ'n 8:11 ပူးပေါင်းရင်းမြစ်များ

Ezipt Lɔ Tulɛ'n 4:21

Anannganman seli i ekun kɛ: «Abonuan ninnge wafa-wafa nga n yoli man a kwlali be yo lɛ'n, kɛ a ´sa ɔ́ sin Ezipt lɔ yɛ'n, yo i sɔ abonuan sa mun Ezipt famiɛn'n i nyrun. N wa yo man ɔ su sie-mɛn i su ɔ ndɛ'm bé bo, ɔ su yaci-man Izraɛlfuɛ'm be nun kɛ be wɔ.

Ezipt Lɔ Tulɛ'n 7:13

Famiɛn'n i anwlɛn'n keteli ti ɔ'a sie-mɛn i su ndɛ nga Moiz nin Aarɔn be kannin'n i bo. Kɛ Nyanmiɛn dun mmua kɛnnin i sɔ-ɔ.

Ezipt Lɔ Tulɛ'n 7:14

Anannganman seli Moiz kɛ: «Famiɛn'n su yo nyin kekle mín su, yɛ i waan ɔ man-man Izraɛlfuɛ'm be atin kɛ be wɔ.

Ezipt Lɔ Tulɛ'n 8:12

Anannganman seli Moiz kɛ: «Se Aarɔn kɛ ɔ man i kpɔnman'n su nan ɔ fa fin asiɛ wun ndutre'n nun. Asiɛ'n su ndutre'n wa kaci kplekple Ezipt mɛn wunmuan'n nun.»

Ezipt Lɔ Tulɛ'n 8:13

Be yoli i sɔ. Aarɔn mannin i kpɔnman'n su, ɔ fa finnin asiɛ wun ndutre'n nun. Kpɛkuun ndutre'n kacili kplekple, be truli sran nin nnɛn'm be su sa woo. Ezipt mɛn wunmuan'n nun'n, asiɛ wun ndutre'n kwlakwla kacili kplekple.

Ezipt Lɔ Tulɛ'n 8:3

Ezipt lɔ atrɛ yifuɛ'm be fali be tinmin'n be yili atrɛ kunngba sɔ'n wie. Be yoli man klɛ'm be fiteli Ezipt mɛn'n i lika'n kwlaa.

Ezipt Lɔ Tulɛ'n 8:9

Anannganman yoli nga Moiz usɛli i'n. Klɛ'm be wuli awlo'm be nun, be wuli sua'm be nun nin fie'm be su.