Ezipt Lɔ Tulɛ'n 8:1 - NYANMIƐN NDƐ'N 1998

¹ Anannganman seli Moiz kɛ: «Kan kle Aarɔn kɛ ɔ fa kpɔnman'n nan ɔ man i sa'n su nzue ba mun nin nzue sama mun, ɔ nin fɛtɛ'm be su kɛ ɔ ´yo nan klɛ'm b'a fa Ezipt mɛn wunmuan'n ti.»

Ezipt Lɔ Tulɛ'n 8:1 ပူးပေါင်းရင်းမြစ်များ

Jue Mun 105:30

Klɛ'm be deli mɛn'n. Be deli lika'n lele be deli famiɛn'm be sua ba mun.

Ezipt Lɔ Tulɛ'n 3:12

Nyanmiɛn tɛli i su kɛ: «N jin ɔ́ sin, yɛ nian, nzɔliɛ b'ɔ kle kɛ min yɛ n sunman wɔ'n yɛ. Kɛ a ko fa Izraɛlfuɛ mun ko fite'n, amun wa su min oka nga su.»

Ezipt Lɔ Tulɛ'n 3:18

Izraɛlfuɛ'm be ´fa ɔ nuan ndɛ'n su. Kɛ ɔ ko yo sɔ'n, a nin be kpɛnngbɛn mun, amun ko to Ezipt famiɛn'n. Amun `se i kɛ: ‹Anannganman, Ebre'm be Nyanmiɛn'n, e Nyanmiɛn'n, ɔ yili i wun nglo kleli ye. Man e atin nan e `fa cɛn nsan e `nanti e `wɔ aawlɛ flɛnnɛn'n nun lɔ, e `ko yi tɛ e man e Nyanmiɛn'n.›

Ezipt Lɔ Tulɛ'n 4:23

N seli wɔ kɛ a yaci i nun nan ɔ ko su min, sanngɛ a kplin-man su. I sɔ'n ti, n wa yo man ɔ klun ba yasua klikli'n ´wu.› »

Ezipt Lɔ Tulɛ'n 5:1

Kɛ ɔ yoli sɔ'n, Moiz nin Aarɔn be ko toli Ezipt famiɛn'n yɛ be seli i kɛ: «Ndɛ nga Anannganman b'ɔ ti Izraɛl Nyanmiɛn'n kan'n yɛ. I waan a yaci i sran'm be nun man be wɔ aawlɛ flɛnnɛn'n nun lɔ be ko di cɛn be mɛnmɛn i.»

Ezipt Lɔ Tulɛ'n 5:3

Moiz nin Aarɔn be seli i kɛ: «Ebre'm be Nyanmiɛn'n, Anannganman e Nyanmiɛn'n fɛli i wun kleli ye. Man e cɛn nsan man e fa nanti e wɔ aawlɛ flɛnnɛn'n nun lɔ nan e ko yi tɛ e mɛn i. Sɛ ɔ'a yo-man sɔ'n, ɔ ´fa alɛ nin tukpacɛ bɔ sa ndɛndɛ wie nunnun ye.»

Ezipt Lɔ Tulɛ'n 7:16

Kan kle famiɛn'n kɛ: ‹Anannganman b'ɔ ti Ebre'm be Nyanmiɛn'n sunmannin min kɛ n se wɔ kɛ: Yaci min sran'm be nun man be ko su min aawlɛ flɛnnɛn'n nun lɔ. Lele b'ɔ ´fa ju ndɛ'n, a klo-man kɛ ɔ́ su ti i sɔ ndɛ'n mlɔnmlɔn.

Ezipt Lɔ Tulɛ'n 7:25

Kɛ Nyanmiɛn i sa kannin Nil nzue'n, nzue'n kali sɔ lele cɛn ba nso.

Ezipt Lɔ Tulɛ'n 8:2

Aarɔn tinngɛli i sa Ezipt lɔ nzue nga be sonji'n be su, kpɛkuun klɛ'm be fiteli, be truli mɛn wunmuan'n nun gbee.

Ezipt Lɔ Tulɛ'n 8:20

Anannganman yoli i kɛ ɔ fa kannin'n sa. Ngɔnsiɛn bɔ be nuan yo ya'n be bali kaka kpa, be fali Ezipt mɛn wunmuan'n, be wluli famiɛn'n i sua'n nun lɔ, ɔ nin i mantanfuɛ'm be liɛ'm be nun. Ngɔnsiɛn sɔ'm be sacili Ezipt mɛn'n.

Ezipt Lɔ Tulɛ'n 9:1

Anannganman seli Moiz kɛ: «Kɔ ko to famiɛn'n lɔ nan se i kɛ: ‹Anannganman b'ɔ ti Ebre'm be Nyanmiɛn'n waan a yaci i sran'm be nun nan be wɔ be ko su i.

Zozie 8:18

Yɛ Anannganman seli Zozie kɛ: «Tinngɛ ɔ cua'n Ai ndɛnman afin n su wa fa man wɔ.» Yɛ Zozie tinngɛli i cua'n klɔ'n i ndɛnman-an.