Ezipt Lɔ Tulɛ'n 7:17 - NYANMIƐN NDƐ'N 1998

¹⁷ I sɔ'n ti Anannganman waan ɔ wa kle wɔ siɛn'n kɛ ɔ fa ti'n. Nian, n wa fa waka nga n fin Nil nzue'n i nyin su yɛ nzue'n wa kaci mmoja.

Ezipt Lɔ Tulɛ'n 7:17 ပူးပေါင်းရင်းမြစ်များ

1 Famiɛn Mun 20:28

Nyanmiɛn nuan ijɔfuɛ'n wa toli Izraɛl famiɛn'n nan ɔ'a se i kɛ: «Anannganman waan: ‹Kɛ bɔ Sirifuɛ'm be waan n ti oka'm bé su Nyanmiɛn'n, nan n ti-man lika kpɛtɛkplɛɛ'm be nun Nyanmiɛn'n, i ti n ´yi be sonja kpanngban nga be o lɛ'n m ´man wɔ. Kɛ ɔ ko yo sɔ'n, amun wa si kɛ min yɛ ti Anannganman nin-ɔn.› »

2 Famiɛn Mun 19:19

Anannganman e Nyanmiɛn, de ye Sankerib sa nun, man asiɛ'n su famiɛn diwlɛ'm be nunfuɛ'm be kwlaa be si kɛ wɔ Anannganman ɔ kunngba cɛ yɛ a ti Nyanmiɛn nin-ɔn!»

Jue Mun 105:29

Ɔ yoli man Eziptfuɛ'm be nzue'm be kacili mmoja, ɔ kunnin nzue sɔ'm be nun jue mun.

Jue Mun 78:44

Nil nzue ba'n i sama'm be kacili mmoja, i ti Eziptfuɛ'm b'a kwla nɔn-man nzue'n.

Jue Mun 83:18

Man bé nyin gua ase, man srɛ kun be sa tititi, man bé wla bo bé wun, man be yo kokloo!

Jue Mun 9:16

Nvle-nvle nga be nun sran'm be si-man wɔ'n, b'a tɔ kunman nga be bɔbɔ be kpɛli'n nun. Aya nga be fia be suali'n, ɔ'a yaci ɔ'a tra be bɔbɔ.

Ezipt Lɔ Tulɛ'n 1:22

Siɛn liɛ'n, Ezipt famiɛn wlali i nvlefuɛ'm be kwlaa be su nun kɛ: «Ebre'm be wa yasua nɔnman kwlaa nga be wu be'n, amun `to be gua Nil nzue'n nun lɔ, sanngɛ amun `yaci ba bla'm be lɛ.»

Ezipt Lɔ Tulɛ'n 10:2

N ´yo i sɔ nan w'a kwla kan klelɛ nga n kleli Eziptfuɛ'm be nun'n ɔ nin abonuan sa nga n yoli be Ezipt mɛn'n nun'n w'a kle ɔ mma mun nin wɔ anunman mun'n ti. Kpɛkuun amun wa si kɛ min yɛ n ti Anannganman nin-ɔn.»

Ezipt Lɔ Tulɛ'n 4:9

Sɛ a yi atrɛ'n i nnyɔn su'n nan be waan be lafi-man ɔ su ekun'n, nan be waan be tie-man ɔ ndɛ'n mlɔnmlɔn'n, sa nzue Nil nzue ba'n nun guɛ i asiɛ ba'n su. Nzue nga a sali'n ´kaci mmoja.»

Ezipt Lɔ Tulɛ'n 5:2

Ezipt famiɛn'n tɛli bé su kɛ: «?Wan yɛlɛ Anannganman bɔ mín nyin ko yi i bɔ i ti yɛ m man Izraɛlfuɛ'm be atin kɛ be wɔ-ɔ? N si-man Anannganman, yɛ n su man-man amun atin kɛ amun wɔ.»

Ezipt Lɔ Tulɛ'n 6:7

N ´fa amun nvle'n n ´yo min nvle, n ´yo amun Nyanmiɛn, yɛ amun wa wun i wlɛ jrɛin kɛ n ti Anannganman amun Nyanmiɛn ng'ɔ ´de amun Eziptfuɛ'm be junman kekleekle nga be mian amun kɛ amun di be'n be nun.

Ezipt Lɔ Tulɛ'n 7:20

Moiz nin Aarɔn be yoli nga Anannganman seli be kɛ be yo'n. Aarɔn mannin i kpɔnman'n su, kpɛkuun ɔ fa finnin Nil nzue'n i nyin su, famiɛn'n nin i mantanfuɛ'm be nyrun lɛ, yɛ nzue'n kwlaa kacili mmoja-a.

Ezipt Lɔ Tulɛ'n 7:5

N ´yi n tinmin'n i nglo n kle Eziptfuɛ mun. N ´fa Izraɛlfuɛ mun Eziptfuɛ'm be afiɛn n ´fite. Yɛ Eziptfuɛ'm be wa wun i wlɛ weiin kɛ min yɛ n ti Anannganman nin-ɔn.»

Ezekiɛl 25:17

Min klunngbɔ nga n wa tu'n ɔ nin sa nga n wa fa wla be nun'n, be su yo-man blɛblɛ. Blɛ bɔ n ko yo be sa kekle sɔ'n ko wie'n, be wa si jrɛiin kɛ min yɛ n ti Anannganman nin-ɔn.› »

Ezekiɛl 29:9

Ezipt mɛn'n ɔ wa tɔ srolo, sran su tran-man nun. Yɛ sran'm be wa si jrɛiin kɛ min yɛ n ti Anannganman nin-ɔn. Yɛlɛ kɛ a seli kɛ: ‹Nil nzue'n ɔ ti min liɛ, m bɔbɔ yɛ n yili n like-ɔ.›

Ezekiɛl 30:19

M ´bu Eziptfuɛ'm be fɔ yɛ be wa si jrɛiin kɛ min yɛ n ti Anannganman nin-ɔn.› »

Ezekiɛl 30:8

Blɛ bɔ n ´fa sin n yi i Ezipt mɛn nun'n, bɔ be nga be suɛn i bo'n be ´wie nunnun'n, yɛ be wa si jrɛiin kɛ n ti Anannganman nin-ɔn.

Ezekiɛl 32:15

Kɛ n wa yo man like fi su tran-man Ezipt mɛn nun kun'n, blɛ bɔ n ´nunnun be nga be tran nun'n, be wa si jrɛiin kɛ min yɛ n ti Anannganman nin-ɔn.

Ezekiɛl 32:6

N ´fa mmoja n lualua mɛn nga a la kondo nun'n lele ´to oka mun, yɛ ɔ yi nzue'm be sonjiwlɛ'n.

Ezekiɛl 38:23

N wa yi min dan bɔ n ti nin min nzuɛn b'ɔ nin klɔ sran liɛ ti-man kun'n be nglo. N ´yi mín wun nglo nvle kpanngban be nyrun, yɛ be wa si jrɛiin kɛ min yɛ n ti Anannganman nin-ɔn.»

Ezekiɛl 39:28

Be wa si jrɛiin kɛ min yɛ n ti Anannganman nin-ɔn, afin kɛ n yoli man be trali be lomuɛn ɔli mɛnmɛn'm be nun, n wa fa be n ´sa be sin be mɛn liɛ'n nun. Be nun kun sa su ka-man lɔ.

Daniɛl 4:17

A wunnin waka dan kun. I ti'n to nyanmiɛn b'ɔ la nglo lɔ plaii'n. Asiɛ'n i lika kwlaa nga be wo lɛ'n, bé nyin tɛ i.

Daniɛl 4:32

Mɛn'n nun sran'm be kwlaa be ti-man like fi i nyrun. Like ng'ɔ klo kɛ ɔ ´fa yo asiɛ'n su wa sran mun nin nglo lɔ anz mun'n yɛ ɔ fa yo be-ɔ. Sran fi nun-man lɛ b'ɔ kwla jrɛn i annzɛ ɔ usɛ i kosan kɛ: ‹?Nzu ti yɛ a yo sɔ-ɔ?›

Daniɛl 5:21

Be kɛnnin i bo sran'm be nun. Ɔ kacili kɛ nnɛn'm be sa. Ɔ nin blo aflunmun mun yɛ be tran nin-ɔn. Ɔ dili ijre kɛ nannin'm be sa. Nyansue'n boli i. Ɔ yoli sɔ lele ɔ fa juli blɛ ng'ɔ wunnin i wlɛ kɛ kannzu Nyanmiɛn bɔ like fi nun-mɛn i sin'n yɛ ɔ sie sran'm be famiɛn diwlɛ mun nan ɔ fa famiɛn bia'n man sran nga i klun klo kɛ ɔ ´fa mɛn i'n.

Daniɛl 5:23

A jasoli Nyanmiɛn b'ɔ ti nglo lɔ famiɛn'n i wun. A wɔli i safle. I safle b'ɔ a wɔli i'n yɛlɛ kɛ wɔ man be ko fali i sua dan'n nun lɔ klowa mun blɛli wɔ. A nin ɔ sran dandan mun, nin ɔ́ yi mun, ɔ nin ɔ soman mun amun nɔnnin be nun nzan. Kpɛkuun a manmannin amuɛn nga be fali jɛtɛ ufue, nin sika ɔkwlɛ, nin aaba, nin blalɛ, nin waka, ɔ nin yɛbuɛ yɛ be fa yoli be'n. Sanngɛ amuɛn sɔ'm be wun-man ase, bé su ti-man sa, be si-man sa fi. Yɛ w'a bu-man akunndan kɛ a ´mɛnmɛn i bɔ ɔ nguan nyanman'n wo i sa nun'n b'ɔ si wɔ agualiɛ'n.

Sa nglô yile 11:6

Blɛ nga be ´kan ndɛ'n, be kwla tannin nyanmiɛn su lɔ'n kɛ nán man nzue'n tɔ. Be kwla kaci nzue'm be mmoja. Blɛ kwlaa nga be klo kɛ be ´fa sa wafa-wafa'n kwlaa yi asiɛ'n sufuɛ'm bé su'n, be kwlɛ i yo .

Sa nglô yile 8:8

Kɛ kun ng'ɔ mɛntɛn i'n boli i awɛ liɛ'n, like dan kun ti kɛ oka sa ɔ jueli, yɛ be to yili i jenvie'n nun, jenvie'n kpɛkpɛli nun nsan. I bue kun kacili mmoja,