Ezipt Lɔ Tulɛ'n 7:11 - NYANMIƐN NDƐ'N 1998

¹¹ Famiɛn'n flɛli Ezipt mɛn'n nun akunndanfuɛ mun nin tinwafuɛ mun. Yɛ be kusu, be fali be tinmin'n be yili atrɛ kunngba sɔ'n wie-ɔ.

Ezipt Lɔ Tulɛ'n 7:11 ပူးပေါင်းရင်းမြစ်များ

Bo Bolɛ 41:8

Kɛ aliɛ'n cɛnnin'n, Ezipt famiɛn'n i akunndan'n sanngannin nan ɔ'a flɛ Ezipt lɔ atrɛ yifuɛ nin sa sifuɛ'm be kwlakwla, nan ɔ'a kɛn i laliɛ'n ɔ'a kle be. Sanngɛ be wie fi ɔ'a kwla tu-mɛn i bo ɔ'a kle-mɛn i .

Ezipt Lɔ Tulɛ'n 7:12

Be kwlaa be yili be kpɔnman'm be ase, kpɛkuun kpɔnman'm be kacili wuo, sanngɛ Aarɔn i kpɔnman liɛ'n mɛnmɛnnin be wuo liɛ mun.

Ezipt Lɔ Tulɛ'n 7:22

Ezipt lɔ atrɛ yifuɛ'm be fali be tinmin liɛ'n be yili atrɛ kunngba sɔ'n wie. Famiɛn'n i anwlɛn'n keteli, i sɔ'n ti, atin nga Moiz nin Aarɔn be srɛli'n, i waan ɔ man-man be. Kɛ Nyanmiɛn dun mmua kɛnnin i sɔ-ɔ.

Ezipt Lɔ Tulɛ'n 8:18

Sanngɛ cɛn sɔ'n nun'n, n ´yi Gozɛn i lika'n nun, afin lɔ yɛ min nvle nunfuɛ'm be tran-an. Ngɔnsiɛn'm be su tran-man lɔ wie. N ´yo i sɔ nan a si kɛ min Anannganman n wo mɛn nga nun.

Ezipt Lɔ Tulɛ'n 8:3

Ezipt lɔ atrɛ yifuɛ'm be fali be tinmin'n be yili atrɛ kunngba sɔ'n wie. Be yoli man klɛ'm be fiteli Ezipt mɛn'n i lika'n kwlaa.

Ezipt Lɔ Tulɛ'n 8:7

Klɛ'm be wa jaso ɔ́ wun lɛ, be ´jaso ɔ́ sua'm be nun, be ´jaso ɔ mantanfuɛ mun nin ɔ nvlefuɛ'm be wun lɛ be kɔ. San Nil nzue'n nun lɔ liɛ'm be yɛ be ´ka lɛ-ɔ.»

Daniɛl 2:2

Ɔ yiali wunnzue yifuɛ fanunfanun'm be kwlaa kɛ be wa kɛnngɛn i laliɛ'm be kle i. Be bali yɛ be wa sin jrɛnnin i nyrun lɛ-ɔ.

Daniɛl 2:27

Daniɛl tɛli i su kɛ: «Nannan, wunnzue yifuɛ fanunfanun'm be wie fi kwla yi-man nvialiɛ nun sa sɔ nga a kɛn i ndɛ lɛ'n i nglo kle-man wɔ.

Daniɛl 4:6

N seli i kɛ: ‹Bɛltsazar, a ti sa sifuɛ'm bé su kpɛn, n si kɛ Nyanmiɛn Kpli'n i wawɛ'n wo ɔ nun. I sɔ'n ti, nvialiɛ nun sa'm be wunlɛ ti-man kekle ɔ́ sa nun. Tutu laliɛ nga n cɛnnin'n i bo kle min.

Daniɛl 5:11

Mɛn nga a sie yɛ'n i nun wa'n, sran kun wo lɛ bɔ Nyanmiɛn i wawɛ'n wo i nun. Ɔ si i nyin su'n, be wunnin kɛ ɔ si sa'm be bo, be wunnin kɛ ɔ si ngwlɛlɛ dan, yɛ ɔ wun sa'm be wlɛ weiin-weiin kɛ sran nga Nyanmiɛn man be ngwlɛlɛ'n sa. I sɔ'n ti famiɛn Nɛbikadnɛzar, ɔ bɔbɔ ɔ́ si liɛ'n, ɔ fɛli i sieli wunnzue yifuɛ fanunfanun'm bé su kpɛn.

Daniɛl 5:7

Ɔ kpannin kekle kɛ be ko yia Babilɔni lɛ wunnzue yifuɛ fanunfanun mun. Kɛ be bali'n, ɔ kan kleli be kɛ: «Sran kwlaa ng'ɔ kanngan fluwa nga nan ɔ tu i bo'n, be ´klɛ i wun famiɛn kondro ɔkwlɛ kankankan, be ´wlɛ i kɔmin sika ɔkwlɛ njuaba, yɛ be nga be mantan min'n, ɔ wa yo be nsan su.»

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Galasifuɛ Mun 3:1

Galasifuɛ sinnglinfuɛ mun! ?Amun bɔ be kannin Jésus-Krist i wulɛ ndɛ'n i weiin kleli amun b'ɔ man ɔ yoli kɛ ɔ yoli amun nyrun sa'n, wan yɛ ɔ wa lakali amun-ɔn?

Efɛzfuɛ Mun 4:14

Kɛ ɔ ko yo sɔ'n, e ti-man ba kaan kun bɔ e fa ato ndɛ kwlaa nga sran'm be gblɛ'n ti be kɛn i kɛ be ´fa lakalaka sran mun'n su, b'ɔ man e kɔ wa kɔ wa kɛ mmeli bɔ aunngban'n fɛ i kɔ wa kɔ wa'n sa.

2 Tɛsalonikfuɛ Mun 2:9

Satan yɛ ɔ ´tin bian b'ɔ di-man mmla'n su sɔ'n yɛ ɔ ´ba-a, ɔ man ɔ wa yo sa kekleekle'n kwlaa, ɔ ´yi atrɛ, yɛ ɔ ´yo abonuan sa gblɛ nun .

2 Timote 3:8

Sran sɔ'm be si ndɛ nanwlɛ bɔ e kan'n i akplowa kɛ Zannɛs nin Zambrɛs be nin Moiz be sili akplowa'n sa. Sran sɔ'm b'a saci, be akunndan'n ti-man kpa kun, kɛ a nian be wafa nga be fa lafi Nyanmiɛn su'n, a wun kɛ be lafi-mɛn i su kpa .

2 Timote 3:9

Sanngɛ be su kwla yo-mɛn i sɔ ju-man mmua, afin be sinnzin'n ɔ wa fite nglo sran'm be kwlaa be nyrun kɛ sran nnyɔn sɔ'm be liɛ'n sa.

Sa nglô yile 19:20

Be trali nnɛn'n, nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ b'ɔ yili atrɛ nnɛn'n i nyrun'n. I atrɛ sɔ'n yɛ ɔ fa laka be bɔ nnɛn'n i nzɔliɛ'n wo be wun'n, nin be nga be koto nnɛn'n i wunsu bɔ be yoli'n i bo nin-ɔn. Be trali be nnyɔn'n be guali be sin dan bɔ sufru o nun, b'ɔ jue'n nun.

1 Samiɛl 6:2

Filistifuɛ'm be flɛli be amuɛn nyrun tranfuɛ ɔ nin be kɔmiɛn difuɛ mun nan b'a usa be kɛ: «?E ´yo Anannganman i alaka'n sɛ? ?E ´yo i sɛ nan y'a fa sɛ i sin i osu lɔ?»