Ezipt Lɔ Tulɛ'n 7:10 - NYANMIƐN NDƐ'N 1998

¹⁰ Moiz nin Aarɔn be ko toli famiɛn'n nan b'a yo like nga Anannganman seli be kɛ be yo'n. Aarɔn toli kpɔnman'n yili i ase famiɛn'n nin i mantanfuɛ'm be nyrun lɛ, kpɛkuun kpɔnman'n kacili wuo.

Ezipt Lɔ Tulɛ'n 7:10 ပူးပေါင်းရင်းမြစ်များ

Jue Mun 135:9

Anannganman yili atrɛ mun, ɔ yoli abonuan sa mun Ezipt mɛn'n nun lɔ. Ɔ fa tuli Ezipt famiɛn nin i sufuɛ mun be fɔ.

Ezipt Lɔ Tulɛ'n 12:28

I sin be ɔli be ko yoli sa nga Anannganman'n kan kleli Moiz nin Aarɔn'n i kwlaa.

Ezipt Lɔ Tulɛ'n 4:3

Anannganman seli i kɛ: «Yi i ase.» Yɛ ɔ yili i ase-ɔ, kpɛkuun kpɔnman'n ɔ'a kaci wuo. Moiz waan ɔ ´wanndi wuo'n i nyrun.

Ezipt Lɔ Tulɛ'n 7:15

Kɔ nan to i lɔ nglɛmun kɛ ɔ kɔ nzue'n i nuan lɔ'n. Ko jrɛn i nyrun Nil'n i nuan lɔ. Fa kpɔnman ng'ɔ kacili wuo'n tra nun.

Ezipt Lɔ Tulɛ'n 7:20

Moiz nin Aarɔn be yoli nga Anannganman seli be kɛ be yo'n. Aarɔn mannin i kpɔnman'n su, kpɛkuun ɔ fa finnin Nil nzue'n i nyin su, famiɛn'n nin i mantanfuɛ'm be nyrun lɛ, yɛ nzue'n kwlaa kacili mmoja-a.

Ezipt Lɔ Tulɛ'n 7:6

Ndɛ nga Anannganman kannin'n i su sa yɛ Moiz nin Aarɔn be yoli-ɔ.

Ezipt Lɔ Tulɛ'n 7:9

«Sɛ famiɛn'n se amun kɛ amun yi atrɛ'n, Moiz, kan kle Aarɔn man ɔ fɛ i kpɔnman'n nan ɔ `to yi i asiɛ wun famiɛn'n i nyrun lɛ, kpɛkuun kpɔnman'n wa kaci wuo.»

Amɔs 9:3

Sɛ be ko fia Karmɛl oka'n i ti su nglo lɔ'n, n ´kɔ bé sin, n ´wun be, n ´tra be lɔ. Sɛ be waan be ´mlɔn jenvie'n bo lɔ nan be ´mlin-mlin min nyrun'n, n ´sunman jenvie nun wuo'n kɛ ɔ ´kɔ ka be lɔ.

Marc 16:18

be ´tra wuo mun, sɛ be nɔn like wie b'ɔ kun sran'n, ɔ su yo-man be sa fi. Be ´fa bé sa fua tukpacɛfuɛ'm be su, be ´yo juejue.»

JÉSUS-CHRIST I DYASIN FE'N BO LUC KLELI'N 10:19

Nian, n seli amun kɛ, m mannin amun kwlalɛ, ɔ man amun ´tia wuo nin nyannglan'm be su, amun ´kwla kpɔfuɛ'n, yɛ like fi su yo-man amun.