Ezipt Lɔ Tulɛ'n 6:8 - NYANMIƐN NDƐ'N 1998

⁸ N ´fa amun n ´kɔ mɛn nga n tali Abraam, nin Izaak, nin Zakɔb be nda kɛ n ´fa man be'n i nun lɔ. M bɔbɔ min Anannganman, n ´fa mɛn sɔ'n ´man amun.› »

Ezipt Lɔ Tulɛ'n 6:8 ပူးပေါင်းရင်းမြစ်များ

Bo Bolɛ 14:22

Yɛ Abram se i kɛ: «Mín sa'n yɛ m'an man su m'an kle Anannganman Nyanmiɛn b'ɔ o like'n kwlaa ti su'n, b'ɔ yili nglo nin asiɛ'n yɛ.

Bo Bolɛ 15:18

Le kun sɔ nun'n, Anannganman nin Abram be trali aenguɛ. Anannganman seli i kɛ: «Mɛn ng'ɔ o yɛ'n, kɛ ɔ fɛ i Ezipt nzue ba kan'n i nuan lɛ b'ɔ ´fa ju Efrat nzue ba dan'n i nuan'n, m'an fa man wɔ anunman mun .

Bo Bolɛ 26:3

Tran mɛn sɔ'n nun lɔ, n ´jran ɔ sin, n ´yo wɔ kpa. N ´fa lika nga kwlaa m man wɔ nin wɔ anunman mun. Nda nga n tali ɔ́ si Abraam'n, n ´yiɛ i nuan.

Bo Bolɛ 28:13

Anannganman jin yrɛyrɛ i ti su nglo lɔ, ɔ seli Zakɔb kɛ: «Anannganman ɔ nannan Abraam, nin Izaak be Nyanmiɛn'n yɛlɛ min. Asiɛ nga a la su lɛ'n, n ´fa man wɔ ɔ nin ɔ osu'n.

Bo Bolɛ 35:12

Mɛn nga n fa mannin Abraam nin Izaak'n, n ´fa man wɔ nin wɔ anunman mun.»

Neemi 9:15

Kɛ awe kunnin be'n, a mannin be nyanmiɛn su lɔ kpaun be dili. Kɛ nzue we kunnin be'n, wɔ man nzue fin yɛbuɛ nun fiteli, be nɔnnin. Wɔ man be bali mɛn nga a tali nda kɛ a ´fa man be'n, i falɛ .

Ezipt Lɔ Tulɛ'n 13:5

Kɛ Anannganman ko fa amun ko wɔ mɛn bɔ Kanaanfuɛ mun, nin Ɛtfuɛ mun, nin Amɔrfuɛ mun, nin Ferezfuɛ mun, nin Evfuɛ mun, yɛ Zɛbisfuɛ'm be tran nun lɔ'n i nun'n, afuɛ kwlaa nun anglo kunngba nga nun'n, amun `di cɛn sɔ'n. Mɛn sɔ'n yɛ Anannganman kan kleli amun nannan'm be kɛ ɔ ´fa man amun nin-ɔn. Lɔ asiɛ'n ɔ yo like ye kpa. I kunngba'n, ɔ ti nnɛn tawlɛ klanman.

Ezipt Lɔ Tulɛ'n 32:13

Man ɔ́ wla kpɛn ɔ sufuɛ Abraam, nin Izaak, nin Zakɔb be su. A tali nda, a seli be kɛ: ‹N wa yo man amun osu'n wa trɛ kɛ nzraama nga be o nglo'n sa. Mɛn nga n seli kɛ n ´fa man amun osufuɛ mun'n, n ´fa man be, yɛ be ´tran nun tititi.› »

Ezipt Lɔ Tulɛ'n 6:2

Nyanmiɛn seli Moiz ekun kɛ: «N ti ‹Anannganman›.

Ezipt Lɔ Tulɛ'n 6:4

E nin be e trali aenguɛ. N tali be nda kɛ Kanaan mɛn nga be trannin nun laa kɛ aofuɛ mun sa'n, n ´fa man be.

Ezipt Lɔ Tulɛ'n 6:6

I sɔ'n ti, n ´kan kle wɔ kɛ a `se be kɛ: ‹N ti Anannganman, n wa yo man amun ´nyan amún ti junman kekleekle nga Eziptfuɛ'm be mian amun kɛ amun di'n be nun. Min tinmin dan bɔ sran kwla jrɛn-mɛn i nyrun'n ti'n, m ´bu be fɔ, kpɛkuun n ´de amun.

Ezekiɛl 20:15

Aawlɛ flɛnnɛn nun lɔ'n, m bɔbɔ min ekun yɛ n tali be nda kɛ n fa-man be n kɔ-man mɛn klanman nga min waan n ´fa man be i nun lɔ kun nin-ɔn. Mɛn sɔ'n i nun lɔ asiɛ'n ɔ yo like ye kpa, yɛ i kunngba'n ɔ ti nnɛn tawlɛ klanman. Mɛn sɔ'n i klanman tra mɛn'm be kwlaa.

Ezekiɛl 20:23

Aawlɛ flɛnnɛn'n nun lɔ'n, m bɔbɔ n kunngba'n n tali nda kɛ n ´yo man be bo sanndi mɛn wie'm bɔ be si-man nun be nun.

Ezekiɛl 20:28

Mɛn nga n tali be nda kɛ n ´fa man be'n, n fa be n ɔli nun. Be fali bé nyin bloli kpɔlɛ fleiin nin waka nga be lɛ nnya wuya'm bé su. Lɛ yɛ be yili be tɛ mun-ɔn, lɛ yɛ be kunnin min ya ɔ nin ble annzɛ like ng'ɔ ti kɛ ble sa bɔ be fa yi sraka'n, ɔ nin be tɛ'm bɔ be bɔn fannin'n, ɔ nin be nzan'm bɔ be gua be ase mun-ɔn.

Ezekiɛl 20:42

Blɛ bɔ n ko fa amun'n ko sa amun sin Izraɛl asiɛ'n su, mɛn nga n tali amun nannan'm be nda kɛ n ´fa man amun'n, i nun lɔ amun wa si jrɛiin kɛ min yɛ n ti Anannganman nin-ɔn.

Ezekiɛl 36:7

I sɔ'n ti, ndɛ nga min Anannganman Nyanmiɛn n kɛn i kpongbogbo'n yɛ. M man n sa su n ta nda. Nanwlɛ, nvle nga be sin yia amun yɛ'm be yɛ nyannzuɛn dan'n ɔ ´kun be-ɔ.

Ezekiɛl 47:14

Amun ´cɛ lika'n nun sɛsɛ, afin n tali nda kɛ n ´fa Izraɛl mɛn'n m man amun nannan mun. I sɔ'n ti lika'n wa yo amun liɛ.

Kalɛ 10:29

Moiz kannin ndɛ kleli Ɔbab b'ɔ ti Moiz i sia Reiɛl i wa yasua'n. Reiɛl ti Madianfuɛ. Moiz seli Ɔbab kɛ yoo: «Lika nga bɔ Anannganman seli kɛ ɔ ´fa man ye'n, i nun yɛ e su kɔ lɛ. Bla man e wɔ, e ´yo wɔ kpa, afin Anannganman kannin kɛ ɔ wa yo Izraɛlfuɛ'm be kpa.»

Kalɛ 11:12

?Min yɛ n wunnzɛli nvle nga nunfuɛ mun-ɔn? ?Min yɛ n wuli be-ɔ? ?Nguɛ ti yɛ ɔ waan n `ju be kɛ bla ta b'ɔ ju i wa nɔnman'n sa, nan n `fa be n wɔ mɛn nga a seli be nannan'm be kɛ a ´fa man be'n i nun nin-ɔn?

Kalɛ 14:30

amún ja sa su tia-man mɛn nga n seli amun kɛ amun ´tran nun'n i nun wie . San Zɛfine i wa Kalɛb nin Nɛn i wa Zozie be ngunmin yɛ be ´ju lɔ-ɔ.

Kalɛ 23:19

Nán klɔ sran yɛlɛ Nyanmiɛn nan ɔ'a bua ato. Nán bla yɛ ɔ wuli i nan ɔ'a kaci aniɛn. ?Ndɛ ng'ɔ kan'n, ɔ su yo-mɛn i nuan sa? ?Like nga i waan ɔ ´yo'n, ɔ su yo-man?

Mmla'n 32:40

M man mín sa'n su nglo yɛ n se kɛ: N wo nguan nun tititi.

Mmla'n 4:31

Afin Anannganman amun Nyanmiɛn'n ti Nyanmiɛn kun b'ɔ si aunnvuɛ dan kpa. Ɔ su yi-man amun ase le. Ɔ su nunnun-man amun le. I wla su fi-man aenguɛ ng'ɔ nin amun nannan mun be trali'n su, ɔ tali su nda.

Zozie 24:13

N fali mɛn kun bɔ amu'an kle-man amún wun yalɛ b'a di-man nun junman'n ɔ nin klɔ bɔ nán amun yɛ amun kplannin'n n fa mannin amun kɛ amun `tran nun. Vinyi fie ɔ nin olivie bɔ nán amun yɛ amun tali'n, n fa mannin amun kɛ amun `di bé su mma mun.› »

Sa nglô yile 10:6

Ɔ seli kɛ: «N kan Nyanmiɛn b'ɔ ti anannganman'n, b'ɔ yili nyanmiɛn su lɔ'n nin ninnge nga be o lɔ'n be kwlaa, nin asiɛ'n nin ninnge nga be o su'n be kwlaa'n, nin jenvie'n nin ninnge nga be o nun'n be kwlaa'n, kɛ sɛ be minndɛ ekun'n, wuun nán min-ɔn!»

1 Samiɛl 15:29

Anannganman bɔ i yɛ man Izraɛl nyrun ba nyan'n, ɔ ti-man sran kɛ e sa nan se kɛ ɔ ´kan ndɛ kun kpɛkuun ɔ ´sɛ i sin ´se kɛ nɛ́n i-ɔ.»