Ezipt Lɔ Tulɛ'n 6:6 - NYANMIƐN NDƐ'N 1998

⁶ I sɔ'n ti, n ´kan kle wɔ kɛ a `se be kɛ: ‹N ti Anannganman, n wa yo man amun ´nyan amún ti junman kekleekle nga Eziptfuɛ'm be mian amun kɛ amun di'n be nun. Min tinmin dan bɔ sran kwla jrɛn-mɛn i nyrun'n ti'n, m ´bu be fɔ, kpɛkuun n ´de amun.

Ezipt Lɔ Tulɛ'n 6:6 ပူးပေါင်းရင်းမြစ်များ

2 Famiɛn Mun 17:36

Amun nyin `yi min kunngba, amun `koto min kunngba min bo, amun `yi sraka man min kunngba. Afin min yɛ n ko fali amun Ezipt lɔ n bali-ɔ. Min wunmiɛn'n, nin min tinmin bɔ like fi kwla jrɛn-mɛn i nyrun'n be ti yɛ n kwlaa n ko fali amun m bali-ɔ.

1 Be Nyoliɛ 17:21

Nvle fi nun-man lɛ bɔ be kwla fa sunnzun Izraɛl-ɔ. Izraɛl kunngba yɛ a ko deli i, yɛ a fa yoli ɔ nvle-ɔ. A yoli sa dandan mun nin sa sroesroe mun, ɔ man ɔ dunman'n fuli. Ɔ sran bɔ a deli be Ezipt lɔ'n be ti a fuannin mɛn wie nun sran mun.

Neemi 1:10

Be ti ɔ sufuɛ mun, be ti ɔ nvle i nunfuɛ mun. Ɔ kwlalɛ bɔ a kwla'n ɔ nin ɔ tinmin dan'n yɛ man a deli be-ɔ.

Jue Mun 77:16

Ɔ fanngan'n ti a deli ɔ nvle'n bɔ yɛlɛ Zakɔb nin Zozɛf be osu'n.

Jue Mun 81:11

N ti Anannganman amun Nyanmiɛn. Min yɛ n ko fali amun Ezipt lɔ m bali-ɔ. Like kwlaa ng'ɔ mian amún sa'n, amun `kan kle min, n ´fa man amun.

Jue Mun 81:6

Kɛ Nyanmiɛn nin Eziptfuɛ mun be nyɛnnin i wieli'n yɛ ɔ sieli mmla sɔ'n mannin Zozɛf i osu'n nunfuɛ mun-ɔn. Be kan ndɛ kun n ti, sanngɛ n si-man sran ng'ɔ kan'n. Ɔ se min kɛ:

Jue Mun 81:7

«M'an sike ɔ wati su trɔ'n m'an jin, yɛ ɔ sa'm b'a yaci gbogbo dan'n i nun tralɛ.

Ezipt Lɔ Tulɛ'n 1:11

Eziptfuɛ'm be sieli Izraɛlfuɛ'm be su junman kpɛnngbɛn mun. Be waan be `man Izraɛlfuɛ'm be junman kekle man be di. Kɛ be yoli sɔ yɛ be fa kplannin Pitɔm nin Ramsɛs b'ɔ be ti Ezipt famiɛn'n i ninnge siewlɛ klɔ mun-ɔn.

Ezipt Lɔ Tulɛ'n 12:41

Kɛ afuɛ ya nnan afuɛ ablasan'n wieli'n, cɛn kasiɛn'n su sɛsɛ'n, Anannganman i sran'm be tuli Ezipt lɔ. Be ´kɔ'n, be lɔngɔ su sɛsɛsɛ kɛ sonja mun sa.

Ezipt Lɔ Tulɛ'n 12:51

Cɛn sɔ nun'n, Anannganman yoli man Izraɛlfuɛ'm be tuli Ezipt lɔ. Be kɔ'n be lɔngɔ su sɛsɛsɛ kɛ sonja'm be sa.

Ezipt Lɔ Tulɛ'n 13:14

Sɛ cɛn kun amun mma'm be usa amun kɛ: ‹?Ɔ yo sɛ ti yɛ be yo sa nga-a?› Amun `tɛ bé su kɛ: ‹Anannganman i tinmin bɔ be jrɛn i nyrun-ɔn, ɔ yo-man ye'n ti ɔ fali e Ezipt lɔ bali. Kɛ ɔ ´yo sɔ'n, wuun e o kanga nun.

Ezipt Lɔ Tulɛ'n 13:16

Tɛ sɔ'n bɔ amun ´yi'n, ɔ ´yo amún wla kpɛnlɛ like kɛ amún sa i su annzɛ amun ngban su nzɔliɛ wie sa. Man ɔ kpɛn amún wla kɛ Anannganman i tinmin bɔ be jrɛn i nyrun-ɔn yo-man ye ti'n, ɔ fali e Ezipt lɔ bali.»

Ezipt Lɔ Tulɛ'n 13:3

Moiz seli nvlefuɛ'm be kɛ: «Man amún wla kpɛn cɛn nga su, afin cɛn sɔ'n nun yɛ Anannganman i tinmin dan bɔ sran fi kwla jrɛn-mɛn i nyrun'n ti ɔ fali amun Ezipt lɔ bali nin-ɔn. Kɛ ɔ ´yo sɔ'n, wuun amun tɛ o kanga'n nun. Kɛ amun ´di cɛn sɔ'n, nán amun di kpaun bɔ kpaun ayre o nun'n.

Ezipt Lɔ Tulɛ'n 15:13

A deli ɔ sran mun wɔ aunnvuɛ silɛ dan'n ti, ɔ nin ɔ tinmin bɔ a lɛ i'n ti. A su tinngɛ be nan a ´fa be kɔ mɛn ng'ɔ ti ɔ liɛ klonglo'n, bɔ a kan kleli be kɛ a ´fa man be'n i nun lɔ.

Ezipt Lɔ Tulɛ'n 16:6

Moiz nin Aarɔn be seli Izraɛlfuɛ'm be kwlaa be kɛ: «Ndɛ nnɔsua amun wa wun i wlɛ kɛ Anannganman yɛ ɔ fali amun Ezipt lɔ bali-ɔ.

Ezipt Lɔ Tulɛ'n 18:1

Moiz i sia Zetro b'ɔ ti sraka yifuɛ Madian lɔ'n tili junman nga Anannganman Nyanmiɛn'n dili mannin Moiz nin Izraɛl b'ɔ ti i nvle'n be ndɛ'n. Ɔ tili i kɛ Anannganman fali Izraɛlfuɛ mun Ezipt lɔ bali.

Ezipt Lɔ Tulɛ'n 2:11

Kɛ Moiz yoli kpɛnngbɛn'n, le kun ɔ ɔli i niaan Ebre'm bé wun lɔ. Ɔ wunnin plɔtrɔ junman nga be fa mian be kɛ be di'n. Ɔ wunnin Eziptfuɛ kun b'ɔ su bo i niaan Ebre'm be nun kun.

Ezipt Lɔ Tulɛ'n 3:17

I sɔ'n ti, i waan ɔ ´de amun Eziptfuɛ sɔ'm bɔ be kle amun nyrɛnnɛn'n bé sa nun, nan ɔ ´fa amun kɔ Kanaanfuɛ mun, nin Ɛtfuɛ mun, nin Amɔrfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ'm be mɛn liɛ'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman.›

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Ezipt Lɔ Tulɛ'n 32:11

Moiz sun flɛli Anannganman i Nyanmiɛn'n, ɔ seli i kɛ ɔ yaci ya, i waan: «?Anannganman, ɔ sran bɔ ɔ wunmiɛn nin ɔ tinmin bɔ like fi kwla jrɛn-mɛn i nyrun'n i ti yɛ a fali be bali'n, ɔ yo sɛ ti yɛ man ɔ waan ɔ ya'n jue bé su kɛ sin sa nin-ɔn?

Ezipt Lɔ Tulɛ'n 6:2

Nyanmiɛn seli Moiz ekun kɛ: «N ti ‹Anannganman›.

Ezipt Lɔ Tulɛ'n 6:29

ɔ seli i kɛ: «N ti Anannganman. Ko kan ndɛ nga n ´kan kle wɔ yɛ'n kwlaa kle Ezipt famiɛn'n.»

Ezipt Lɔ Tulɛ'n 6:8

N ´fa amun n ´kɔ mɛn nga n tali Abraam, nin Izaak, nin Zakɔb be nda kɛ n ´fa man be'n i nun lɔ. M bɔbɔ min Anannganman, n ´fa mɛn sɔ'n ´man amun.› »

Ezipt Lɔ Tulɛ'n 7:4

Famiɛn'n su sie-mɛn i su amún nuan bo. N wa yi min tinmin'n i nglo n ´fa kle Ezipt mɛn'n, n ´tu i nunfuɛ'm be fɔ. Kpɛkuun n ´fa Izraɛl b'ɔ ti min nvle'n n ´fa jaso Ezipt mɛn'n nun. Izraɛlfuɛ'm be ´kɔ nyanman su sɛsɛsɛ kɛ sonja mun sa.

Ezipt Lɔ Tulɛ'n 7:5

N ´yi n tinmin'n i nglo n kle Eziptfuɛ mun. N ´fa Izraɛlfuɛ mun Eziptfuɛ'm be afiɛn n ´fite. Yɛ Eziptfuɛ'm be wa wun i wlɛ weiin kɛ min yɛ n ti Anannganman nin-ɔn.»

Ezai 9:12

Sanngɛ sran'm be sa-man bé sin Anannganman b'ɔ tuli be fɔ'n i sin. Yɛ be kunndɛ fa-man bé wun mantan-man Anannganman b'ɔ sie mɛn wunmuan'n.

Ezai 9:17

Afin sa tɛ'n ɔ jue kɛ sin b'ɔ yra susrɛ mun nin owie mun'n sa. Sin sɔ'n, ɔ man bo'm be sɔ, yɛ sin wɛnsrɛn'n ɔ ´fu nyanmiɛn su lɔ lukuu.

Zeremi 21:5

M bɔbɔ min yɛ e nin amun e ´kun-ɔn. E nin amun e ´kun kekle kpa. N ´nian amún wun ya dan nga m'an fa'n su yɛ e nin amun e ´kun-ɔn.

Zeremi 27:5

I waan: ‹M bɔbɔ min yɛ n yili asiɛ'n nin sran mun, ɔ nin nnɛn nga be o asiɛ'n su mun-ɔn. Min fanngan nin min kwlalɛ'n be ti yɛ man n yili be-ɔ. Sɛ min waan n ´fa asiɛ'n m ´man sran wie'n, n su fa mɛn i n klun klo.

Zeremi 32:21

A yili atrɛ, a yoli abonuan sa mun. Izraɛl b'ɔ ti ɔ nvle'n, a fa fin Ezipt lɔ bali. Ɔ man be wun kɛ a ti dan nan like nga ɔ waan a ´yo'n, a kwlɛ i yo.

Ezekiɛl 20:33

Anannganman Nyanmiɛn wan yoo: Min nyin o su, min kwlalɛ bɔ n kwla'n yɛ n fa yo min ninnge mun-ɔn. N wa fa min ya dan'n n gua amun su, wafa nga n ´fa sie amun'n yɛ ɔ o lɛ-ɔ.

Sa nga bé yôli'n 13:17

Izraɛlfuɛ'm be Nyanmiɛn'n fa e nannan mun be ko trannin Ezipt mɛn'n nun. Kɛ be o lɔ'n, ɔ man be trɛli, kpɛkuun be nvle'n yoli dan. I sin ɔ deli be kekle su mɛn sɔ'n nun .

Mmla'n 11:2

Siɛn'n, nán ba kanngan nga be si-man sa nga Anannganman fa kleli amun'n, bɔ sa sɔ'm be ´ju-ɔ, b'a wun-man nun mun'n yɛ n kan ndɛ nga mun n kle be-ɔ, amun kpɛnngbɛn mun yɛ n kan man amun-ɔn. Amun liɛ'n, amun wunnin fɔ nga Anannganman amun Nyanmiɛn'n ɔ buli sran mun'n, amun wunnin kɛ Anannganman i dan'n fa ti ju'n, amun wunnin kɛ sran fi kwla jrɛn-mɛn i nyrun.

Mmla'n 15:15

Nán amún wla fi kɛ laa amun ti kanga Ezipt mɛn'n nun lɔ yɛ Anannganman amun Nyanmiɛn'n kpɔli amún ti-ɔ. I sɔ'n ti yɛ n fa ndɛ nga n fa sie amun nyrun ndɛkɛn nin-ɔn.

Mmla'n 26:8

Ɔ man Anannganman fali e Ezipt lɔ bali. Ɔ ´fa e ´ba'n, sran fi ɔ'a kwla jrɛn-mɛn i nyrun. Ɔ yoli sa sroesroe mun. Ɔ yoli abonuan sa mun. Ɔ yili atrɛ mun.

Mmla'n 4:23

I sɔ'n ti, amun `nian amún wun su kpa, nán amún wla fi aenguɛ nga Anannganman amun Nyanmiɛn'n nin amun trali'n su. Nán amun yo like wie b'ɔ ti kɛ like wie nzɔliɛ sa. Anannganman amun Nyanmiɛn'n ɔ tannin amun kɛ nán amun yo sɔ.

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.

Mmla'n 5:15

Nán ɔ́ wla fi kɛ a yoli kanga Ezipt mɛn'n nun lɔ yɛ min Anannganman ɔ Nyanmiɛn'n n fali wɔ lɔ n bali-ɔ. Afin sran fi kwla jran-man min nyrun. I sɔ'n ti yɛ min Anannganman ɔ Nyanmiɛn'n n waan a de wunmiɛn wunmiɛn-delɛ-cɛn'n nun nin-ɔn.

Mmla'n 6:12

Sanngɛ amun `nian amún wun kpa, nán amún wla fi Anannganman su. Afin i yɛ ɔ yili amun kanga'n nun fiteli Ezipt mɛn'n nun lɔ-ɔ.

Mmla'n 7:19

Kɛ Anannganman amun Nyanmiɛn'n ɔ ´yi amun Ezipt lɔ fite'n, amun wunnin nyrɛnnɛn sa dandan ng'ɔ fa yili Eziptfuɛ'm be su'n, amun wunnin atrɛ ng'ɔ yili be mun nin abonuan sa ng'ɔ yoli be mun'n, amun wunnin kɛ sran fi ɔ'a kwla jrɛn-mɛn i nyrun. Sa kunngba sɔ'm be yɛ Anannganman amun Nyanmiɛn'n ɔ wa fa yo nvle nga amun sro be yɛ'n be kwlakwla-a.

Mmla'n 7:8

Sanngɛ kɛ Anannganman klo amun'n ti'n, yɛ aenguɛ ng'ɔ nin amun nannan'm be trali'n i su bɔ i waan ɔ ´nian'n ti, ɔ yili amun Ezipt lɔ fiteli. Kɛ ɔ ´yo sɔ'n, wuun amun wo kanga nun, i tinmin bɔ be jrɛn i nyrun ɔ yo-man ye'n ti, ɔ deli amun Ezipt famiɛn'n i sa nun.

Mmla'n 9:29

Be ti ɔ sran mun, be ti ɔ liɛ. A fali be Ezipt lɔ bali, sran fi ɔ'a jran-man wɔ.»