Ezipt Lɔ Tulɛ'n 6:3 - NYANMIƐN NDƐ'N 1998

³ Laa, n yili min wun nglo n kleli Abraam, nin Izaak, nin Zakɔb. Min dunman nga n fa kleli be'n yɛlɛ ‹Nyanmiɛn b'ɔ kwla like kwlaa yo'n,› sanngɛ b'a si-man kɛ be flɛ min ekun kɛ: ‹Anannganman›.

Ezipt Lɔ Tulɛ'n 6:3 ပူးပေါင်းရင်းမြစ်များ

Bo Bolɛ 13:18

Abram tuli i nanmue'n bo ko trannin Mamre sɛni waka'm be bo lɔ Ebrɔn lika liɛ'n nun lɔ, nan ɔ'a kplan Nyanmiɛn i sɔwlɛ kun lɔ ɔ'a mɛn i.

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Bo Bolɛ 22:14

Abraam tɔnnin lika sɔ'n i dunman kɛ: «Anannganman bɔbɔ ´man.» I ti yɛ lele ndɛ nin ndɛ be ´kan ndɛ-ɔ, be se kɛ: «Oka'n su lɔ'n e Min'n bɔbɔ ´man» nin-ɔn.

Bo Bolɛ 28:3

Man Nyanmiɛn b'ɔ kwla like kwlaa yo'n ɔ jran ɔ sin, man ɔ man ɔ ba kpanngban, man ɔ osu'n trɛ dan kpa.

Bo Bolɛ 35:11

Nyanmiɛn seli i kɛ: «Nyanmiɛn b'ɔ kwla like kwlaa yo'n yɛlɛ min. Wu ba kaka man ɔ osu'n ɔ trɛ ɔ kaci nvle wunmuan kun. I kpa'n ɔ ´kaci nvle sunman. Wɔ anunman sɔ'm be wie ´yo famiɛn.

Bo Bolɛ 48:3

Kpɛkuun ɔ seli Zozɛf kɛ: «Nyanmiɛn b'ɔ kwla like kwlaa yo'n fiteli min nyrun Liz lɔ, Kanaan mɛn'n nun lɔ, ɔ bo muae klanman mannin min.»

Jue Mun 68:4

Sanngɛ sran nga Nyanmiɛn bu be sran kpa'n, man be klun jɔ, man be tu be kpɛn Nyanmiɛn nyrun, man be bo sro.

Jue Mun 83:18

Man bé nyin gua ase, man srɛ kun be sa tititi, man bé wla bo bé wun, man be yo kokloo!

Ezipt Lɔ Tulɛ'n 15:3

Anannganman ti alɛ kunfuɛ, ɔ ti safunyrɛn. I dunman'n yɛlɛ Anannganman.

Ezipt Lɔ Tulɛ'n 23:21

Amun `nian amún wun kpa man amún nyin yi i. Nán amun jaso i wun. Ɔ su yaci-man amún nyin kekle'n su cɛ-man amun, afin min yɛ n sunmɛn i-ɔ.

Ezipt Lɔ Tulɛ'n 3:14

Nyanmiɛn waan: «Min ti Nyanmiɛn bɔ n wo lɛ titi'n. Ndɛ nga a wa kan kle Izraɛlfuɛ mun'n yɛ: ‹Nyanmiɛn b'ɔ wo lɛ titi'n sunmannin min amún sin.› »

Ezai 42:8

N ti Anannganman, min dunman'n yɛ o lɛ-ɔ. N fa-man min nyrun bɔ n lɛ i'n m man-man sran, n fa man-man amuɛn mun.

Ezai 44:6

Anannganman b'ɔ ti Izraɛl famiɛn'n, b'ɔ kpɔli Izraɛlfuɛ'm bé ti'n, b'ɔ sie mɛn wunmuan'n, i waan: «Min yɛ n ti ninnge'm be kwlaa be klikli'n nin be kasiɛn nin-ɔn. Nyanmiɛn fi nun-man mín sin kun .

Zeremi 16:21

Anannganman waan: «I sɔ'n ti n wa kle be kɛ n lɛ kwlalɛ yɛ n kwla. Ɔ man be wa si kɛ min dunman'n yɛlɛ Anannganman.»

Zeremi 33:2

Anannganman b'ɔ yili ninnge mun bɔ i yɛ man be o lɛ'n, i bɔ be flɛ i Anannganman'n, i waan:

Ezekiɛl 20:5

Se be kɛ: ‹Anannganman Nyanmiɛn wan yoo: Cɛn nga bɔ n ´fa Izraɛl'n, m mannin mín sa su n tali nda kleli Zakɔb i osu nunfuɛ sɔ mun, n fali mín wun kleli be kɛ be o Ezipt lɔ'n. M mannin mín sa su n kleli be, n seli kɛ: Min ti Anannganman amun Nyanmiɛn.

Ezekiɛl 37:13

Min nvlefuɛ mun, blɛ bɔ n ´tike amun asieliɛ'm be su, bɔ n ´tu amun fuɛn mun'n, yɛ amun wa si jrɛiin kɛ min yɛ n ti Anannganman nin-ɔn.

Ezekiɛl 37:6

N ´yo man amun nyan ndin, n ´yo man amun ´nyan nnɛn, amun ´nyan wunnɛn kplo, m ´man amun wawɛ, amun ´nyan nguan yɛ amun wa si jrɛiin kɛ min yɛ n ti Anannganman nin-ɔn.»

Jean 8:58

Jésus seli be kɛ: «Nanwlɛ, kɛ be ´wu Abraam'n, wuun n wo lɛ .»

Sa nglô yile 1:4

Min Zan n ´klɛ fluwa nga blɛ amun asɔnun nso nga amun wo Azi mɛn'n nun'n. Man Nyanmiɛn b'ɔ o lɛ'n, b'ɔ o lɛ lalaa'n, b'ɔ ´ka lɛ'n, nin i wawɛ nso bɔ be wo i bia'n i nyrun lɛ'n, ɔ nin Jésus-Krist b'ɔ kan ndɛ nanwlɛ'n, b'ɔ ti Nyanmiɛn i Wa Kpɛn bɔ i yɛ ɔ yili cɛnlɛ'n, b'ɔ sie asiɛ'n su famiɛn mun'n, be man an nyan ye, yɛ man amún wun jɔ amun fɔuun ! Jésus-Krist sɔ'n klo ye, ɔ fɛ i wun yili é ti tɛ,

Rit I Wun Ndɛ 1:20

Yɛ Naomi waan: «Nán amun flɛ min Naomi , amun `flɛ min Mara , afin Nyanmiɛn b'ɔ kwla like kwlaa yo'n, ɔ'a wla min klunngbɔ.