Ezipt Lɔ Tulɛ'n 6:23 - NYANMIƐN NDƐ'N 1998

²³ Aarɔn jali Eliseba b'ɔ ti Aminadab i wa bla'n, b'ɔ i kunngba'n ɔ ti Naksɔn i niaan bla'n. Ɔ nin i be wuli ba nnan, be dunman mun yɛ: Nadab, Abii, Eleazar, Itamar.

Ezipt Lɔ Tulɛ'n 6:23 ပူးပေါင်းရင်းမြစ်များ

1 Be Nyoliɛ 2:10

Ram wuli Aminadab. Aminadab wuli Naksɔn bɔ i yɛ ɔ yoli Zida akpasua'n su kpɛnngbɛn'n.

1 Be Nyoliɛ 6:3

Keat i mma mun yɛlɛ Amram, nin Zizear, nin Ebrɔn, ɔ nin Iziɛl.

Ezipt Lɔ Tulɛ'n 24:1

Anannganman seli Moiz kɛ: «Fu mín sin oka'n su wa, a nin Aarɔn, nin Nadab, nin Abii, ɔ nin Izraɛl kpɛnngbɛn'm be nun ableso. Amun `jran mmua lɔ nan amun `koto mín bo.

Ezipt Lɔ Tulɛ'n 24:9

Kɛ ɔ yoli sɔ'n, Moiz, Aarɔn, Nadab, Abii yɛ Izraɛl kpɛnngbɛn ableso'm be fuli oka'n su lɔ.

Ezipt Lɔ Tulɛ'n 28:1

«Moiz, fa ɔ niaan bian Aarɔn nin i wa Nadab, nin Abii, nin Eleazar, ɔ nin Itamar man be bla ɔ́ wun wa. Sie be ngunmin man be di min nyrun jranlɛ junman'n.

Saun Yolɛ 10:12

Moiz seli Aarɔn nin i klun ba yasua nnyɔn'm bɔ bé nyin tɛ o su'n Eleazar nin Itamar be kɛ yoo: «Ble sanmlɛn mlɛnnɛnnɛn kpa nga be fa blɛli Anannganman'n, kɛ be ko fɛ i liɛ'n, i onga ng'ɔ ka'n, amun `fa nan amun `fa tɔn kpaun be `di. Kpaun sɔ'n, sɛ amun ´tɔn-ɔn nán amun gua nun kpaun ayre. Sɛ amun ´di kusu-ɔ amun `di i Nyanmiɛn i sɔwlɛ'n wun koko lɛ, afin i sɔ aliɛ liɛ'm be ti Anannganman liɛ mlɔnmlɔn.

Saun Yolɛ 10:6

Moiz wa seli Aarɔn nin i klun ba yasua nnyɔn uflɛ Eleazar nin Itamar be kɛ yoo: «Nán amun yaci amún ti ndrɛ'n lɛ man ɔ yo sukusuku, yɛ nán amun titi amún wun tralɛ'm be nun. Sɛ amun yo i sɔ-ɔ, wuun amun su kunndɛ amun bɔbɔ amun wie, yɛ amun su klɔklɔ Anannganman nan ɔ `fɛ i ya'n gua Izraɛlfuɛ'm bé su. Amun `yaci amun niaan mun ɔ nin Izraɛlfuɛ'm be nun man be sun be bɔ Anannganman fa sin kunnin be'n.

Kalɛ 1:7

Zida akpasua'n su'n, amun `fa Abinadab i wa yasua Naksɔn.

Kalɛ 2:3

Man Zida sonja'm be akpasua'm be ngblaliɛ liɛ'n ɔ tran wia afiliɛ lɔ. Man be tran sin yia be flanga'n. Man akpasua kunngun'm be su kpɛn kunngun'm be yɛ be yo be nga be kali be'n, bɔ be kwla di sonja'n bé su kpɛn nin-ɔn. Zida akpasua liɛ'n su'n, be fali Aminadab i wa yasua Naksɔn, ɔ sie sran akpi-akpi ableso-nin-nnan sran ya nsiɛn (74.600). Isakar akpasua liɛ'n su, be fali Ziar i wa yasua Nɛtaneɛl, ɔ sie sran akpi-akpi ablenun-nin-nnan sran ya nnan (54.400). Zabilɔn akpasua liɛ'n su'n, be fali Elɔn i wa yasua Eliab, ɔ sie sran akpi-akpi ablenun-nin-nso sran ya nnan (57.400).

Kalɛ 20:25

I sɔ'n ti wɔ Moiz, fa Aarɔn nin i wa Eleazar nan amun wɔ Ɔr oka'n i ti su lɔ.

Kalɛ 20:28

Moiz yili Aarɔn i wun Nyanmiɛn nyrun jranlɛ tralɛ'n, ɔ fa wlali i wa Eleazar wun. Oka'n ti su lɛ yɛ Aarɔn wuli-ɔ. Moiz nin Eleazar be fin oka'n su lɔ be jrali.

Matthieu 1:4

Ɛsrɔm wuli Aram, Aram wuli Aminadab, Aminadab wuli Naasɔn, Naasɔn wuli Salmɔn.

JÉSUS-CHRIST I DYASIN FE'N BO LUC KLELI'N 1:5

Erɔd b'ɔ ti Zide famiɛn'n i blɛ su Nyanmiɛn nyrun jranfuɛ kun o lɛ, be flɛ i kɛ Zakari, ɔ ti Nyanmiɛn nyrun jranfuɛ akpasua bɔ be flɛ i Abia'n, i nunfuɛ. Be flɛ i yi'n kɛ Elizabɛt, ɔ fin Aarɔn osu'n nun.

Zozie 24:33

Aarɔn i wa Eleazar kusu wuli i liɛ. Be sieli i kpɔlɛ nga be fa mɛnnin i wa Fine'n i su lɔ Efraim oka lika'n nun.