Ezipt Lɔ Tulɛ'n 6:20 - NYANMIƐN NDƐ'N 1998

²⁰ Amram jali i si i niaan bla Zokebɛd, ɔ nin i be wuli ba nnyɔn. Be yɛlɛ Aarɔn nin Moiz. Ɔ dili afuɛ ya afuɛ ablasan-nin-nso.

Ezipt Lɔ Tulɛ'n 6:20 ပူးပေါင်းရင်းမြစ်များ

1 Be Nyoliɛ 23:13

Amram wuli Aarɔn nin Moiz. Be sieli Aarɔn nin i osu'n nunfuɛ'm be kwlaa be ngunmin kɛ be `di junman Nyanmiɛn i sua'n i lika kpa tra su'n nun tititi, nan be yi sraka nga be yra ansans be man Anannganman'n, nan be su i, nan i sin be fɛ i dunman'n be yra sran'm be nguan.

Ezipt Lɔ Tulɛ'n 6:16

Levi i mma'm be nin be mma mun yɛ: Levi wuli ba nsan. Be yɛ: Gɛrsɔn, Keat, Mɛrari. Levi dili afuɛ ya afuɛ ablasan-nin-nso.

Ezipt Lɔ Tulɛ'n 6:18

Keat i mma mun yɛ: Amram, Zizear, Ebrɔn, yɛ Iziɛl. Keat dili afuɛ ya afuɛ ablasan-nin-nsan.

Kalɛ 26:58

Osu kanngan wie'm be o osu sɔ'm be nun. Osu kanngan sɔ mun yɛ: Libnifuɛ mun, Ebrɔnfuɛ mun, Maklifuɛ mun, Misifuɛ mun, Kɔrefuɛ mun. Amram i si'n yɛlɛ Keat.

Kalɛ 26:59

Amram jali Zokebɛd, Levi i wa bla bɔ be wuli i Ezipt lɔ nin-ɔn. Zokebɛd nin Amram be wuli Aarɔn nin Moiz yɛ be niaan bla Mari.

Kalɛ 3:1

I nun bɔ Anannganman ´kɛn i nuan su ndɛ kle Moiz Sinai oka'n su lɔ'n, wuun Aarɔn nin Moiz be awlo'n nunfuɛ nga be o lɛ'n be yɛ.

Zozie 21:4

Levi akpasua nga bé nannan yɛlɛ Keatfuɛ mun'n, be yɛ fɔtɔ'n dun mmua tɔli be su-ɔ. Be ti akpasua nnyɔn. Kɛ be tuli fɔtɔ'n, Nyanmiɛn nyrun jranfuɛ Aarɔn i mma'm be nyannin klɔ dandan blu-nin-nsan. Klɔ sɔ'm be o Zida nin Simeɔn, ɔ nin Bɛnzamɛn mun be lika liɛ nun.