Ezipt Lɔ Tulɛ'n 6:17 - NYANMIƐN NDƐ'N 1998

¹⁷ Gɛrsɔn i mma mun yɛ: Libni, yɛ Simɛi. Be yɛ be ti be akpasua su sran liɛ'm be kpɛnngbɛn mun-ɔn.

Ezipt Lɔ Tulɛ'n 6:17 ပူးပေါင်းရင်းမြစ်များ

Bo Bolɛ 46:11

Kun ekun yɛlɛ Levi. Levi wuli Gɛrsɔn, Keat, yɛ Mɛrari.

1 Be Nyoliɛ 23:7

Gɛrsɔm wuli Laɛdan nin Simɛi.

1 Be Nyoliɛ 6:17

be junman liɛ bɔ be di'n yɛlɛ jue tolɛ. Be to jue tannin sua'n nyrun lɛ tititi lele kwlaa nan Salomɔn ɔ'a kplan Zerizalɛm lɔ Nyanmiɛn i sua'n. Be niannin jue tolɛ'n su mmla nga be kpɛ mannin be'n i su yɛ be dili be junman nin-ɔn.

1 Be Nyoliɛ 6:29

Mɛrari akpasua'n sufuɛ'm be ti Eman nin Azaf be akpasua sufuɛ'm be niaan mun. Mɛrari nin i jue tofuɛ'm be tran Eman nin Azaf be jue tofuɛ'm bé sa bɛ su tititi. Etan yɛ ɔ ti bé su kpɛn nin-ɔn. Etan i si'n yɛlɛ Kisi, Kisi liɛ'n yɛlɛ Abdi, Abdi liɛ'n yɛlɛ Malik,

Kalɛ 3:18

Gɛrsɔn i wa Libni nin Simɛi yɛ be yoli akpasua nga be dunman o bé su'm be nannan mun-ɔn.

Zozie 21:6

Akpasua nga be afiliɛ yɛlɛ Gɛrsɔn'n, be nyannin klɔ dandan blu-nin-nsan. Klɔ sɔ'm be o Isakar, nin Azɛr, nin Nɛftali, ɔ nin Manase akpasua bue ng'ɔ o Bazan nvle'n nun lɔ'n be lika nun.