Ezipt Lɔ Tulɛ'n 6:12 - NYANMIƐN NDƐ'N 1998

¹² Moiz tɛli i su kɛ: «?Izraɛlfuɛ'm bɔbɔ b'a tie-man mín nuan ndɛ'n, yɛ famiɛn'n i li yɛ ɔ wa tie min bɔ n si-man ijɔ'n min ndɛ nin-ɔn?»

Ezipt Lɔ Tulɛ'n 6:12 ပူးပေါင်းရင်းမြစ်များ

Ezipt Lɔ Tulɛ'n 3:11

Moiz seli Nyanmiɛn kɛ: «?Wan yɛlɛ min bɔ n wɔ n ko to Ezipt famiɛn'n lɔ nan n `yo man Izraɛlfuɛ'm be tu Ezipt lɔ-ɔ?»

Ezipt Lɔ Tulɛ'n 3:13

Sanngɛ Moiz seli Nyanmiɛn kɛ: «Kɛ n wa ko to Izraɛlfuɛ'm be lɔ bɔ n ´se kɛ: ‹Amun nannan'm be Nyanmiɛn'n yɛ ɔ sunmannin min amún sin'n,› be wa usa min kɛ: ‹?Yɛ be flɛ i sɛ?› ?N ´tɛ be su sɛ?»

Ezipt Lɔ Tulɛ'n 4:1

Moiz seli Nyanmiɛn kɛ: «Nian, be su lafi-man min su, be su fa-man ndɛ nga n ´kan'n su. Be wa se min kɛ: ‹Anannganman ɔ'a yi-mɛn i wun nglo ɔ'a kle-man wɔ›.»

Ezipt Lɔ Tulɛ'n 4:10

Moiz seli Anannganman kɛ: «Min Min, n ´srɛ wɔ kpa ti-ɔ, n ti-man sran b'ɔ ti ijɔfuɛ-ɔ. N ti-man sran bɔ ijɔ nzra nun titi-ɔ, kɛ a nin min ijɔ yɛ'n bɔbɔ n tɛ o min osu'n nun. Mín nuan'n sin-man ndɛndɛ, min ijɔlɛ ti tankantankan.»

Ezipt Lɔ Tulɛ'n 6:13

Anannganman seli Moiz nin Aarɔn be kɛ be `san nun nan be wɔ be ko wun Izraɛlfuɛ mun nin Ezipt famiɛn'n be wun, kɛ ɔ ´yo nan Izraɛlfuɛ'm b'a jaso Ezipt lɔ'n ti.

Ezipt Lɔ Tulɛ'n 6:30

Yɛ Moiz tɛli Anannganman su kɛ: «Min yɛ n wo yɛ, n si-man ijɔ. ?N ´yo sɛ nan famiɛn'n ɔ'a ti min ndɛ nga n ´kan'n?»

Ezipt Lɔ Tulɛ'n 6:9

Moiz ko kannin ndɛ sɔ mun kleli Izraɛlfuɛ mun, sanngɛ afɛ b'ɔ o bé su'n ti'n, kanga junman dilɛ'n ti'n, b'a sie-man bé su i bo.

Ezai 6:5

Yɛ n seli kɛ: «M'an wu o! M'an mlin o, afin n ti sran kun bɔ min nuan bui'm be ti fiɛn, yɛ nvle'n bɔ n tran nun'n, i nun sran'm bé nuan bui'm be ti fiɛn, yɛ min nyinma ɔ'a wun Famiɛn'n, m'an wun Anannganman b'ɔ sie mɛn wunmuan'n.»

Zeremi 1:6

N tɛli su kɛ: «Ee min Min Anannganman, n ti bakan n si-man ijɔ .»

Zeremi 6:10

?Wan yɛ n ´kan ndɛ n ´kle i-ɔ? ?Wan yɛ n ´fa sa'n n ´sie i nyrun b'ɔ ´fɛ i su sie su-ɔ? B'a bu be sukpɔ nun waka. Ɔ man be sie bé su-ɔ ɔ yo-man ye. Be srisri. Anannganman i ndɛ'n, i tielɛ yo-man be fɛ kun.

Saun Yolɛ 26:41

Be ´wun sa ti bɔ n kacili mín sin n sili be'n, ɔ nin sa ti bɔ n kannin bé bo n ko guali be be kpɔfuɛ'm be nvle liɛ'n nun lɔ'n. Nyin kekle ajalɛ nga be tuli'n, be ´wun kɛ nɛ́n i-ɔ. Be ´koko be sa tɛ'n bɔ be yoli'n i ti, yɛ be sa tɛ sɔ'n i su sa'n, be ´kplin su kɛ be ´sua.

Sa nga bé yôli'n 7:51

Nyin keklefuɛ mun bɔ amun anwlɛn'n nin amún su'm be ti kɛ be bɔ be ti-man Zuif'm be liɛ'n sa, an kpalo Nyanmiɛn Wawɛ'n i ndɛ titi kɛ amun nannan'm be yoli'n sa .

Mmla'n 30:6

Anannganman amun Nyanmiɛn'n i bɔbɔ, ɔ ´yo man amun nin amun osu nunfuɛ mun amun anwlɛn'n ɔ ´yo kpa. Ɔ man amun wa klo i kpa, amun wa fa amun wla'n kwlaa guɛ i su, yɛ amun akunndan'n kwlaa wa trɛn i su, kpɛkuun amun ´tran nguan nun.