Ezipt Lɔ Tulɛ'n 6:11 - NYANMIƐN NDƐ'N 1998

¹¹ «Kɔ nan ko se Ezipt famiɛn'n kɛ ɔ yaci Izraɛlfuɛ'm be nun man be jaso i mɛn'n nun.»

Ezipt Lɔ Tulɛ'n 6:11 ပူးပေါင်းရင်းမြစ်များ

Ezipt Lɔ Tulɛ'n 3:10

Siɛn'n, n ´sunman wɔ Ezipt famiɛn'n i wun lɔ. Ko fa Izraɛlfuɛ'm bɔ be ti min sran mun, man be tu Ezipt mɛn'n nun lɔ .»

Ezipt Lɔ Tulɛ'n 4:22

I blɛ sɔ nun'n, se i kɛ: ‹Ndɛ nga Anannganman kan'n yɛ: Izraɛl nvle'n ti kɛ min wa yasua sa, min wa yasua klikli nin-ɔn.

Ezipt Lɔ Tulɛ'n 4:23

N seli wɔ kɛ a yaci i nun nan ɔ ko su min, sanngɛ a kplin-man su. I sɔ'n ti, n wa yo man ɔ klun ba yasua klikli'n ´wu.› »

Ezipt Lɔ Tulɛ'n 5:1

Kɛ ɔ yoli sɔ'n, Moiz nin Aarɔn be ko toli Ezipt famiɛn'n yɛ be seli i kɛ: «Ndɛ nga Anannganman b'ɔ ti Izraɛl Nyanmiɛn'n kan'n yɛ. I waan a yaci i sran'm be nun man be wɔ aawlɛ flɛnnɛn'n nun lɔ be ko di cɛn be mɛnmɛn i.»

Ezipt Lɔ Tulɛ'n 5:23

Kɛ ɔ fin cɛn bɔ n ko kannin ndɛ nga ɔ waan n kan kle famiɛn'n, yɛ ɔ sɔli Izraɛlfuɛ'm be nyrɛnnɛn klelɛ-ɔ. Ɔ kusu a o lɛ, a de-man ɔ nvle'n.»

Ezipt Lɔ Tulɛ'n 6:10

Anannganman seli Moiz ekun kɛ:

Ezipt Lɔ Tulɛ'n 6:29

ɔ seli i kɛ: «N ti Anannganman. Ko kan ndɛ nga n ´kan kle wɔ yɛ'n kwlaa kle Ezipt famiɛn'n.»

Ezipt Lɔ Tulɛ'n 7:1

Anannganman seli Moiz kɛ: «N wa yo man a ´yo kɛ Nyanmiɛn sa Ezipt famiɛn'n nyrun. Ɔ niaan bian Aarɔn yɛ ɔ ´ijɔ ɔ́ nuan-an.