Ezipt Lɔ Tulɛ'n 6:1 - NYANMIƐN NDƐ'N 1998

¹ Anannganman seli Moiz kɛ: «Blɛ li yɛ a wa wun like nga n wa fa yo Ezipt famiɛn nin-ɔn. N wa miɛn i kɛ ɔ `yaci Izraɛlfuɛ'm be nun man be wɔ. Kɛ n wa miɛn i'n, ɔ wa kan bé bo kɛ be jaso i mɛn'n nun bɔbɔ.»

Ezipt Lɔ Tulɛ'n 6:1 ပူးပေါင်းရင်းမြစ်များ

2 Famiɛn Mun 7:19

Yɛ sonja'n tɛli Nyanmiɛn sran'n su kɛ: «?Kannzɛ Anannganman kpɛ toklo nyanmiɛn'n su lɔ bɔbɔ'n, i sɔ like'n kwla yo?» Elize kusu tɛli i su kɛ: «Ɔ nyinma'n ɔ ´wun i, sanngɛ ɔ́ nuan su kɛn-mɛn i.»

2 Famiɛn Mun 7:2

Famiɛn'n i sonja'm bé su kpɛn ng'ɔ mantan famiɛn'n kpa'n, b'ɔ famiɛn'n kisɛ i sa su'n, tɛli Nyanmiɛn i sran'n su kɛ: «?Kannzɛ Anannganman kpɛ toklo nyanmiɛn su lɔ bɔbɔ'n, i sɔ like'n kwla yo?» Yɛ Elize seli i kɛ: «Ɔ nyinma'n ´wun i, sanngɛ ɔ́ nuan su kɛn-mɛn i.»

2 Be Nyoliɛ 20:17

Nán amun yɛ amun wa kun alɛ nga-a. Amun li amun ko jranjran, kpɛkuun amun ka amun osu nun lɛ, yɛ amun wa wun delɛ nga Anannganman ´de amun'n. Zidafuɛ mun nin Zerizalɛmfuɛ mun, nán amun sro, nán srɛ kun amun. Ainman'n, amun `ko bu be nyrun, Anannganman ´jran amún sin.› »

Jue Mun 12:5

Man ɔ nunnun be bɔ be se kɛ: «E si nga e ko kan nan y'a nyan kwlalɛ'n. E nuan waka'n wo lɛ. ?Wan cɛ yɛ ɔ kwla sie ye-ɔ?»

Jue Mun 12:6

Anannganman waan: «Yalɛfuɛ nga be kle be yalɛ'n, ɔ nin nyrɛnnɛn wunfuɛ nga be fɛfɛ'n, bé ti m'an jaso. Be bɔ be kankan be bo'n, n su ba be delɛ.»

Jue Mun 136:12

I lɛ nun'n, ɔ yili i wunmiɛn dan'n i nglo, afin i klun-ufue'n wo lɛ tititi.

Jue Mun 89:13

Wɔ yɛ a yili mɛn'n i ja ngua'n nin i nglo lɔ nin-ɔn. Tabɔr oka'n nin Ɛrmɔn oka'n be su tranfuɛ'm be bo sro be yi be aklunjuɛ'n i nglo kle wɔ.

Ezipt Lɔ Tulɛ'n 11:1

Anannganman seli Moiz kɛ: «N wa fa nyrɛnnɛn kasiɛn'n n ´fa yi i Ezipt famiɛn'n nin Eziptfuɛ'm be su. Kɛ ɔ yo sɔ'n, ɔ ´yaci amun nun amun ´kɔ. Ɔ ´fuan amun wa mlɔnmlɔn.

Ezipt Lɔ Tulɛ'n 12:31

Kɔnguɛ, famiɛn'n flɛli Moiz nin Aarɔn nan ɔ'a se be kɛ: «Amun `jaso min mɛn'n nun wa, amun nin Izraɛlfuɛ mun amun `wɔ, amun `wɔ be ko su Anannganman kɛ amun fa usali'n sa.

Ezipt Lɔ Tulɛ'n 12:33

Eziptfuɛ'm be buli i kɛ wuun be kwlaa be su wa wie wu, i sɔ'n ti, be suli Izraɛlfuɛ'm bé bo kɛ be jaso be mɛn'n nun.

Ezipt Lɔ Tulɛ'n 12:39

Ble sanmlɛn nga be nin i fin Ezipt lɔ bali'n, bɔ be boli i lɔ sanngɛ ɔ'a kwla wla-man'n, be fa tɔnnin kpaun paplaapla nga be gua-man nun kpaun ayre'n, afin be kannin bé bo Ezipt lɔ. Kɛ be balɛ'n yoli kplilɛ'n ti, b'a kwla nyan-man blɛ b'a minndɛ-man kɛ ble sanmlɛn'n wla ka. B'a kwla fa-man ndidiɛ ninnge b'a tra-man nun.

Ezipt Lɔ Tulɛ'n 13:14

Sɛ cɛn kun amun mma'm be usa amun kɛ: ‹?Ɔ yo sɛ ti yɛ be yo sa nga-a?› Amun `tɛ bé su kɛ: ‹Anannganman i tinmin bɔ be jrɛn i nyrun-ɔn, ɔ yo-man ye'n ti ɔ fali e Ezipt lɔ bali. Kɛ ɔ ´yo sɔ'n, wuun e o kanga nun.

Ezipt Lɔ Tulɛ'n 13:16

Tɛ sɔ'n bɔ amun ´yi'n, ɔ ´yo amún wla kpɛnlɛ like kɛ amún sa i su annzɛ amun ngban su nzɔliɛ wie sa. Man ɔ kpɛn amún wla kɛ Anannganman i tinmin bɔ be jrɛn i nyrun-ɔn yo-man ye ti'n, ɔ fali e Ezipt lɔ bali.»

Ezipt Lɔ Tulɛ'n 13:3

Moiz seli nvlefuɛ'm be kɛ: «Man amún wla kpɛn cɛn nga su, afin cɛn sɔ'n nun yɛ Anannganman i tinmin dan bɔ sran fi kwla jrɛn-mɛn i nyrun'n ti ɔ fali amun Ezipt lɔ bali nin-ɔn. Kɛ ɔ ´yo sɔ'n, wuun amun tɛ o kanga'n nun. Kɛ amun ´di cɛn sɔ'n, nán amun di kpaun bɔ kpaun ayre o nun'n.

Ezipt Lɔ Tulɛ'n 13:9

Cɛn sɔ'n wa yo amún wla kpɛnlɛ like kɛ amún sa'n i su annzɛ amun ngban su nzɔliɛ wie sa. Man ɔ kpɛn amún wla kɛ ɔ fata kɛ amun kan Anannganman i mmla'n i ndɛ. Afin i yɛ ɔ fali i tinmin bɔ be jrɛn i nyrun-ɔn ɔ yo-man ye'n, ɔ fali amun Ezipt lɔ bali.

Ezipt Lɔ Tulɛ'n 14:13

Moiz tɛli bé su kɛ: «Nán srɛ kun amun. Amun `jran kan amun o lɛ'n, an wa wun wafa nga Anannganman wa fa de amun ndɛ'n. Afin Eziptfuɛ nga amun wun be ndɛ yɛ'n, amun su wun-man be kun mlɔnmlɔn.

Ezipt Lɔ Tulɛ'n 15:6

Anannganman, ɔ́ sa fama'n lɛ wunmiɛn o! A bubuli ɔ kpɔfuɛ'm be nun sa kpokpokpo.

Ezipt Lɔ Tulɛ'n 7:4

Famiɛn'n su sie-mɛn i su amún nuan bo. N wa yi min tinmin'n i nglo n ´fa kle Ezipt mɛn'n, n ´tu i nunfuɛ'm be fɔ. Kpɛkuun n ´fa Izraɛl b'ɔ ti min nvle'n n ´fa jaso Ezipt mɛn'n nun. Izraɛlfuɛ'm be ´kɔ nyanman su sɛsɛsɛ kɛ sonja mun sa.

Ezipt Lɔ Tulɛ'n 7:5

N ´yi n tinmin'n i nglo n kle Eziptfuɛ mun. N ´fa Izraɛlfuɛ mun Eziptfuɛ'm be afiɛn n ´fite. Yɛ Eziptfuɛ'm be wa wun i wlɛ weiin kɛ min yɛ n ti Anannganman nin-ɔn.»

Ezai 63:12

Ɔ fɛli i sa b'ɔ yo nyɛnmɛn'n ɔ suannin Moiz i sa fama'n i bo. Ɔ kpacili nzue'n nun be nyrun, ɔ man ɔ nyannin dunman b'ɔ nunnun-man'n.

Kalɛ 11:23

Anannganman tɛli i su kɛ: «?A bu i kɛ wuun n su kwla-man ndɛ nga n kannin'n i yo? Tran lɛ nian, sɛ nga n kɛn i lɛ'n ɔ ´yo su o, sɛ kusu ɔ su yo-man su o .»

Kalɛ 23:23

Wunnzue nin bae ninnge'm be ti-man Izraɛlfuɛ'm be nyrun like fi. Kɛ i blɛ ko ju'n, be ´fa ninnge nga Nyanmiɛn yo'n mun `kle be.

Sa nga bé yôli'n 13:17

Izraɛlfuɛ'm be Nyanmiɛn'n fa e nannan mun be ko trannin Ezipt mɛn'n nun. Kɛ be o lɔ'n, ɔ man be trɛli, kpɛkuun be nvle'n yoli dan. I sin ɔ deli be kekle su mɛn sɔ'n nun .

Mmla'n 32:39

Siɛn'n, amun `nian, m bɔbɔ min kunngba cɛ yɛ n de sran-an ɔ yo ye-ɔ. Like wie fi nun-man lɛ, san min. M bɔbɔ min yɛ n yo man sran wu-ɔ. M bɔbɔ min yɛ n yo man sran nyan nguan-an. M bɔbɔ min yɛ n yo man sa yalɛ nyan sran-an. Min bɔbɔ min yɛ n yo man ɔ jaso i su-ɔ. Sran fi kwla de-man sran kun mín sa nun.

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.