Ezipt Lɔ Tulɛ'n 5:8 - NYANMIƐN NDƐ'N 1998

⁸ Sanngɛ amun `mian be man be kpɛ bliki nga be kpɛ titi'n i nuan su. Nán amun ti su. Be ti fuɛnfuɛ, i sɔ'n ti yɛ be waan be man be atin nan be ´ko yi tɛ man be Nyanmiɛn nin-ɔn.

Ezipt Lɔ Tulɛ'n 5:8 ပူးပေါင်းရင်းမြစ်များ

Jue Mun 106:41

Ɔ fali be mannin nvle uflɛ mun. Be nga be kpɔ be'n be yɛ be wa sieli be-ɔ.

Ezipt Lɔ Tulɛ'n 1:11

Eziptfuɛ'm be sieli Izraɛlfuɛ'm be su junman kpɛnngbɛn mun. Be waan be `man Izraɛlfuɛ'm be junman kekle man be di. Kɛ be yoli sɔ yɛ be fa kplannin Pitɔm nin Ramsɛs b'ɔ be ti Ezipt famiɛn'n i ninnge siewlɛ klɔ mun-ɔn.

Ezipt Lɔ Tulɛ'n 5:17

Ezipt famiɛn'n tɛli be su kɛ: «Amun ti fuɛnfuɛ, nanwlɛ, amun ti fuɛnfuɛ, i sɔ'n ti yɛ amun se kɛ: ‹E `wɔ nan e ko yi tɛ e man e Nyanmiɛn nin-ɔn!›

Ezipt Lɔ Tulɛ'n 5:19

Izraɛlfuɛ nga be ti junman'n su kpɛnngbɛn kanngan'm be wunnin kɛ be su kle be nyrɛnnɛn, afin be seli be kɛ: «Be ti-man bliki'n su, bliki nuan kunngba nga amun kpɛ laa'n i su yɛ amun `kpɛ-ɔ.»

Ezipt Lɔ Tulɛ'n 5:7

«Nán amun man Izraɛlfuɛ'm be ijre nga be fa kpɛ bliki'n kun kɛ laa'n sa, man be bɔbɔ be ko kunndɛ ijre'n.

Ezipt Lɔ Tulɛ'n 5:9

Amun `man be junman kekleekle mun. Kɛ junman'n ti be'n, be su nyan-man blɛ bu-man ato ndɛ nga'm be akunndan kun.»