Ezipt Lɔ Tulɛ'n 5:7 - NYANMIƐN NDƐ'N 1998

⁷ «Nán amun man Izraɛlfuɛ'm be ijre nga be fa kpɛ bliki'n kun kɛ laa'n sa, man be bɔbɔ be ko kunndɛ ijre'n.

Ezipt Lɔ Tulɛ'n 5:7 ပူးပေါင်းရင်းမြစ်များ

Bo Bolɛ 11:3

Be seli be wiengu kɛ: «Man e wɔ e ko kpɛ bliki e nyintɔn.» Yɛ bliki sɔ'n yoli kɛ be yɛbuɛ sa be fa kplannin sua, gudrɔn'n kusu yoli kɛ be laso sa.

Bo Bolɛ 24:25

Yɛ ɔ seli i ekun kɛ: «Ijre wafa-wafa nga nnɛn'm be di'n, be di-mɛn i yalɛ e lika lɔ. Lawlɛ kusu o lɔ.»

Ezipt Lɔ Tulɛ'n 5:6

Cɛn kunngba sɔ nun'n, Ezipt famiɛn'n wlali Eziptfuɛ nga be ti plɔtrɔ junman difuɛ'm bé su nianfuɛ mun, ɔ nin Izraɛlfuɛ nga be ti junman difuɛ sɔ'm bé su kpɛnngbɛn kanngan'm be su nun kpa, ɔ seli be kɛ:

Ezipt Lɔ Tulɛ'n 5:8

Sanngɛ amun `mian be man be kpɛ bliki nga be kpɛ titi'n i nuan su. Nán amun ti su. Be ti fuɛnfuɛ, i sɔ'n ti yɛ be waan be man be atin nan be ´ko yi tɛ man be Nyanmiɛn nin-ɔn.

Jɔlɛ Difuɛ Mun 19:19

Sanngɛ ijre nga nnɛn'm be ko di'n wo e sa nun, yɛ kusu min nin min yi nin min gbanflɛn'n e lɛ kpaun nga e ko di'n nin nzan nga e ´ko nɔn'n. Like fi mian-man ye.»