Ezipt Lɔ Tulɛ'n 5:6 - NYANMIƐN NDƐ'N 1998

⁶ Cɛn kunngba sɔ nun'n, Ezipt famiɛn'n wlali Eziptfuɛ nga be ti plɔtrɔ junman difuɛ'm bé su nianfuɛ mun, ɔ nin Izraɛlfuɛ nga be ti junman difuɛ sɔ'm bé su kpɛnngbɛn kanngan'm be su nun kpa, ɔ seli be kɛ:

Ezipt Lɔ Tulɛ'n 5:6 ပူးပေါင်းရင်းမြစ်များ

2 Be Nyoliɛ 26:11

Ozias lɛ sonja bɔ be kwla kun alɛ kpa. Be bubuli be nun akpasua-akpasua. Sran'm be dunman bɔ Zɛiɛl b'ɔ ti fluwa klɛfuɛ'n nin Maazeza b'ɔ ti famiɛn'n i ukafuɛ'n be klɛli'n, i su yɛ be niannin be siesieli sonja mun-ɔn. Yɛ Anania b'ɔ ti famiɛn'n i sonja'm be su kpɛn'm be nun kun'n, be fɛli i sieli be su.

Ezipt Lɔ Tulɛ'n 1:11

Eziptfuɛ'm be sieli Izraɛlfuɛ'm be su junman kpɛnngbɛn mun. Be waan be `man Izraɛlfuɛ'm be junman kekle man be di. Kɛ be yoli sɔ yɛ be fa kplannin Pitɔm nin Ramsɛs b'ɔ be ti Ezipt famiɛn'n i ninnge siewlɛ klɔ mun-ɔn.

Ezipt Lɔ Tulɛ'n 3:7

Anannganman seli i ekun kɛ: «N wunnin min sran nga be o Ezipt lɔ'n be nyrɛnnɛn nga be fa kle be'n. Kɛ be kle be nyrɛnnɛn'n, kpanlɛ nga be kpannin'n, n tili. N si afɛ ng'ɔ o be su'n.

Ezipt Lɔ Tulɛ'n 5:10

Eziptfuɛ nga be ti plɔtrɔ junman difuɛ'm be su nianfuɛ mun, be nin Izraɛlfuɛ nga be ti junman'n su kpɛnngbɛn kanngan'm be fin Ezipt famiɛn'n i awlo lɔ be ɔli Izraɛlfuɛ'm bé sin be ko seli be kɛ: «Ndɛ nga Ezipt famiɛn'n ɔ'a kan'n yɛ: ‹Be su man-man amun ijre kun.

Ezipt Lɔ Tulɛ'n 5:19

Izraɛlfuɛ nga be ti junman'n su kpɛnngbɛn kanngan'm be wunnin kɛ be su kle be nyrɛnnɛn, afin be seli be kɛ: «Be ti-man bliki'n su, bliki nuan kunngba nga amun kpɛ laa'n i su yɛ amun `kpɛ-ɔ.»

Ezipt Lɔ Tulɛ'n 5:7

«Nán amun man Izraɛlfuɛ'm be ijre nga be fa kpɛ bliki'n kun kɛ laa'n sa, man be bɔbɔ be ko kunndɛ ijre'n.

Nyanndra Mun 12:10

Klun-ufuefuɛ'n i nnɛn'm be ndɛ lo i. Klunwifuɛ'n i liɛ'n, like nga be flɛ i aunnvuɛ silɛ'n ɔ si-mɛn i .

Kalɛ 11:16

Anannganman seli Moiz kɛ: «Yia sran yasua ableso bɔ be ti Izraɛlfuɛ'm be nun kpɛnngbɛn bɔ be nian Izraɛl nvle'n su'n. Fa be kɔ tannin sua nga n yi min wun nglo nun'n i bo lɔ man be jran nglo ɔ nyrun lɛ.

Mmla'n 1:15

I ti nan m'an fa amun akpasua'm bé su kpɛnngbɛn mun, afin be ti ngwlɛlɛfuɛ, yɛ be bo be dunman kpa, nan m'an fa be m'an sie amún su kpɛnngbɛn. N fali wie mun n sieli sran akpi su kpɛn, n fali wie'm be kusu n sieli sran ya su kpɛn, n fali wie mun n sieli sran ablenun su kpɛn, yɛ n fali wie mun n sieli sran blu su kpɛn. Wie'm be kusu n sieli be amun akpasua kunngun'm bé su kɛ be `nian amun su.

Mmla'n 16:18

Klɔ nga Anannganman amun Nyanmiɛn'n fa man amun'n, amun `sie be kwlaa su jɔlɛ difuɛ mun, nin mmla su nianfuɛ mun amun akpasua kunngun'm bé su. Man be di sran'm be ndɛ mun nanwlɛ su.

Zozie 24:1

Zozie yiali Izraɛl akpasua'm be kwlakwla Sisɛm lɔ. Ɔ flɛli kpɛnngbɛn mun, nin jɔlɛ difuɛ mun, ɔ nin Izraɛl sonja'm be kpɛnngbɛn mun nan b'a ba Nyanmiɛn nyrun.

Zozie 24:4

N fali Zakɔb nin Ezau m mannin Izaak. Ezau i lika liɛ bɔ m mɛnnin i kɛ ɔ tran nun'n yɛlɛ Seir oka lika'n. Zakɔb nin i bo mma'm be ɔli be liɛ Ezipt.

Zozie 8:33

Izraɛlfuɛ be kwlaa nin be kpɛnngbɛn mun, be sunianfuɛ nin be jɔlɛ difuɛ mun, ɔ nin aofuɛ nga be o be afiɛn'n be jrannin Anannganman i alaka'n i bue nnyɔn'n su. Bé nyin ta Nyanmiɛn nyrun jranfuɛ nga be sua alaka'n. Izraɛlfuɛ'm be bue o Garizim oka'n i bo lɔ, yɛ be bue kusu o Ebal oka'n i bo lɔ. Moiz waan i sɔ yɛ be yo nan b'a yra Izraɛl nvle'n i nguan-an.