Ezipt Lɔ Tulɛ'n 5:22 - NYANMIƐN NDƐ'N 1998

²² Moiz sɛli i sin Anannganman wun lɔ, ɔ ko seli i kɛ: «?Ee Anannganman, ɔ yo sɛ ti yɛ a yo sran nga'm be tɛ nin-ɔn? ?Ɔ yo sɛ ti yɛ a sunmannin min-ɔn?

Ezipt Lɔ Tulɛ'n 5:22 ပူးပေါင်းရင်းမြစ်များ

1 Famiɛn Mun 19:10

Eli tɛli i su kɛ: «Anannganman, a ti mɛn wunmuan'n i Nyanmiɛn. Kɛ n klo wɔ'n, i ti n kwla suan-man sa nga Izraɛlfuɛ'm be yo'n i bo kun. Aenguɛ nga a nin be trali'n, b'a yi i ase, be bubuli wɔ sɔwlɛ mun, be kunnin ɔ nuan ijɔfuɛ mun. N kunngba bɔ m'an ka'n, be kunndɛ kɛ be ´kun min .»

1 Famiɛn Mun 19:4

I bɔbɔ ɔli aawlɛ flɛnnɛn'n nun lɔ, ɔ nantili cɛn kun. Yɛ ɔ ko trannin waka bɔ be flɛ i genɛ'n i kun bo-ɔ. Siɛn'n, like ng'ɔ kunndɛ'n yɛlɛ wie'n. I waan: «Anannganman, ɔ'a yo kpa sɔ. Fa min nguan'n. N ti-man kpa n tra-man mín si mun.»

Jue Mun 73:25

?Nyanmiɛn su lɔ'n, min ukafuɛ yɛlɛ wan, sɛ nán wɔ'n? ?Asiɛ'n su wa'n, nguɛ yɛ n kunndɛ i ekun-ɔn? Afin sɛ n klun ´jɔ-ɔ ɔ fin wɔ, a fa ɔ wun a man min.

Ezipt Lɔ Tulɛ'n 17:4

Moiz sun flɛli Anannganman kɛ: «?Nguɛ yɛ n ´yo m man sran nga mun-ɔn? Ɔ cɛ kan be ´toto min yɛbuɛ be ´kun min.»

Zeremi 12:1

Anannganman, a ti sɛsɛ ngboko. Kɛ e nin wɔ e `si akplowa'n, ɔ ti-man su. Sanngɛ n waan e nin wɔ e ´koko sa nga a yo i nuan su'n i wun yalɛ. Kɛ ajalɛ nga klunwifuɛ'm be tu'n ɔ yo ye man be'n, n wun-mɛn i wlɛ. Kɛ be nga be yaci wɔ atin'n lɛ be fa uflɛ'n be ti be tilɛ lɛ cɛ'n, n wun-mɛn i wlɛ.

Zeremi 20:7

Anannganman, a lakalakali min n fali su. A nyannin min, a kwlali min. Ɔ lɛ-man cɛn kun bɔ be srisri-man min-ɔn. Sran'm be kwlaa be srisri min.

Zeremi 4:10

Be ´se kɛ: «Aa! Anannganman Nyanmiɛn w'a se-man e kɛ: ‹Amún wun ´jɔ amun fɔun'n›, kannzu lakalɛ yɛ a lakali nvle nga nunfuɛ nin Zerizalɛmfuɛ mun-ɔn. ?Yɛ ɔ yo sɛ yɛ alɛ'n ɔ'a di ye mlɔnmlɔn sa-a?»

Abakik 2:3

Ndɛ nga n ´kan be n ´kle wɔ yɛ'n, be yolɛ blɛ nian ju-man. Kannzɛ ɔ cɛ lele-ɔ ɔ ´cɛ ngbɛn, san i blɛ sɔ'n ´ju le. Man i li cɛ bɔ lele, sanngɛ fa wɔ wla gua su. I kwlaa b'ɔ yoli o, san i sɔ sa liɛ'n ɔ ´tɔ, ɔ su sɛn-mɛn i wun .

Kalɛ 11:11

Moiz seli Anannganman kɛ: «?Nguɛ ti yɛ a yo min sɔ-ɔ, Anannganman? ?Nguɛ ti yɛ ɔ waan a yo-man min ye nin-ɔn? ?Ɔ yo sɛ ti yɛ a fali nvle nga i nyrun mmua dunlɛ b'ɔ ti kɛ trɔ sa'n a fa sieli mín ti su-ɔ?

Zozie 7:7

Yɛ Zozie waan: «Ee! Anannganman, min Min! ?A kunndɛ kɛ a ´fa e wlɛ Amɔrfuɛ'm bé sa nun nan be kun ye? Aa! Sɛ e si sɔ'n, wuun e kali nzue'n sin lɔ!

1 Samiɛl 30:6

David i wla ɔ boli i wun dan, afin sran'm be su kan kɛ be ´kun i yɛbuɛ nun. Afin sran'm be kwlakwla be fali ya be mma yasua nin be mma bla mun be liɛ'n ti, sanngɛ kɛ David fɛ i wla guɛli Anannganman i Nyanmiɛn'n su'n ti'n, Anannganman kusu wlɛli i fanngan.