Ezipt Lɔ Tulɛ'n 5:21 - NYANMIƐN NDƐ'N 1998

²¹ Yɛ be seli be kɛ: «Man Nyanmiɛn wun nga amun yoli i lɛ'n, nan ɔ `bu amun fɔ. Amun ti'n, famiɛn'n nin i mantanfuɛ'm b'a kpɔ ye. Amu'an man be tokofi kɛ be fa kun ye.»

Ezipt Lɔ Tulɛ'n 5:21 ပူးပေါင်းရင်းမြစ်များ

Bo Bolɛ 16:5

Yɛ Sarai seli Abram kɛ: «Fiaan nga be ´yo min lɛ'n, e sran nnyɔn'n yɛ be ´yo e lɛ-ɔ. M bɔbɔ min yɛ n fali min afanniɛn bla'n m mannin wɔ kɛ amun si sua nan ɔ `wunnzɛ-ɔ, kpɛkuun ɔ bu-man min like fi kun. Man Anannganman bɔbɔ di e nin wɔ e sran nnyɔn'n ye afiɛn jɔlɛ.»

Bo Bolɛ 31:53

Man Abraam nin Nakɔr be Nyanmiɛn'n ɔ yo ye afiɛn ndɛ siesiefuɛ.» Yɛ Zakɔb fali Nyanmiɛn nga i si Izaak sro i'n i dunman'n tali nda-a.

Bo Bolɛ 34:30

Zakɔb seli Simeɔn nin Levi be kɛ: «Amun man m'an mian. Amun ti man mɛn nga nun sran mun, Kanaanfuɛ nin Ferezfuɛ mun bé nyin wa ci min. Mín sa nun sran'm be ti ba nnyɔn cɛ. Mɛn nga nun sran sɔ'm be wa ju gua mín wun, be ´kwla min, yɛ be ´nunnun min nin min awlofuɛ mun.»

2 Samiɛl 10:6

Kɛ Amɔnfuɛ'm be wunnin i kɛ b'a wɔ David safle'n, be fali sika be ko yiali Bɛt-Rɛɔb lɔ Sirifuɛ mun, ɔ nin Sɔba lɔ Sirifuɛ'm be sonja akpi-akpi ablaɔn (20.000), ɔ nin Maaka famiɛn'n i sonja akpi, ɔ nin Tɔbfuɛ'm be sonja akpi-akpi blu-nin-nnyɔn (12.000).

1 Be Nyoliɛ 19:6

Kɛ Anɛn nin Amɔnfuɛ'm be wunnin i kɛ b'a wɔ David i safle'n, be yili sika. Kɛ be sunnzun sika sɔ'n, i nɔnnin-nɔnnin'n ju tɔnun ablasan. Be fa ko yiali Mezopotami, nin Maaka, ɔ nin Zɔba lɔ Sirifuɛ nga be fu nnɛn kpanngɔ'n be wie, yɛ be fali sika sɔ'n wie srɛli kakaklolo mun, Sirifuɛ'm bé sa nun ekun.

Ezipt Lɔ Tulɛ'n 14:11

Yɛ be seli Moiz kɛ: «?Asieliɛ nun-man Ezipt lɔ-ɔ? ?Nzu ti yɛ a fali ye bali aawlɛ flɛnnɛn'n nun wa kɛ e wa wu-ɔ? ?Nzu like yɛlɛ nga a yoli e yɛ'n, bɔ a fali e Ezipt lɔ bali-ɔ?

Ezipt Lɔ Tulɛ'n 15:24

Nzrafuɛ'm be trikili Moiz su, be seli i kɛ: «?Nzu yɛ e ´nɔn-ɔn?»

Ezipt Lɔ Tulɛ'n 16:2

Aawlɛ sɔ'n nun lɛ'n, Izraɛlfuɛ'm be wa plannin Moiz nin Aarɔn bé su.

Ezipt Lɔ Tulɛ'n 4:31

Kpɛkuun sran'm be lafili su, be wunnin i wlɛ kɛ Anannganman wunnin bé su afɛ'n, nan i waan ɔ ´yi i wun nglo nan ɔ ´de be. Be kotoli nan b'a su i.

Ezipt Lɔ Tulɛ'n 5:20

Kɛ be fin famiɛn'n i lika lɔ be ´fite'n, be toli Moiz nin Aarɔn gua su lɛ, be su minndɛ be.

Ezipt Lɔ Tulɛ'n 6:9

Moiz ko kannin ndɛ sɔ mun kleli Izraɛlfuɛ mun, sanngɛ afɛ b'ɔ o bé su'n ti'n, kanga junman dilɛ'n ti'n, b'a sie-man bé su i bo.

Akunndanfuɛ'n 10:1

Kɛ ngɔnsiɛn'n fa tɔ parfɛn yofuɛ'n i ngo'n nun bɔ parfɛn sɔ'n ɔ kplɔ b'ɔ saci i'n, i kunngba nin-ɔn, sinnzin kaan sa kwla saci sran ngwlɛlɛfuɛ'n i ngwlɛlɛ'n kpɛkuun ngwlɛlɛfuɛ sɔ'n i wun sa saci.

Ezai 30:6

Mɛn i ngua lɔ nnɛn'm bé wun ndɛ. B'a fa anyanbeun ninnge mun b'a sua aflunmun mun, b'a fa ninnge kpakpa mun b'a sua nyɔnngɔnmɛn mun, be su fa ko man sran'm bɔ be su kwla uka-man be'n. Nyrɛnnɛn, nin awlaboɛ lika'n, b'ɔ ti asɔmɔli bla, nin asɔmɔli yasua, nin ɔnda, ɔ nin dragɔn ng'ɔ tu'n be lika'n, lɛ yɛ be sin-ɔn.

Zoɛl 2:20

Amun kpɔfuɛ nga be fin mɛn'n i nglo lɔ be bali'n, n ´fuan be. N ´kankan be bo ´kɔ mmua, be ´kɔ aawlɛ flɛnnɛn'n i wun lɔ. Be nga be dun mmua be nyrun'n, n ´su be n ´guɛ i jenvie ng'ɔ ti njin nzue klakla'n nun. Be nga be o siɛn'n, n ´su be n ´guɛ i jenvie bɔ be flɛ i Mediterane'n nun. Be fuɛn'm be ´bɔn tɛ, be bɔnlɛ'n ɔ ´de lika'n kwlaa.» Be nga be kleli amun nyrɛnnɛn'n, kɛ be awieliɛ'n ɔ ´wie be kɛ nga sa .

Kalɛ 14:22

Be kwlaa nga be wunnin min anyrunnyan'n nin min atrɛ nga n yili be Ezipt lɔ'n nin aawlɛ flɛnnɛn'n nun lɔ'n, bɔ b'a dun mmua b'a klɔklɔ min kpɛ blu'n, bɔ bé nyin a yi-man min'n,

Kalɛ 14:3

?Ɔ yo sɛ ti yɛ man Anannganman waan ɔ ´fa e ´kɔ mɛn sɔ'n nun lɔ nan alɛ ko di ye nan é yi nin e mma kanngan mun e ko kaci alɛ nnɛn nin-ɔn? ?Sɛ e sa é sin Ezipt lɔ bɔbɔ'n, ɔ flunman-man? »

1 Samiɛl 13:4

Izraɛlfuɛ'm be kwlakwla be tili i kɛ Sail kunnin Filistifuɛ'm be siefuɛ'n nan Filistifuɛ'm be nin Izraɛl b'a nyɛn. Yɛ Izraɛl sonja'm be kwlakwla be yiali Sail wun Gilgal lɔ-ɔ.

1 Samiɛl 27:12

Blɛ kwlaa nga David dili i Filistifuɛ'm be nvle'n nun lɔ'n, kɛ ɔ yoli sɔ tititi-ɔ. Akis kusu lafi-mɛn i su ngowa. Ɔ se i klun lɔ kɛ: «David ɔ'a klɔklɔ Izraɛlfuɛ'm bɔ be ti i nvlefuɛ mun'n, nga, ɔ wa yo min akua titi.»