Ezipt Lɔ Tulɛ'n 5:2 - NYANMIƐN NDƐ'N 1998

² Ezipt famiɛn'n tɛli bé su kɛ: «?Wan yɛlɛ Anannganman bɔ mín nyin ko yi i bɔ i ti yɛ m man Izraɛlfuɛ'm be atin kɛ be wɔ-ɔ? N si-man Anannganman, yɛ n su man-man amun atin kɛ amun wɔ.»

Ezipt Lɔ Tulɛ'n 5:2 ပူးပေါင်းရင်းမြစ်များ

2 Famiɛn Mun 18:35

?Amuɛn sɔ'm be nun onin cɛ yɛ ɔ kwla deli i mɛn'n mín sa nun-ɔn? ?Yɛ Anannganman'n ´yo sɛ yɛ ɔ ´kwla de Zerizalɛm'n min sa nun-ɔn?› »

2 Be Nyoliɛ 32:14

Mɛnmɛn nga min nannan'm be sacili be'n, be nun kun sa nun amuɛn'm b'a kwla de-man mɛn sɔ'n i nunfuɛ mun. ?Yɛ ɔ ´yo sɛ cɛ yɛ amun Nyanmiɛn'n ɔ ´kwla de amun mín sa nun-ɔn?

2 Be Nyoliɛ 32:15

I sɔ'n ti, nán amun yaci Ezekias lɛ man ɔ laka amun, nán man ɔ to amun gblɛ. Nán amun fa amun wla guɛ i su, afin nvle nin mɛn wie fi be nun amuɛn'm b'a kwla de-man be nunfuɛ mun mín sa nun annzɛ min nannan'm bé sa nun. Ɔ man Nyanmiɛn'n su kwla de-man amun mín sa nun kusu.› »

2 Be Nyoliɛ 32:19

Be kannin Zerizalɛm Nyanmiɛn'n wun ndɛ. Nyanmiɛn'n yɛ be blɔli i sɔ-ɔ. Be ´kɛn i wun ndɛ sa-a, a waan nvle kun'n nga'm be amuɛn'm bé wun ndɛ yɛ be su kan-an. Amuɛn sɔ'm be liɛ'n, sran yɛ ɔ yoli be-ɔ.

Neemi 9:10

A yili atrɛ sunman yɛ a yoli abonuan sa dandan Ezipt famiɛn'n, nin i mantanfuɛ mun, ɔ nin i mɛn nunfuɛ mun be ti, afin a wunnin kɛ be su yo e nannan'm be tɛtɛ. Ɔ dunman'n fuli, lele ndɛ ɔ tɛ fu.

Zɔb I Nyrɛnnɛn Wunlɛ 15:25

Afin sran sɔ'n ɔ kunndɛli Nyanmiɛn i utre. Ɔ wɔli Nyanmiɛn b'ɔ kwla like kwlaa yo'n i safle.

Zɔb I Nyrɛnnɛn Wunlɛ 15:26

Ɔ niɛn-mɛn i sin, ɔ wanndi kɔ kɛ ɔ nin Nyanmiɛn be ´ko kun. Ɔ lafi i nyrɛn dan'n su.

Zɔb I Nyrɛnnɛn Wunlɛ 21:15

?Wan li yɛ be flɛ i Nyanmiɛn b'ɔ kwla like kwlaa yo nin-ɔn, bɔ i ti yɛ e ko su i-ɔ? ?Sɛ e srɛ i'n, nguɛ yɛ e ´nyɛn i-ɔ?»

Jue Mun 10:4

Klunwifuɛ'n i klun akunndan'n i ngba'n yɛlɛ kɛ Nyanmiɛn nun-man lɛ. Ɔ tu i wun. Nyanmiɛn i ndɛ ti-mɛn i ndɛ.

Jue Mun 12:4

Man Anannganman nunnun be kwlaa nga be klo gblɛ kpɛlɛ'n nin be nga be ijɔ dandan'n.

Jue Mun 12:5

Man ɔ nunnun be bɔ be se kɛ: «E si nga e ko kan nan y'a nyan kwlalɛ'n. E nuan waka'n wo lɛ. ?Wan cɛ yɛ ɔ kwla sie ye-ɔ?»

Jue Mun 14:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan: Sinnglinfuɛ'n ɔ se i anwlɛn'n nun kɛ Nyanmiɛn nun-man lɛ. B'a saci mlɔnmlɔn, tete'n yɛ be bo-ɔ, be wie fi yo-man sa kpa .

Ezipt Lɔ Tulɛ'n 3:19

N si kɛ Ezipt famiɛn'n su man-man amun atin kɛ amun wɔ. San be ´miɛn i fii kpa.

Ezipt Lɔ Tulɛ'n 7:17

I sɔ'n ti Anannganman waan ɔ wa kle wɔ siɛn'n kɛ ɔ fa ti'n. Nian, n wa fa waka nga n fin Nil nzue'n i nyin su yɛ nzue'n wa kaci mmoja.

Nyanndra Mun 30:9

Sɛ n nyɛn i pɛ'n, ɔ cɛ-man nan mín wla'n ɔ'a tra wɔ su nan m'an se kɛ: ‹?Wan li yɛlɛ Anannganman?› Sɛ yalɛ'n kusu yɛ ɔ di min'n, ɔ cɛ-man nan m'an ko wua nan m'an gua ɔ i nyin ase .»

Zeremi 42:13

Nan sɛ amun se kɛ: ‹Cɛcɛ e su ka-man mɛn nga nun wa›, nan sɛ amu'an fa-man Anannganman b'ɔ ti amun Nyanmiɛn'n i ndɛ'n su'n,

Zeremi 48:26

«Sɛ Moab ti sran'n, wuun n ´se kɛ ɔ yoli i wun dandan. Ɔ yoli Anannganman'n finfin. Be `mɛn i nzan man ɔ nɔn bo nan ɔ `fi nan ɔ `la kondo i fiɛ'n nun nan be `yo i finfin wie .

Daniɛl 3:15

Siɛn'n, sɛ amun ti awɛ i bolɛ'n, nin blo nin sanngo'm be bolɛ'n, nin aluku nin kote'm be bolɛ'n, nin sɛkɛsɛkɛ nin ngowa ninnge uflɛ wie'm be tɛlɛ cɛ'n, amun `koto yɛ amun `utu amun nyin ase sika ɔkwlɛ sran bɔ n yoli'n i bo, nan amun `su i. Sɛ amu'an su-mɛn i'n, bé ja nun lɛ be ´fa amun to yi sin dan kpa kun nun. ?Amuɛn onin yɛ ɔ kwla de amun mín sa nun-ɔn?»

Jean 16:3

Be ´yo amun sɔ yɛlɛ kɛ be si-man min nin e Si'n.

Rɔmfuɛ Mun 1:28

Kɛ bé nyin kpali Nyanmiɛn su'n, i kusu yili i sa be su ɔ man akunndan tɛtɛ bali bé ti nun yɛ be yo sa b'ɔ ti-mɛn i su'n.

2 Tɛsalonikfuɛ Mun 1:8

Ɔ ´ba sin b'ɔ jue'n nun nan ɔ ´tu be nga be si-man Nyanmiɛn'n nin be nga be fa-man e Min Jésus i jasin fɛ'n su'n be fɔ.

Jɔlɛ Difuɛ Mun 2:10

Zozie i wiengu'm be wa wieli wu. Be sinfuɛ nga be wa jasoli su'n be si-man Anannganman. Be si-man sa ng'ɔ yoli mannin Izraɛl'n.

1 Samiɛl 2:12

Eli i mma'm be ti finfinfuɛ. Be bu-man Anannganman like fi.

1 Samiɛl 25:10

Kpɛkuun Nabal liɛ ng'ɔ ´fa tɛ bé su'n yɛlɛ kɛ: «?Wan yɛ be flɛ i David nin-ɔn? ?Wan yɛlɛ Izai i wa'n? Le nnyɔn nun kanga nga be wanndi bé si'm bé sa nun'n be di-man be yalɛ.