Ezipt Lɔ Tulɛ'n 5:16 - NYANMIƐN NDƐ'N 1998

¹⁶ Be kunndɛ-man ijre be man-man e kun, sanngɛ be waan bliki nga e kpɛ'n i nuan ju kɛ laa liɛ nga e kpɛ'n sa. Be bo e bɔbɔ. Nga be ´yo i lɛ'n, nɛ́n i su-ɔ.»

Ezipt Lɔ Tulɛ'n 5:16 ပူးပေါင်းရင်းမြစ်များ

Bo Bolɛ 11:3

Be seli be wiengu kɛ: «Man e wɔ e ko kpɛ bliki e nyintɔn.» Yɛ bliki sɔ'n yoli kɛ be yɛbuɛ sa be fa kplannin sua, gudrɔn'n kusu yoli kɛ be laso sa.

1 Famiɛn Mun 12:14

gbanflɛn'm be afɔtuɛ liɛ'n yɛ ɔ fali-ɔ. I waan: «Mín si sieli amun kɔmin'n su waka nɔnnin-nɔnnin. N waka liɛ nga n ´fa sie amun kɔmin su'n, ɔ ´yo nɔnnin trɛ i liɛ'n. Mín si fali ngble yɛ ɔ fa boli amun-ɔn. N liɛ'n, n ´fa ngble nga i ti'n ti blalɛ bɔ i nuan'n yo ya kpa'n yɛ n ´fa bo amun-ɔn.»

Ezipt Lɔ Tulɛ'n 5:15

Junman'n su kpɛnngbɛn kanngan sɔ'm be ɔli Ezipt famiɛn'n i wun lɔ, be ko seli i kɛ be klun jɔ-man. Be usɛli i kɛ: «?Nannan, nguɛ ti yɛ a yo e sɔ-ɔ?

Ezipt Lɔ Tulɛ'n 5:17

Ezipt famiɛn'n tɛli be su kɛ: «Amun ti fuɛnfuɛ, nanwlɛ, amun ti fuɛnfuɛ, i sɔ'n ti yɛ amun se kɛ: ‹E `wɔ nan e ko yi tɛ e man e Nyanmiɛn nin-ɔn!›

Akunndanfuɛ'n 4:1

Nyrɛnnɛn nga sran'm be kle be wiengu mun nyanmiɛn'n bo wa'n, m buli i akunndan. Be nga be wun nyrɛnnɛn'n, kannzɛ be ´kpan sɛ, be nyan-man sran b'ɔ ´fɔnvɔ be-ɔ. Afin be nga be kle sran'm be nyrɛnnɛn'n yɛ kwlalɛ'n wo bé sa nun-ɔn. Nyrɛnnɛn wunfuɛ'm be nyan-man sran b'ɔ ´fɔnvɔ be-ɔ.

Ezekiɛl 16:4

Kɛ be ´wu wɔ'n, cɛn nga be guali wɔ ase gblo'n, b'a kpɛ-man ɔ kotua, b'a wunnzin-man wɔ nan ɔ́ wun fiɛn'n ɔ'a wie, b'a fa-man njin b'a klikli-man ɔ́ wun, b'a fa-man tannin b'a cici-man ɔ́ wun.