Ezipt Lɔ Tulɛ'n 5:14 - NYANMIƐN NDƐ'N 1998

¹⁴ Eziptfuɛ nga be ti plɔtrɔ junman'n su nianfuɛ sɔ'm be bo Izraɛlfuɛ nga be fa be sieli i junman'n su kpɛnngbɛn kanngan mun bɔbɔ. Kpɛkuun be se be kɛ: «?Nzu ti yɛ anunman nin ndɛ bliki liɛ nga amun kpɛli'n ju-man kɛ laa liɛ nga amun kpɛ i titi'n sa kun-ɔn?»

Ezipt Lɔ Tulɛ'n 5:14 ပူးပေါင်းရင်းမြစ်များ

Ezipt Lɔ Tulɛ'n 1:14

Junman'n i kekle b'ɔ yoli'n ti'n, Izraɛlfuɛ'm b'a wun-man be wun fɛ, afin be si fa, be kpɛ bliki, be di blo junman'n kwlakwla kpan. E `kpɛ kpo e `se kɛ be dili junman tɛtɛ'n kwlaa. B'a si-man be aunnvuɛ mlɔnmlɔn.

Ezipt Lɔ Tulɛ'n 5:13

Plɔtrɔ junman'n su nianfuɛ'm be jin be su, be mianmian be, be se be kɛ: «Amun `wie amún cɛn kun junman'n di kɛ laa bɔ be tɛ man amun ijre'n sa.»

Ezipt Lɔ Tulɛ'n 5:15

Junman'n su kpɛnngbɛn kanngan sɔ'm be ɔli Ezipt famiɛn'n i wun lɔ, be ko seli i kɛ be klun jɔ-man. Be usɛli i kɛ: «?Nannan, nguɛ ti yɛ a yo e sɔ-ɔ?

Ezipt Lɔ Tulɛ'n 5:6

Cɛn kunngba sɔ nun'n, Ezipt famiɛn'n wlali Eziptfuɛ nga be ti plɔtrɔ junman difuɛ'm bé su nianfuɛ mun, ɔ nin Izraɛlfuɛ nga be ti junman difuɛ sɔ'm bé su kpɛnngbɛn kanngan'm be su nun kpa, ɔ seli be kɛ:

Ezai 10:24

I sɔ'n ti, ndɛ nga Anannganman b'ɔ sie mɛn wunmuan'n ɔ kan'n yɛ, i waan: «Min sran mun, amun bɔ amun wo Siɔn'n, nán amun sro Asirifuɛ mun bɔ be fa waka bo amun, bɔ be fa ngble fin amun kɛ Eziptfuɛ'm be yoli i laa'n sa'n.