Ezipt Lɔ Tulɛ'n 5:1 - NYANMIƐN NDƐ'N 1998

¹ Kɛ ɔ yoli sɔ'n, Moiz nin Aarɔn be ko toli Ezipt famiɛn'n yɛ be seli i kɛ: «Ndɛ nga Anannganman b'ɔ ti Izraɛl Nyanmiɛn'n kan'n yɛ. I waan a yaci i sran'm be nun man be wɔ aawlɛ flɛnnɛn'n nun lɔ be ko di cɛn be mɛnmɛn i.»

Ezipt Lɔ Tulɛ'n 5:1 ပူးပေါင်းရင်းမြစ်များ

1 Famiɛn Mun 21:20

Eli ɔli, ɔ ko kannin ndɛ'n kleli Akab. Yɛ Akab seli i kɛ: «Nja b'ɔ kpɔ min, e nin wɔ y'a yia ekun.» Eli kusu waan: «Ɛɛn! Kɛ bɔ like ng'ɔ kun Anannganman i ya'n i cɛ yɛ ɔ waan a ´yo'n, i ti yɛ m bali-ɔ.

Jue Mun 119:46

Afin sa nga a sie be'n, n ´kan be famiɛn'm be nyrun, n su sa-man nun nyan.

Ezipt Lɔ Tulɛ'n 10:3

Moiz nin Aarɔn be ko toli Ezipt famiɛn'n nan b'a se i kɛ: «Anannganman b'ɔ ti Ebre'm be Nyanmiɛn'n, ɔ usa wɔ kɛ: ‹?Ɔ wun ase nga ɔ waan a kɛn-mɛn i lɛ'n, a ´yo i sɔ lele ´fa ju cɛn onin? Man min sran'm be atin nan be kɔ su min.

Ezipt Lɔ Tulɛ'n 10:4

Sɛ ɔ waan a kplin-man su'n, ainman, n wa sunman lalo mun ɔ mɛn'n i wunmuan'n nun.

Ezipt Lɔ Tulɛ'n 10:9

Moiz tɛli Ezipt famiɛn'n su kɛ: «E kwlakwla yɛ e ´kɔ-ɔ, i ba kanngan mun o, i kpɛnngbɛn mun o, i yasua mun o, i bla mun o, e nin e bua mun nin e nannin mun ɔ nin é boli mun, afin ɔ fata kɛ e ko di cɛn e fa manman Anannganman.»

Ezipt Lɔ Tulɛ'n 3:18

Izraɛlfuɛ'm be ´fa ɔ nuan ndɛ'n su. Kɛ ɔ ko yo sɔ'n, a nin be kpɛnngbɛn mun, amun ko to Ezipt famiɛn'n. Amun `se i kɛ: ‹Anannganman, Ebre'm be Nyanmiɛn'n, e Nyanmiɛn'n, ɔ yili i wun nglo kleli ye. Man e atin nan e `fa cɛn nsan e `nanti e `wɔ aawlɛ flɛnnɛn'n nun lɔ, e `ko yi tɛ e man e Nyanmiɛn'n.›

Ezipt Lɔ Tulɛ'n 33:13

Sɛ ɔ ti sɔ'n, wuun yi wɔ akunndan'm be nglo kle min. I sɔ nun yɛ n ´si wɔ yɛ n ´nyan ye ɔ́ sa nun-ɔn. Nian, nvle nga nunfuɛ'm be ti ɔ sran mun.»

Ezipt Lɔ Tulɛ'n 4:23

N seli wɔ kɛ a yaci i nun nan ɔ ko su min, sanngɛ a kplin-man su. I sɔ'n ti, n wa yo man ɔ klun ba yasua klikli'n ´wu.› »

Ezipt Lɔ Tulɛ'n 6:11

«Kɔ nan ko se Ezipt famiɛn'n kɛ ɔ yaci Izraɛlfuɛ'm be nun man be jaso i mɛn'n nun.»

Ezipt Lɔ Tulɛ'n 6:27

Moiz nin Aarɔn yɛ be ko seli Ezipt famiɛn'n kɛ ɔ yaci Izraɛlfuɛ'm be nun nan be `jaso i mɛn'n nun nin-ɔn.

Ezipt Lɔ Tulɛ'n 7:16

Kan kle famiɛn'n kɛ: ‹Anannganman b'ɔ ti Ebre'm be Nyanmiɛn'n sunmannin min kɛ n se wɔ kɛ: Yaci min sran'm be nun man be ko su min aawlɛ flɛnnɛn'n nun lɔ. Lele b'ɔ ´fa ju ndɛ'n, a klo-man kɛ ɔ́ su ti i sɔ ndɛ'n mlɔnmlɔn.

Ezipt Lɔ Tulɛ'n 7:2

Ndɛ kwlaa nga n se wɔ kɛ a kan'n, kan kle Aarɔn nan i kusu ɔ kan kle Ezipt famiɛn'n kɛ ɔ ´yo nan ɔ'a yaci Izraɛlfuɛ'm be nun nan b'a wɔ'n ti.

Ezipt Lɔ Tulɛ'n 8:1

Anannganman seli Moiz kɛ: «Kan kle Aarɔn kɛ ɔ fa kpɔnman'n nan ɔ man i sa'n su nzue ba mun nin nzue sama mun, ɔ nin fɛtɛ'm be su kɛ ɔ ´yo nan klɛ'm b'a fa Ezipt mɛn wunmuan'n ti.»

Ezipt Lɔ Tulɛ'n 8:16

Anannganman seli Moiz kɛ: «Jaso ainman nglɛmun ndɛ kpa'n nan ko to famiɛn'n kɛ ɔ ´fite kɔ nzue nuan lɔ'n. Se i kɛ Anannganman wan yoo: ‹Man min sran'm be atin nan be ko su min.

Ezipt Lɔ Tulɛ'n 8:17

Sɛ w'a yaci-man min sran'm be nun'n, n wa yaci ngɔnsiɛn wie bɔ be nuan yo ya'n be nun, be ´kle wɔ nin ɔ mantanfuɛ mun nin ɔ nvle nunfuɛ mun, ɔ nin wɔ awlo'n nunfuɛ'm be nyrɛnnɛn. Eziptfuɛ'm be sua'm be nun wa yo ngɔnsiɛn sɔ'm be ngunmin kokoko. Be su di-man be yalɛ asiɛ nga amun nanti su'n i su.

Ezipt Lɔ Tulɛ'n 8:20

Anannganman yoli i kɛ ɔ fa kannin'n sa. Ngɔnsiɛn bɔ be nuan yo ya'n be bali kaka kpa, be fali Ezipt mɛn wunmuan'n, be wluli famiɛn'n i sua'n nun lɔ, ɔ nin i mantanfuɛ'm be liɛ'm be nun. Ngɔnsiɛn sɔ'm be sacili Ezipt mɛn'n.

Ezipt Lɔ Tulɛ'n 8:27

Anannganman yoli nga Moiz srɛli i kɛ ɔ yo'n. Ɔ fuannin ngɔnsiɛn sɔ mun be jasoli famiɛn'n nin i mantanfuɛ mun, ɔ nin be nvle'n nunfuɛ'm bé wun lɛ be ɔli mmua. Ngɔnsiɛn tɛtɛ sɔ'n, ba kun sa ɔ'a ka-man lɛ.

Ezipt Lɔ Tulɛ'n 9:1

Anannganman seli Moiz kɛ: «Kɔ ko to famiɛn'n lɔ nan se i kɛ: ‹Anannganman b'ɔ ti Ebre'm be Nyanmiɛn'n waan a yaci i sran'm be nun nan be wɔ be ko su i.

Ezipt Lɔ Tulɛ'n 9:2

Sɛ ɔ waan a yaci-man be nun be kɔ-man nan a tra be ase ekun'n,

Ezai 25:6

Anannganman b'ɔ sie mɛn wunmuan'n, ɔ man be ´tɔn aliɛ be ´man sran'm be kwlakwla Siɔn oka'n su. Be ´tɔn aliɛ fɛfɛ kpa, be ´sie su nzan fɛfɛ. Nnɛn bɔ lui o nun kpa'n yɛ be ´fa tɔn like sɔ nin-ɔn, nzan fɛfɛ b'ɔ ti weiin kpa'n yɛ be ´fa sie su-ɔ.

Ezekiɛl 2:6

Sanngɛ Ezekiɛl, ɔ liɛ'n, nán sro be, nán sro bé nuan nun ndɛ mun. N si kɛ ndɛ nga a kan'n be ´kaci i. A wa yo kɛ sran b'ɔ o owie-owie nin nyannglan'm be nun'n sa. Sanngɛ nán man sran sɔ'm be ndɛ nga be ´kan'n nin be aeliɛ'm be kun wɔ srɛ.

Matthieu 10:18

Be ´fa amun kɔ be bɔ be sie mɛn'n nin famiɛn'm bé ja su min ti nan an kan min ndɛ kle be nin be bɔ be ti-man Zuif'n.

Matthieu 10:28

Nán an sro be nga be kun sran bɔ be kwla kun-man like ng'ɔ man be flɛ sran i sran'n, sanngɛ an `sro Nyanmiɛn b'ɔ kwla saci be nnyɔn'n mlɔnmlɔn nyrɛnnɛn lika'n nun.

Sa nga bé yôli'n 4:29

Nannan Nyanmiɛn, nian e wlanwlanlɛ bɔ be wlan-wlan ye-ɔ, i sɔ'n ti siɛn'n, yo man ɔ sran'm be kan ɔ ndɛ'n yakpa su.

1 Korɛntfuɛ Mun 5:8

Man e di cɛn sɔ'n, sanngɛ kpaun bɔ ayre laa'n wo nun b'ɔ kle klunwi'n nin sa tɛ yolɛ'n, nán man e fa di. Sanngɛ man e fa kpaun bɔ b'a gua-man nun kpaun ayre'n e fa di, i yɛ ɔ kle kpa yolɛ nin nanwlɛ dilɛ nin-ɔn .