Ezipt Lɔ Tulɛ'n 40:34 - NYANMIƐN NDƐ'N 1998

³⁴ I blɛ sɔ nun'n, sin wɛnsrɛn'n wa katali tannin sua nga Nyanmiɛn yi i wun nglo nun'n su. Anannganman i nyrun nyannyan'n deli tannin sua wunmuan'n .

Ezipt Lɔ Tulɛ'n 40:34 ပူးပေါင်းရင်းမြစ်များ

2 Samiɛl 7:6

Kɛ n fali Izraɛlfuɛ mun Ezipt m bali'n lele b'ɔ ´fa ju ndɛ'n, n nian tran-man sua nun le. Kan Izraɛlfuɛ'm be ´kɔ'n, e nin be yɛ e kɔ-ɔ, yɛ tannin sua kunngba nga n trannin nun'n, i nun yɛ n tɛ wo-ɔ.

2 Be Nyoliɛ 5:13

Be kwlaa, i awɛ bofuɛ o, i jue tofuɛ o, be o likawlɛ, be sroli jue, be manmannin Anannganman, be bo flɛli i. Kɛ bɔ be ´to jue sɔ'n, wuun be ´bo ninnge nga be tɛ'n: awɛ mun, nin aaba ndɛ mun, ɔ nin like uflɛ mun. Be se kɛ: «Ɔ ti kpa, i aunnvuɛ silɛ'n wo lɛ tititi.» Kɛ ɔ yoli sɔ'n, nyanmiɛn ble'n yili Anannganman i sua'n.

2 Be Nyoliɛ 7:2

Nyanmiɛn nyrun jranfuɛ'm be kwla wlu-man Anannganman i sua'n nun, afin i nyrun nyannyan'n de i sua'n.

Jue Mun 26:8

Anannganman, ɔ́ sua'n bɔ a yi ɔ́ wun nglo nun nyannyannyan'n, i nun tranlɛ yo min fɛ.

Ezipt Lɔ Tulɛ'n 14:24

Kɛ aliɛ'n wa cɛn'n, Anannganman b'ɔ o sin taaman nin sin wɛnsrɛn'n be afiɛn lɔ'n, ɔ niannin Ezipt alɛ kunfuɛ mun, nan ɔ'a sanngan be nun.

Ezipt Lɔ Tulɛ'n 16:10

Kɛ bɔ Aarɔn i nuan tɛ o ndɛ ng'ɔ ´kan kle Izraɛlfuɛ'm be kwlakwla'n i su'n, be kpɛli bé nyin aawlɛ flɛnnɛn lika liɛ'n nun lɔ. Be ´nian-an, Anannganman i nyrun nyannyan'n yɛ ɔ o sin wɛnsrɛn'n nun yɛ.

Ezipt Lɔ Tulɛ'n 25:8

Man Izraɛlfuɛ'm be yo sua kun be man min, b'ɔ ti min liɛ klonglo, kɛ ɔ ´yo nan m'an tran amun afiɛn'n ti.

Ezipt Lɔ Tulɛ'n 29:43

Lika sɔ'n nun lɛ yɛ e nin Izraɛlfuɛ mun e ´yia-a, kpɛkuun lika'n ´yo min liɛ klonglo kɛ bɔ min nyrun nyannyan'n wo lɛ'n ti.

Ezipt Lɔ Tulɛ'n 33:9

Blɛ bɔ Moiz ko wlu tannin sua'n nun'n, wɛnsrɛn tianman kun fɛ i nglo lɔ wa jran tannin sua'n i anuan'n nun. Kpɛkuun Anannganman nin Moiz be su koko yalɛ.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 6:4

Kɛ be ´kpan'n, sua'n i anuan'm be keje sa gbugbugbu, yɛ sin wɛnsrɛn yili sua'n piɛ .

Ezekiɛl 10:4

Nyanmiɛn i nyrun nyannyan'n fɛli i anz sɔ'm be su lɔ bali Nyanmiɛn i sua'n i anuan'n nyrun lɛ. Kpɛkuun sin wɛnsrɛn'n yili Nyanmiɛn i sua'n, yɛ Anannganman'n i nyrun nyannyan'n kpajali awlo'n nun-ɔn .

Saun Yolɛ 16:2

«Se ɔ niaan Aarɔn kɛ nán man ɔ wlu min lika kpa tra su'n i nun lɔ ngbɛn-ngbɛn, yɛ nán man ɔ sin tannin dan ng'ɔ o min alaka'n nin i su tre'n be nyrun lɛ'n i sin lɔ finfin. Sɛ ɔ wlu lɔ sɔ'n, ɔ ´wu. Afin i blɛ nga wɛnsrɛn'n ɔ ´jaso alaka tre'n su'n, i sɔ blɛ liɛ'n nun yɛ n ´yi mín wun nglo-ɔ .

Ndɛ Nga Nyanmiɛn I Nuan Ijɔfuɛ Aze Kannin'n 2:7

N ´keje aofuɛ'm be nun. Bé bo ninnge kpakpa'm be ´sɔn kpanngbangban. N ´yo man mín sua'n ´nyan nyrun ekun. M bɔbɔ min yɛ n kan sɔ-ɔ.

Ndɛ Nga Nyanmiɛn I Nuan Ijɔfuɛ Aze Kannin'n 2:9

Ɔ man min sua nga i klanman ´tra klikli liɛ'n. Kpɛkuun m ´man amun fɔundi lika nga nun wa. M bɔbɔ min Anannganman b'ɔ n sie mɛn wunmuan'n, min yɛ n fua kle amun-ɔn.› »

Kalɛ 7:89

Sɛ Moiz wlu tannin sua'n nun lɔ kɛ ɔ nin Anannganman be ´ko koko yalɛ'n, ɔ ti aniɛn kun, ɔ tɛ Nyanmiɛn i alaka'n i ti tre i su, anz nnyɔn'm be afiɛn lɛ. Kpɛkuun Moiz nin Anannganman be koko yalɛ.

Rɔmfuɛ Mun 9:4

Be ti Izraɛlfuɛ, Nyanmiɛn man be kacili i wa, ɔ nin be trannin, ɔ kleli be like ng'ɔ se kɛ ɔ ´yo man be'n, ɔ fɛ i mmla'n mannin be, yɛ ɔ kleli be i sɔlɛ wafa'n nin like nga ɔ wa yo'n .

Sa nglô yile 15:8

Nyanmiɛn i wun nyannyannyan'n nin i kwlalɛ'n ti, wɛnsrɛn'n wa deli i lika kpa'n. Sran fi kwla wlu-man lɔ san anz nso'n be nyrɛnnɛn nso'n ɔ'a wie .

Sa nglô yile 21:3

N tili sran kun nɛn kekle kpa bia'n wun lɔ, ɔ seli kɛ: «Siɛn'n Nyanmiɛn i tranwlɛ'n wo sran'm be afiɛn! Ɔ nin be ´tran, be ´yo i sran, yɛ i bɔbɔ ´yo be Nyanmiɛn .