Ezipt Lɔ Tulɛ'n 40:31 - NYANMIƐN NDƐ'N 1998

³¹ Moiz nin Aarɔn, ɔ nin i mma mun, be fa nzue sɔ'n be wunnzin bé sa nin bé ja mun.

Ezipt Lɔ Tulɛ'n 40:31 ပူးပေါင်းရင်းမြစ်များ

Jue Mun 26:6

Anannganman, n ´wunnzin mín sa nun man be ´wun kɛ m'an yo-man sa. M ´bo sin yia ɔ sɔwlɛ'n.

Ezipt Lɔ Tulɛ'n 40:30

Be takali kpongbo dan'n tannin sua'n nin Nyanmiɛn sɔwlɛ'm be afiɛn lɛ, yɛ be guali nun nzue kɛ be `fa kplo bé wun fiɛn.

Ezipt Lɔ Tulɛ'n 40:32

Blɛ kwlaa nun kɛ be ´wlu tannin sua nga Nyanmiɛn yi wun nglo nun'n nun, annzɛ kɛ be ´mantan Nyanmiɛn i sɔwlɛ'n, be kplo bé wun fiɛn kɛ nga sa. Nga Nyanmiɛn kan kleli Moiz'n, i su yɛ be nian be yo-ɔ.

Jean 13:10

Jésus seli i kɛ: «Sran nga ɔ'a dun mmua wunnzin'n, san i ja yɛ ɔ wunnzin-ɔn, afin i wun ti yɛiin. Amun liɛ'n, an ti yɛiin, sanngɛ nán amun ngba-a.»

1 Jean 1:7

Sɛ sa nga e yo'n e yo i weinwein kɛ i bɔbɔ yo sa weinwein sa'n, e nin amun di anuansɛ, yɛ i Wa Jésus i mmoja'n man é wun sa tɛ kwlaa ´wie.

1 Jean 1:9

Sanngɛ sɛ e di sa tɛ nga e yoli'n i nanwlɛ kle Nyanmiɛn'n, e kwla fa é wla'n guɛ i su, afin ɔ yo sa i nuan su, ɔ ´yaci cɛ ye, yɛ ɔ man é wun sa'n kwlaa ´wie.