Ezipt Lɔ Tulɛ'n 40:29 - NYANMIƐN NDƐ'N 1998

²⁹ I sin be sieli Nyanmiɛn i sɔwlɛ'n tannin sua'n i nyrun koko lɛ. Yɛ be yili tɛ nga be yrɛ i nnɛn kɔlikɔli'n i su. Be yrali ble annzɛ like ng'ɔ ti kɛ ble sa nga be fa yi sraka'n i su ekun. Nga Anannganman kan kleli Moiz'n, i su yɛ be niannin be yoli-ɔ.

Ezipt Lɔ Tulɛ'n 40:29 ပူးပေါင်းရင်းမြစ်များ

2 Famiɛn Mun 16:14

Nyanmiɛn sɔwlɛ bɔ be fali aaba yɛ be yoli'n, wo Anannganman bɔbɔ nyrun lɛ. Ɔ o i sua'n i nyrun lɛ, i sɔwlɛ uflɛ'n nin i sua'n be afiɛn'n nun. Akaz ko sieli i Nyanmiɛn sɔwlɛ'n i sin lɔ nglo lɔ lika'n nun.

Ezipt Lɔ Tulɛ'n 40:28

Be sendeli tannin sua'n i anuan'n nun rido'n.

Ezipt Lɔ Tulɛ'n 40:30

Be takali kpongbo dan'n tannin sua'n nin Nyanmiɛn sɔwlɛ'm be afiɛn lɛ, yɛ be guali nun nzue kɛ be `fa kplo bé wun fiɛn.

Ezipt Lɔ Tulɛ'n 40:6

Man be sie min sɔwlɛ'n tannin sua'n i nyrun lɛ.

Ezekiɛl 40:47

Sran'n ɔ sunnzunnin awlo klun lɔ'n, i bue nnan ngba sɛ. Bue kun ti mɛtri ablenun. Nyanmiɛn sɔwlɛ'n ɔ o Nyanmiɛn i sua'n i nyrun.

Ezekiɛl 43:18

Ɔ seli min kɛ: «Klɔ sran, ndɛ nga min Anannganman Nyanmiɛn n kan'n yɛ: ‹Min sɔwlɛ nga be wa kplan'n bɔ be ´yi tɛ nga be yra be nnɛn'n kɔlikɔli'n su'n, bɔ be ´kpɛntɛn-kpɛntɛn mmoja su'n, i mmla nga m man mun yɛ.

Saun Yolɛ 1:1

Anannganman o tannin sua'n ng'ɔ yi i wun nglo nun lɔ'n nun, ɔ flɛli Moiz, ɔ kan ndɛ kleli i. Ɔ seli i kɛ ɔ

Matthieu 23:19

?Anyansifuɛ mun, nnɛn'n yɛ ɔ ti dan annzɛ Nyanmiɛn sɔwlɛ'n bɔ i su yɛ Nyanmiɛn fa nnɛn nin-ɔn?

Hébreu 13:10

E liɛ'n, e lɛ Nyanmiɛn sɔwlɛ kun yɛ Nyanmiɛn nyrun jranfuɛ bɔ be di junman Zuif'm bé tannin sua nun'n, be kwla di-man like ng'ɔ fin Nyanmiɛn sɔwlɛ sɔ'n su.

Hébreu 9:12

Kɛ Krist ´wlu Nyanmiɛn lika kpa nun'n, nán boli kpakpuɛ nin nannin ba mmoja yɛ ɔ fa ɔli-ɔ, sanngɛ ɔ fɛli i bɔbɔ i mmoja'n, ɔ wluli lɔ kpɛ kunngba cɛ, ɔ su wlu-man lɔ kun, ɔ man ɔ deli ye mlɔnmlɔn.