Ezipt Lɔ Tulɛ'n 40:20 - NYANMIƐN NDƐ'N 1998

²⁰ I sin Moiz fali yɛbuɛ paplaapla nga mmla blu'm be klɛ su'n wlɛli i Nyanmiɛn i alaka'n nun. Be fali waka floloflolo mun wlali alaka'n i sa'm be nun, yɛ be fɛli i su tre'n be katali su.

Ezipt Lɔ Tulɛ'n 40:20 ပူးပေါင်းရင်းမြစ်များ

1 Famiɛn Mun 8:9

Like ng'ɔ wo alaka nun'n, yɛlɛ yɛbuɛ paplaapla nnyɔn nga Moiz fali be sieli nun'n Orɛb lɔ'n. Be ngunmin cɛ yɛ be o nun-ɔn. Kɛ be fin Ezipt mɛn'n nun bali'n yɛ Anannganman fali yɛbuɛ paplaapla sɔ mun mannin be-ɔ. I blɛ sɔ'n nun yɛ Anannganman nin be trali aenguɛ nin-ɔn .

1 Be Nyoliɛ 15:3

David yiayiali Izraɛlfuɛ'm be kwlaa Zerizalɛm lɛ kɛ ɔ ´yo nan b'a fa Anannganman i alaka'n b'a ba lika nga David bɔbɔ siesieli'n nun'n ti.

2 Be Nyoliɛ 5:10

Like ng'ɔ o alaka nun'n yɛlɛ yɛbuɛ paplaapla nnyɔn nga Moiz fali be sieli nun Orɛb lɔ'n. Be ngunmin cɛ yɛ be o nun-ɔn. Kɛ be fin Ezipt mɛn'n nun fiteli'n yɛ Anannganman fali yɛbuɛ paplaapla sɔ mun mannin be-ɔ. I blɛ sɔ'n nun yɛ Anannganman nin be trali aenguɛ nin-ɔn.

Jue Mun 40:8

I ti min waan: «Sɛ ɔ ti sɔ'n, m bɔbɔ m ba. Min wun ndɛ nga be kannin'n, ɔ o mmla fluwa'n nun.

Ezipt Lɔ Tulɛ'n 16:34

Aarɔn yoli i kɛ Anannganman kan kleli Moiz'n sa. Ɔ jinnin sɛma'n nin i nun mani'n Anannganman i alaka'n nyrun lɛ, nan ɔ ´ka lɛ titi .

Ezipt Lɔ Tulɛ'n 26:34

Man be fa min alaka'n i su tre'n be kata su min lika kpa tra su'n nun lɔ.

Ezipt Lɔ Tulɛ'n 31:18

Blɛ bɔ Anannganman kannin ndɛ kleli Moiz Sinai oka'n su lɔ wieli'n, ɔ mɛnnin i yɛbuɛ paplaapla nnyɔn, bé su yɛ Nyanmiɛn bɔbɔ fɛli i sama klɛli i mmla mun nin-ɔn.

Ezipt Lɔ Tulɛ'n 40:19

Tannin tanmue nga be sasali be su'n, be tinngɛli be nun yɛ be fa yoli Nyanmiɛn i sua nin-ɔn. Kpɛkuun be fali sua'n i su katalɛ like'n be katali su kɛ Anannganman kan kleli Moiz kɛ ɔ `yo'n sa.

Ezipt Lɔ Tulɛ'n 40:3

Man be fa min alaka'n be sie i nun lɔ, nan be kɛtɛ i nyin nin rido'n.

Matthieu 3:15

Jésus seli i kɛ: «Yaci, yo ndɛ liɛ'n, afin ɔ ti i su kɛ e `yo sa kwlaa ng'ɔ ti Nyanmiɛn klun su'n.» Yɛ Zan yoli-ɔ.

Rɔmfuɛ Mun 10:4

Afin be kwlaa nga be lafi Krist su'n, ɔ'a nunnun mmla i su falɛ wafa nga be bu i kɛ sɛ be yo sɔ'n yɛ be ´yo sran kpa'n.

Rɔmfuɛ Mun 3:25

Kɛ ɔ ´yo nan y'a si kɛ ɔ ti kpa'n ti'n, ɔ fa Jésus mannin kɛ ɔ ´fa yi e ti tɛ nan kɛ be ko kun i'n, be bɔ be lafi i su'n, sa tɛ nga be yoli'n, ɔ `yaci cɛ be Jésus mmoja'n ti. Afin laa sa nga be yoli i'n, ɔ blu su.

Mmla'n 10:5

Yɛ n fin oka'n su lɔ n jrali nan m'an fa yɛbuɛ paplaapla nnyɔn mun m'an sie be alaka'n nun. Be kali alaka'n nun lɛ kɛ Anannganman kan kleli min'n sa.

Hébreu 4:16

I sɔ'n ti, man e fa é wla gua Nyanmiɛn su e wunnge i bia'n bɔ be kɔ lɔ-ɔ be nyan ye'n i wun lɔ nan ɔ si ye aunnvuɛ, nan blɛ nga é sa mian'n, ɔ `yo e ye, yɛ ɔ `ti é wun nyanman nun.

Hébreu 9:4

Nyanmiɛn sɔwlɛ b'ɔ ti sika ɔkwlɛ'n, bɔ be yra ayre fannin su'n, ɔ nin Nyanmiɛn i alaka, bɔ be klo sika ɔkwlɛ guɛli i wun'n be o lɔ. Sika ɔkwlɛ sɛma'n bɔ mani'n wo nun'n, nin Aarɔn kpɔnman b'ɔ fɛfɛli'n, ɔ nin yɛbuɛ paplaapla bɔ be klɛ aenguɛ nga Nyanmiɛn waan ɔ nin sran'm be ´tra bé su'n, be wo alaka sɔ'n nun .

1 Jean 2:2

Afin i bɔbɔ fɛ i wun yili é ti tɛ nan Nyanmiɛn yaci sa nga e yoli i'n cɛ ye. Nán e ngunmin é ti tɛ yɛ ɔ yili-ɔ, sran'm be kwlaa be liɛ-ɔ.