Ezipt Lɔ Tulɛ'n 40:18 - NYANMIƐN NDƐ'N 1998

¹⁸ Moiz yoli man be kplannin Nyanmiɛn i tannin sua'n: be yoli waka'm be takatakawlɛ mun, be kplannin waka paplaapla mun, yɛ be fali wie be jajali nun, be kplannin kofiaja'm be kusu.

Ezipt Lɔ Tulɛ'n 40:18 ပူးပေါင်းရင်းမြစ်များ

2 Samiɛl 7:6

Kɛ n fali Izraɛlfuɛ mun Ezipt m bali'n lele b'ɔ ´fa ju ndɛ'n, n nian tran-man sua nun le. Kan Izraɛlfuɛ'm be ´kɔ'n, e nin be yɛ e kɔ-ɔ, yɛ tannin sua kunngba nga n trannin nun'n, i nun yɛ n tɛ wo-ɔ.

Ezipt Lɔ Tulɛ'n 40:17

Afuɛ nnyɔn su'n, i anglo klikli'n i cɛn ba klikli'n su yɛ be kplannin Nyanmiɛn i tannin sua nin-ɔn.

Ezipt Lɔ Tulɛ'n 40:19

Tannin tanmue nga be sasali be su'n, be tinngɛli be nun yɛ be fa yoli Nyanmiɛn i sua nin-ɔn. Kpɛkuun be fali sua'n i su katalɛ like'n be katali su kɛ Anannganman kan kleli Moiz kɛ ɔ `yo'n sa.

Ezipt Lɔ Tulɛ'n 40:2

«Anglo klikli'n i cɛn klikli'n su, yo man be kplan min tannin sua nga n ´yi mín wun nglo nun'n bɔ i nun yɛ be ´yia'n.

Ezai 33:24

Zerizalɛmfuɛ'n wie fi su se-mɛn kɛ: «N kpinndin-man.» B'a yaci be bɔ be tran Zerizalɛm'n bé sa tɛ'n ɔ'a cɛ be.

Saun Yolɛ 26:11

E nin amun e wa tran lɛ, n su kaci-man n sin n si-man amun.

Matthieu 16:18

N kusu, n ´kan kle wɔ kɛ, be flɛ ɔ Piɛr (bɔ i bo'n yɛlɛ yɛbuɛ'n). Yɛbuɛ tanda'n su yɛ m ma kplan min asɔnun nin-ɔn, yɛ wie'n su kwla saci-mɛn.

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Galasifuɛ Mun 4:4

Sanngɛ kɛ blɛ nga Nyanmiɛn sieli'n juli'n, ɔ sunmɛnnin i Wa'n, bla kun wuli i, ɔ dili mmla'n su.

1 Timote 3:15

Sanngɛ sɛ m'an kwla ɔ-man icra'n, fluwa nga nun ndɛ'n ɔ ´yo man a ´si sa nga a ´yo i Nyanmiɛn i awlo'n nun'n. Awlo sɔ'n yɛlɛ Nyanmiɛn b'ɔ lafi-man'n i Asɔnun'n. Sɛ nanwlɛ'n ti sua'n, wuun Asɔnun'n ti i kuatrɛn nin i kofiaja.

1 Piɛr 1:5

Nyanmiɛn b'ɔ kwla like'n kwlaa yo'n ɔ sieli i lɔ sieli amun i su bɔ an lafi'n ti, ɔ ´nian amun su lele amun ´nyan amún ti, afin ɔ'a dun mmua sie i kɛ mɛn'n i awieliɛ ɔ ´yi amún ti nyanlɛ sɔ'n i nglo.

Sa nglô yile 21:3

N tili sran kun nɛn kekle kpa bia'n wun lɔ, ɔ seli kɛ: «Siɛn'n Nyanmiɛn i tranwlɛ'n wo sran'm be afiɛn! Ɔ nin be ´tran, be ´yo i sran, yɛ i bɔbɔ ´yo be Nyanmiɛn .