Ezipt Lɔ Tulɛ'n 40:14 - NYANMIƐN NDƐ'N 1998

¹⁴ Se Aarɔn i mma'm be kɛ be bla ɔ wun lɛ. Kɛ be ba'n, fa be tralɛ mun wla bé wun.

Ezipt Lɔ Tulɛ'n 40:14 ပူးပေါင်းရင်းမြစ်များ

Ezipt Lɔ Tulɛ'n 29:8

I sin se i mma'm be kɛ be wunnge ɔ́ wun lɛ, nan wla be tralɛ tɛnndɛn'n.

Ezipt Lɔ Tulɛ'n 40:13

Aarɔn i tralɛ ng'ɔ wla fa jran min nyrun'n, fa wlɛ i wun nan guɛ i ti su ngo. Fɛ i wlɛ mín sa nun nan ɔ `yo min nyrun jranfuɛ nan ɔ `di min junman'n.

Ezipt Lɔ Tulɛ'n 40:15

Fa ngo gua bé ti su kɛ a fa guali bé si i ti liɛ'n su'n sa. Yɛ be wa yo min nyrun jranfuɛ mun, be ´di min junman'n. Ngo sɔ bɔ a ´fa gua bé ti su'n ti, be nin bé osu nunfuɛ'm be wa yo min nyrun jranfuɛ tititi, ɔ lɛ-man kpɛ bo.»

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Saun Yolɛ 8:13

I sin ɔ flɛli Aarɔn i wa yasua mun nan b'a wunnge i wun lɛ, nan ɔ'a fa be tralɛ tɛnndɛn kanngan liɛ'n ɔ'a wla be, nan ɔ'a fa be cisu liɛ'n ɔ'a ci su, nan ɔ'a fa bé kle liɛ'n ɔ'a wla bé ti. Ndɛ nga Anannganman kan kleli Moiz'n, i su yɛ ɔ niannin tɛɛn yoli-ɔ.

Jean 1:16

E kwlaa e nyɛnnin i like kpakpa'n wie, ɔ yoli e ye nan ɔ'a yo e ye ekun.

Rɔmfuɛ Mun 13:14

An `fa e Min Jésus-Krist yo kɛ amun nyrɛn sa. Nán an bu like nga klɔ sran i konvi sɔ i'n i akunndan kɛ amun ´yo.

Rɔmfuɛ Mun 8:30

Be ng'ɔ sieli be sɔ'n, ɔ flɛli be, yɛ be ng'ɔ flɛli be'n, ɔ buli be sran kpa, yɛ be nga ɔ buli be sran kpa'n, ɔ man be nyannin nyrun kɛ i liɛ'n sa.

1 Korɛntfuɛ Mun 1:30

Afin i yɛ man amun nin Krist-Jésus amu'an kaci sran wunmuan-an, yɛ Krist ti e kacili ngwlɛlɛfuɛ, ɔ buli ye sran kpa, e kacili i liɛ mlɔnmlɔn, yɛ ɔ kpɔli é ti.

1 Korɛntfuɛ Mun 1:9

Nyanmiɛn b'ɔ flɛli amun kɛ amun nin i Wa Jésus-Krist b'ɔ ti e Min'n an di anuansɛ'n, ɔ ti nanwlɛfuɛ.