Ezipt Lɔ Tulɛ'n 4:31 - NYANMIƐN NDƐ'N 1998

³¹ Kpɛkuun sran'm be lafili su, be wunnin i wlɛ kɛ Anannganman wunnin bé su afɛ'n, nan i waan ɔ ´yi i wun nglo nan ɔ ´de be. Be kotoli nan b'a su i.

Ezipt Lɔ Tulɛ'n 4:31 ပူးပေါင်းရင်းမြစ်များ

Bo Bolɛ 17:3

Abram bubu guali asiɛ wun gblo! Ɔ utuli i nyin ase nan Nyanmiɛn'n ɔ'a se i kɛ:

Bo Bolɛ 24:26

Kpɛkuun bian'n kotoli Anannganman bo, ɔ lɛli i ase.

Bo Bolɛ 29:32

Lea wunnzɛli, ɔ wuli ba yasua kun nan ɔ'a flɛ i kɛ Ribɛn. Ɔ seli kɛ: «Anannganman wunnin min nyrun nyannzuɛn'n. Siɛn liɛ'n, min wun'n ɔ wa klo min.»

Bo Bolɛ 50:24

Le kun Zozɛf seli i niaan'm be kɛ: «N su wa wu, sanngɛ n si kɛ Nyanmiɛn ɔ ´uka amun, ɔ ´fa amun kɔ mɛn ng'ɔ tali Abraam nin Izaak nin Zakɔb be nda kɛ ɔ ´fa man be'n nun.»

1 Be Nyoliɛ 29:20

Yɛ David seli sran'm bɔ b'a yia'n be kɛ: «Amun `la Anannganman amun Nyanmiɛn'n i ase!» Yɛ anyia nunfuɛ'm be kwlaa be lali Anannganman b'ɔ ti be si'm be Nyanmiɛn'n i ase-ɔ. Be kotoli nan b'a utu bé nyin ase Nyanmiɛn nin famiɛn'n be nyrun.

2 Be Nyoliɛ 20:18

Zozafat kotoli yɛ ɔ utuli i nyin ase. Zidafuɛ mun nin Zerizalɛmfuɛ'm be kwlaa be kotoli yɛ be utuli bé nyin ase Anannganman nyrun wie.

2 Be Nyoliɛ 32:8

I liɛ'n, i sonja'm be ti sran, sanngɛ e liɛ'n, Anannganman e Nyanmiɛn'n yɛ ɔ o é sin-ɔn. Ɔ ´uka ye, ɔ ´kun alɛ'n man ye.» Famiɛn Ezekias i ndɛ sɔ'n wlali klɔ'n sufuɛ'm be kwlaa be fanngan.

2 Be Nyoliɛ 7:3

Izraɛlfuɛ'm be kwlaa be wunnin sin b'ɔ jra'n nin Anannganman nyrun nyannyan'n b'ɔ o sua'n su'n. Be kotoli yɛ be utuli be nyin ase dalasi'n su, be manmannin Anannganman. Be seli ke: «Ɔ ti kpa, i aunnvuɛ silɛ'n wo lɛ tititi.»

Neemi 8:6

Ɛsdras lali Anannganman Nyanmiɛn kpli'n i ase, kpɛkuun sran'm be kwlaa be mannin bé sa'n su nglo, yɛ be seli kɛ: «Man ɔ yo sɔ! Man ɔ yo sɔ!» I sin be kotoli utuli bé nyin ase Anannganman nyrun.

Zɔb I Nyrɛnnɛn Wunlɛ 1:20

Yɛ Zɔb jasoli-ɔ. Ɔ titili i wun tralɛ'm be nun. I sin, ɔ kpuli i ti'n su, yɛ ɔ bubu guali asiɛ wun gblo! Ɔ kotoli,

Ezipt Lɔ Tulɛ'n 12:27

Amun `tɛ bé su kɛ: ‹Ɔ ti tɛ kun bɔ be yi be fa man Anannganman Delɛ-cɛn'n nun. Afin kɛ bɔ Izraɛlfuɛ'm be tɛ o Ezipt lɔ'n, Anannganman fali wie'n yili i Eziptfuɛ'm bé su, sanngɛ kɛ ɔ ´sin'n, ɔ'a jran-man e sua liɛ'm be su wie, ɔ yacili ye awlo'm be lɛ.› » Kɛ ɔ yoli sɔ'n, Izraɛlfuɛ'm be kotoli nan b'a su Anannganman'n.

Ezipt Lɔ Tulɛ'n 14:31

Kɛ Izraɛlfuɛ'm be wunnin Anannganman i tinmin dan bɔ i ti ɔ kwlali Eziptfuɛ mun'n, bé nyin yili i. Be lafili i su, yɛ be lafili i sufuɛ Moiz su wie.

Ezipt Lɔ Tulɛ'n 19:8

Nvlefuɛ'm be kwlaa be tɛli su kɛ: «Like kwlaa nga Anannganman waan e yo'n, e ´yo.» Moiz ko kannin i su nga be tɛli i'n kleli Anannganman.

Ezipt Lɔ Tulɛ'n 19:9

Kpɛkuun Anannganman seli Moiz kɛ: «N wa ba ɔ́ wun lɔ. Sin wɛnsrɛn kpikplikpi kun nun yɛ n ´fia-a kɛ ɔ ´yo nan kɛ n ijɔ kle wɔ'n, Izraɛlfuɛ'm b'a ti nan b'a lafi ɔ su titi'n ti.» Moiz kannin i su nga nvlefuɛ'm be tɛli'n kleli Anannganman.

Ezipt Lɔ Tulɛ'n 2:25

Kɛ Nyanmiɛn niannin Izraɛlfuɛ mun'n, kpɛkuun be yoli i annvɔ.

Ezipt Lɔ Tulɛ'n 3:16

Siɛn'n, kɔ ko yia Izraɛl kpɛnngbɛn mun nan se be kɛ: ‹Anannganman b'ɔ ti amun nannan'm be Nyanmiɛn'n, Abraam nin Izaak, nin Zakɔb be Nyanmiɛn'n yili i wun nglo kleli min. Ɔ seli min kɛ ɔ buli afɛ nga amun o nun'n i akunndan, yɛ ɔ wunnin sa nga be fa yo amun Ezipt mɛn'n nun'n.

Ezipt Lɔ Tulɛ'n 3:18

Izraɛlfuɛ'm be ´fa ɔ nuan ndɛ'n su. Kɛ ɔ ko yo sɔ'n, a nin be kpɛnngbɛn mun, amun ko to Ezipt famiɛn'n. Amun `se i kɛ: ‹Anannganman, Ebre'm be Nyanmiɛn'n, e Nyanmiɛn'n, ɔ yili i wun nglo kleli ye. Man e atin nan e `fa cɛn nsan e `nanti e `wɔ aawlɛ flɛnnɛn'n nun lɔ, e `ko yi tɛ e man e Nyanmiɛn'n.›

Ezipt Lɔ Tulɛ'n 3:7

Anannganman seli i ekun kɛ: «N wunnin min sran nga be o Ezipt lɔ'n be nyrɛnnɛn nga be fa kle be'n. Kɛ be kle be nyrɛnnɛn'n, kpanlɛ nga be kpannin'n, n tili. N si afɛ ng'ɔ o be su'n.

Ezipt Lɔ Tulɛ'n 33:10

Kɛ Izraɛlfuɛ'm be wun wɛnsrɛn'n, anyinyiɛ'n ti be kwlaa be kan be wun ase lele asiɛ wun be bɔbɔ bé tannin sua'm bé wun lɛ.

Ezipt Lɔ Tulɛ'n 34:8

Moiz kɛnnin i wun ase ndɛndɛ, ɔ kotoli yɛ ɔ utuli i nyin ase.

Ezipt Lɔ Tulɛ'n 4:5

Anannganman waan: «Like nga a wa yo nan b'a lafi su kɛ min Anannganman bɔ n ti be nannan Abraam, nin Izaak, nin Zakɔb be Nyanmiɛn'n, n yili min wun nglo n kleli wɔ'n yɛ ɔ o lɛ-ɔ.»

Sofoni 2:7

I sɔ lika liɛ ng'ɔ o jenvie nuan lɔ'n, Zidafuɛ'm be ´fa be nnɛn'm be ´kɔ didilɛ lɔ, kpɛkuun nnɔsua be ´ko la Askalɔn sua'm be nun lɔ. Afin Anannganman be Nyanmiɛn'n ɔ wa nian be lika, ɔ ´fa be ´sie be osu laa'n nun .

JÉSUS-CHRIST I DYASIN FE'N BO LUC KLELI'N 1:68

«Izraɛl'm be Nyanmiɛn b'ɔ ti e Min'n, i kwla o, yɛlɛ kɛ ɔ'a niɛn i sran'm be osu, ɔ'a de bé.

JÉSUS-CHRIST I DYASIN FE'N BO LUC KLELI'N 8:13

Nga kusu b'ɔ tɔli akpuɛ'n su'n yɛlɛ be nga kɛ be ti Nyanmiɛn ndɛ'n, be klun jɔ su, be fa su kaan, sanngɛ be ti kɛ awie b'ɔ lɛ-man ndin'n sa, kɛ sa kaan tɔ be su'n, kpɛkuun b'a yaci i su falɛ.

Rit I Wun Ndɛ 1:6

Ɔ ´ti-ɔ, be waan Anannganman nin i nvle'n be o nun, nan aliɛ ɔ'a fite lɔ siɛn'n. Yɛ ɔ ´jaso Moab mɛn'n nun lɔ ɔ ´kɔ-ɔ, ɔ nin i sewi mun.