Ezipt Lɔ Tulɛ'n 4:24 - NYANMIƐN NDƐ'N 1998

²⁴ Kɛ be ´kɔ bɔ be juli atin afiɛn'n, Moiz lali lika kun nun kɔnguɛ. Anannganman bali i wun lɛ, i waan ɔ yo nan ɔ wu.

Ezipt Lɔ Tulɛ'n 4:24 ပူးပေါင်းရင်းမြစ်များ

Bo Bolɛ 17:14

Sran yasua nga b'a wlɛ-mɛn i klɛn'n, i sɔ sran liɛ'n ɔ nin min nvle'n nun tranlɛ fata-man, afin i sɔ'n ti min aenguɛ'n i su mmla'n i sacilɛ.»

Bo Bolɛ 42:27

Kan be lali lɛ'n, be nun kun tikeli i bajɛ'n su kɛ ɔ ´mɛn i aflunmun'n i ijre, ɔ ´nian-an, i sika'n yɛ ɔ o i bajɛ'n nun yɛ.

1 Famiɛn Mun 13:24

Nan Nyanmiɛn nuan ijɔfuɛ kun sɔ'n ɔ'a ɔ. Asɔmɔli kun nin i ko yiali atin'n nun, nan ɔ'a kun bian sɔ'n. I fuɛn'n nannan atin'n nun, aflunmun'n jin i wun lɛ yɛ asɔmɔli'n kusu jin i wun lɛ wie.

1 Be Nyoliɛ 21:16

Kɛ David ´nian'n, anz'n o nyanmiɛn'n nin asiɛ'n be afiɛn ɔ'a tinngɛ i tokofi'n Zerizalɛm ndɛnman. Yɛ David nin Izraɛl kpɛnngbɛn mun bɔ bajɛ tralɛ o bé wun, be tɔli nan b'a utu bé nyin ase.

Ezipt Lɔ Tulɛ'n 3:18

Izraɛlfuɛ'm be ´fa ɔ nuan ndɛ'n su. Kɛ ɔ ko yo sɔ'n, a nin be kpɛnngbɛn mun, amun ko to Ezipt famiɛn'n. Amun `se i kɛ: ‹Anannganman, Ebre'm be Nyanmiɛn'n, e Nyanmiɛn'n, ɔ yili i wun nglo kleli ye. Man e atin nan e `fa cɛn nsan e `nanti e `wɔ aawlɛ flɛnnɛn'n nun lɔ, e `ko yi tɛ e man e Nyanmiɛn'n.›

Ndɛ Nga Nyanmiɛn I Nuan Ijɔfuɛ Oze Kannin'n 13:8

M'an kaci kɛ nnɛn sroesroe bɔ be flɛ i urs bɔ b'a fɛ i wa sa, m'an sa, n ´tra amun n ´titi amun wue nun. Alua'm be wa di amun. Blo nnɛn'm be wa titi amun nnɛn'n nun.

Saun Yolɛ 10:3

Nan Moiz ɔ'a se Aarɔn kɛ: «Anannganman kan ndɛ yɛ'n kleli amun. Ɔ seli amun kɛ yoo: ‹N klo kɛ be nga be waan be ´fa bé wun mantan min'n, bé nyin `yi min, yɛ be `manman min mɛn mma'm be nyrun.› » Kɛ Moiz kɛnnin i sɔ'n kleli Aarɔn'n, ɔ'a kle-man Aarɔn i ijɔlɛ mlɔnmlɔn.